ព័ត៌មានសេដ្ឋកិច្ច ក្នុងនិងក្រៅប្រទេស

home latest
ការនាំចេញរបស់អាល្លឺម៉ង់ស្ទុះងើបវិញនៅខែកក្កដា

ក្រុងហ្រ្វេងហ្វឺត៖ ទិន្នន័យផ្លូវការបានបង្ហាញកាលពីថ្ងៃចន្ទថា ការនាំចេញរបស់ប្រទេស​អាល្លឺម៉ង់ដែលមានសេដ្ឋកិច្ចធំជាងគេក្នុងទ្វីបអឺរ៉ុបបានរីករាយនឹងកំណើនឥតរំពឹងទុកក្នុងខែកក្កដា​ ដែលជាទិន្នន័យដ៏ប្រសើរមួយ ខណៈដែលមានសញ្ញានៃការកើតមានការដើរថយ​ក្រោយនៃសេដ្ឋកិច្ច។ ទិន្នន័យដដែលបានបង្ហាញទៀតថា ទំនិញអាល្លឺម៉ង់ទទួលបានពីការ​លក់ទៅបរទេសកាលពីខែកក្កដា កើនឡើង ០,៧% ធៀបនឹងខែមិថុនា និងកើនឡើង ៣,៨%​ ធៀបនឹងរយៈពេលដូចគ្នាកាលពីឆ្នាំមុន។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១០ ខែកញ្ញា ឆ្នាំ ២០១៩


ការវិនិយោគបរទេសនៅមីយ៉ាន់ម៉ា កើនដល់ជាង$៤,១ពាន់លាន

ក្រុងណៃពិដោ៖ ទំហំការវិនិយោគបរទេសបានកើនឡើងដល់ជាង ៤,១ពាន់លានដុល្លារ ក្នុងវិស័យពាណិជ្ជកម្មទាំង១២​ ក្នុងប្រទេសមីយ៉ាន់ម៉ា ប៉ុន្តែប្រទេសនេះនៅតែត្រូវការការវិនិយោគ​ទឹកប្រាក់ប្រហែល ១,៧ពាន់លានដុល្លារទៀតដើម្បីសម្រេចតាមទិសដៅក្រៅងទុក។ យោងតាមកំណើនការវិនិយោគនេះ ទំហំវិនិយោគបរទេសបានកើនឡើងប្រហែល ៣,៨៧ ពាន់លានដុល្លារ។ ក្នុងរយៈពេលនេះ ការវិនិយោគ​បរទេសដែលមានទំហំជាង ២២៣លានដុល្លារ ត្រូវបានផ្តល់ការអនុញ្ញាតយោងតាមច្បាប់តំបន់សេដ្ឋកិច្ចពិសេសដែលធ្វើឱ្យទំហំការវិនិយោគបរទេសសរុបកើនឡើងដល់៤,១​ ពាន់លានដុល្លារ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១០ ខែកញ្ញា ឆ្នាំ ២០១៩


សិង្ហបុរីជាទិសដៅអចលទ្រព្យធំជាងគេសម្រាប់វិនិយោគិនហុងកុង

ក្រុងសិង្ហបុរី៖ ដោយសារការទាក់ទាញនៃបរិស្ថាននយោបាយប្រកបដោយស្ថិរភាពរបស់សិង្ហបុរី និងការជួលការិយាល័យរឹងមាំជាងនៅទីក្រុងហុងកុង វិនិយោគិនជនជាតិហុងកុងបានចាក់បញ្ចូលទឹកប្រាក់សរុបចំនួន ១,៤ពាន់លានដុល្លារទៅក្នុងវិស័យអចនទ្រព្យរបស់ប្រទេស​ដីកោះមួយនេះ ក្នុងឆមាសទី១ ឆ្នាំ២០១៩។ ទឹកប្រាក់នេះស្មើជាង ១ ភាគ ៤ នៃទឹកប្រាក់ចំនួន ៥,២ ពាន់លានដុល្លារនៃការវិនិយោគលើអចលនទ្រព្យនៅបរទេសសរុបដែលហូរចេញពីទីក្រុងហុងកុង ដែលធ្វើឱ្យសិង្ហបុរីក្លាយជាទិសដៅកំពូលគេ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី០៤ ខែកញ្ញា ឆ្នាំ ២០១៩


ក្រុមហ៊ុន TATA STEEL នឹងបិទរោងចក្រផលិតដែកនៅចក្រភពអង់គ្លេស

ក្រុងឡុងដ៍៖ ក្រុមហ៊ុន Tata ដែលជាក្រុមហ៊ុនផលិតដែកធំជាងគេនៅចក្រភពអង់គ្លេស បានឱ្យដឹងថា ខ្លួននឹងបិទរោងចក្រ Orb Electrical Steels របស់ខ្លួននៅតំបន់ Newport ភាគខាងជើងទីក្រុង South Wales ដែលមានបុគ្គលិកចំនួន ៣៨០នាក់។ ក្នុងការបិទរោងចក្រនេះអាចបណ្តាលឱ្យមនុស្សចំនួន ២៦នាក់បាត់បង់ការងារ។ ប៉ុន្តែក្រុមហ៊ុន បានព្រមព្រៀងលក់ក្រុមហ៊ុន Gogent Power Inc (CPI) នៅកាណាដាទៅឱ្យក្រុមហ៊ុន JFE Shoji Trade Corporation របស់ជប៉ុនដែលអាចជួយការពារការងារបាន ៣០០​ កន្លែង។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៤ ខែកញ្ញា ឆ្នាំ ២០១៩


AIR ASIA X បញ្ជាទិញយន្តហោះ AIRBUS តម្លៃ ៥ពាន់លានដុល្លារ

ក្រុងប៉ារីស៖ ក្រុមហ៊ុនអាកាសចរណ៍ផ្តល់សេវាហោះហើរតម្លៃទាប Air Asia X របស់ប្រទេសម៉ាឡេស៊ី បានបញ្ជាទិញយន្តហោះ Airbus ចំនួន ៤២គ្រឿងដែលមានតម្លៃក្នុងបញ្ជីសរុប ៥ពាន់លានដុល្លារ។ ក្រុមហ៊ុនផលិតយន្តហោះអឺរ៉ុប Airbus បានឱ្យដឹងថា ក្រុមហ៊ុន Air Asia X បានដាក់ការបញ្ជាទិញរឹងមាំមួយដើម្បីទិញយន្តហោះរយៈចម្ងាយឆ្ងាយ A330neo ចំនួន​១២គ្រឿង និងយន្តហោះរយៈចម្ងាយមធ្យម A321XLR ចំនួន ៣០គ្រឿង។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៤ ខែកញ្ញា ឆ្នាំ ២០១៩


  • ចិនចេញផ្សាយបញ្ជីក្រុមហ៊ុនធំទាំង ៥០០ ជាមួយលទ្ធផលកាន់តែប្រសើរ
  • LOTTE លក់ក្រុមហ៊ុន BURGER KING JAPAN
  • វ៉ាស៊ីនតោនបន្ថែមពន្ធនាំចូល១៥%លើទំនិញចិន
  • អាមេរិក-បារាំងសម្រេចកិច្ចព្រមព្រៀងពន្ធឌីជីថល
  • AIR INDIA ស្នើសុំជំនួយពីរដ្ឋាភិបាលក្រោយត្រូវកាត់ផ្តាច់ពីការផ្គត់ផ្គង់ប្រេង
  • អាមេរិក-ជប៉ុន ឯកភាពលើកិច្ចព្រមព្រៀងពាណិជ្ជកម្មសេរី
  • ក្រុមហ៊ុនចិន ជប៉ុន និងកូរ៉េសម្លឹងកិច្ចសហការក្នុងឧស្សាហម្ម 5G
  • សិង្ហបុរីសាកល្បងរថយន្តក្រុងគ្មានអ្នកបើកបរនៅសប្តាហ៍ក្រោយ
  • ប្រាក់ចំណូល BAIDU កើន តែប្រាក់ចំណេញសុទ្ធធ្លាក់ចុះ
  • ផ្សារហ៊ុនអាស៊ីឡើងថ្លៃ ខណៈមានភាពធូរស្រាលបញ្ហាពាណិជ្ជកម្ម