ព័ត៌មានសេដ្ឋកិច្ច ក្នុងនិងក្រៅប្រទេស

home latest
CDC អនុម័តគម្រោងរោងចក្រកាត់ដេរ ៥បន្ថែម

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តការចុះបញ្ជីជាផ្លូវការនូវរោងចក្រកាត់ដេរសម្លៀកបំពាក់ចំនួន ៥ ដែលមានទុនវិនិយោគ ២៧,១លានដុល្លារ ចាប់ពីដើមឆ្នាំ២០២០ គិតត្រឹមជិតពាក់កណ្តាលខែកុម្ភៈនេះ។ នេះបើយោងតាម CDC ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១១ ខែកុម្ភៈ ឆ្នាំ ២០២០


ទំហំពាណិជ្ជកម្មកម្ពុជាថៃកើនឡើងដល់ជាង ៩,៤ពាន់លានដុល្លារ ខណៈវិនិយោគទុនថៃនៅកម្ពុជាមានជិត ១ពាន់លាន

ភ្នំពេញ៖ ការធ្វើពាណិជ្ជកម្មរវាងកម្ពុជា និងថៃ ហាក់ទទួលបានផលផ្លែផ្កាគួរឱ្យកត់សម្គាល់ពីមួយឆ្នាំទៅមួយឆ្នាំ។ ជាក់ស្តែងក្នុងឆ្នាំ២០១៩ កន្លងទៅនេះ ទំហំពាណិជ្ជកម្មរវាងកម្ពុជា និងថៃសម្រេចបានចំនួន ៩ ៤១៦លានដុល្លារអាមេរិក ខណៈទុនវិនិយោគមកពីប្រទេសថៃរហូតមកដល់ពេលនេះក៏មានទឹកប្រាក់ប្រមាណ ១ពាន់លានដុល្លារអាមេរិកផងដែរ។ នេះបើតាមលោក ជុំរិន ឡាក់សៈណាក់វិហ្ស៊ីត (Jurin Laksanawish) រដ្ឋមន្ត្រីក្រសួងពាណិជ្ជកម្មថៃក្នុងឱកាសបើកពិព័រណ៍ពាណិជ្ជកម្មថៃ (Top Thai Brand)។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃចន្ទ ទី១០ ខែកុម្ភៈ ឆ្នាំ ២០២០


ការនាំចេញអង្ករក្នុងខែមករា បានធ្លាក់ចុះជាង ១៥ភាគរយ

ភ្នំពេញ៖ ការនាំចេញ​អង្ករ​កម្ពុជា​ទៅកាន់​ទីផ្សារ​អន្តរជាតិ​មាន​ចំនួន ៥០ ៤៥០ តោន​ ធ្លាក់ចុះ ១៥,៣៩ ​ភាគរយ ​ដែល​មាន​តម្លៃ ៣៩ ​លាន​ដុល្លារ​ នៅក្នុង​ខែមករា ឆ្នាំ​២០២០ ធៀប​នឹង​ខែមករា ឆ្នាំ​២០១៩​។ នេះ​បើតាម​អគ្គលេខាធិការ​សហព័ន្ធ​ស្រូវ​អង្ករ​កម្ពុជា​។

 

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១០ ខែកុម្ភៈ ឆ្នាំ ២០២០


រដ្ឋាភិបាលអនុម័តគម្រោងអគ្គិសនីក្នុងតម្លៃជិត ១,៧ពាន់លានដុល្លារ

ភ្នំពេញ៖ សេចក្តី​ប្រកាស​ព័ត៌មាន​របស់​ទីស្តីការគណៈរដ្ឋមន្ត្រី​កាលពី​ថ្ងៃ​សុក្រ​បាន​ឲ្យ​ដឹងថា ស្រប​តាម​ផែនការមេ​អភិវឌ្ឍន៍​ប្រភព​អគ្គិសនី​បន្ថែម​ពី​ឆ្នាំ២០២០ ទៅដល់​ឆ្នាំ​២០៣០ រដ្ឋាភិបាល​បាន​សម្រេច​អនុម័ត​គម្រោង​អភិវឌ្ឍន៍​រោងចក្រ​អគ្គិសនី​ដុត​ធ្យូងថ្ម​ចំនួន ២​ទីតាំង​។ ក្រុមហ៊ុន Han Seng Coal Mines Co., Ltd (HSCMC) នឹង​ធ្វើការ​វិនិយោគ​លើ​គម្រោង​អភិវឌ្ឍន៍​រោងចក្រ​អគ្គិសនី​ដុតធ្យូងថ្ម ដែល​អាច​ផលិត​ថាមពល​បាន ២៦៥មេហ្គាវ៉ាត់​ នៅ​ស្រុក​ត្រពាំងប្រាសាទ ខេត្ត​ឧត្តរមានជ័យ ​ដោយ​ប្រើ​រ៉ែ​ធ្យូងថ្ម​ដែល​មាន​នៅក្នុង​តំបន់​នោះ ខណៈ​ដែល​គម្រោង​អភិវឌ្ឍន៍​រោងចក្រ​អគ្គិសនី​ដុត​ធ្យូងថ្ម​ (​ធ្យូងថ្ម​នាំចូល​ពី​ក្រៅ​ប្រទេស​) មួយទៀត​នឹង​ត្រូវ​វិនិយោគ​ដោយ​ក្រុមហ៊ុន Royal Group ដែល​អាច​ផលិត​ថាមពល​បាន ៧០០ ​មេហ្គាវ៉ាត់ ​ស្ថិតនៅ​ស្រុក​បទុមសាគរ ខេត្តកោះកុង​។ ជាមួយ​គ្នា​នេះ​ក្រុមហ៊ុន HSCMC ក៏ត្រូវ​បានអនុម័ត​ឲ្យ​វិនិយោគ​លើ​ការសាងសង់​បណ្តាញ​ខ្សែ​បញ្ជូន​កម្លាំង ២៣០​គីឡូវ៉ុល ​ភ្ជាប់​ពី​រោងចក្រ​អគ្គិសនី​ក្នុង​ស្រុក​ត្រពាំង​ប្រាសាទ​ទៅ​អនុ​ស្ថានីយ​ខាង​កើត​សៀមរាប​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១០ ខែកុម្ភៈ ឆ្នាំ ២០២០


ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី៤ ខែកុម្ភៈ ឆ្នាំ ២០២០

ភ្នំពេញ៖ ពាណិជ្ជកម្មទ្វេភាគីរវាងកម្ពុជា និងកូរ៉េខាងត្បូងសម្រេចបានជាង ១ពាន់លានដុល្លារកាលពីឆ្នាំ២០១៩ កើនឡើងជាង ៣៦ភាគរយធៀបនឹង ៧៥៦លានដុល្លារកាលពីឆ្នាំ២០១៨។ ប្រទេសកម្ពុជាបាននាំចេញ ៣៣៥លានដុល្លារទៅកូរ៉េ ខណៈនាំចូលមកវិញ ៦៩៦លានដុល្លារក្នុងអំឡុងពេលនេះ។ នេះបើតាមការលើកឡើងរបស់សម្តេចនាយករដ្ឋមន្ត្រី ហ៊ុន សែន ក្នុងជំនួបជាមួយពលករកម្ពុជានៅកូរ៉េខាងត្បូងកាលពីថ្ងៃចន្ទ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី៥ ខែកុម្ភៈ ឆ្នាំ ២០២០


  • ទេសចរអន្តរជាតិមកកម្ពុជាកើនឡើង ៦,៦ភាគរយ
  • CDC បានអនុម័តគម្រោងវិនិយោគ $៣០លាននៅក្នុងខែមករា
  • ការនាំចេញរបស់កម្ពុជាទៅជប៉ុនកើនដល់ជាង ១,៧ពាន់លានដុល្លារ
  • ក្រសួងជំរុញឱ្យយកផលិតផលគុណភាពល្អៗចុះបញ្ជី GI
  • ការនាំចេញកៅស៊ូរបស់កម្ពុជាកើនឡើង ៣០ភាគរយ
  • ពាណិជ្ជកម្មទ្វេភាគីកម្ពុជា ថៃ កើនដល់ជាង ៩ពាន់លានដុល្លារ
  • ការនាំចេញទំនិញពីតំបន់សេដ្ឋកិច្ចពិសេស មានកំណើនជាង ២៧ភាគរយ
  • កម្ពុជាបញ្ចុះថ្លៃអគ្គិសនី ដើម្បីរក្សាភាពប្រកួតប្រជែង
  • ទំហំពាណិជ្ជកម្មកម្ពុជា-អាមេរិកកើនជិត ៤០%
  • KRC នឹងបង្កើតមជ្ឈមណ្ឌលតាំងបង្ហាញផលិតផលកសិកម្មនៅមណ្ឌលគិរី