ព័ត៌មានសេដ្ឋកិច្ច ក្នុងនិងក្រៅប្រទេស

home latest
អត្រាគ្មានការងារធ្វើនៅតំបន់ប្រើប្រាស់ប្រាក់អឺរ៉ូ

អត្រាគ្មានការងារធ្វើនៅតំបន់ចាយប្រាក់អឺរ៉ូដែលមានប្រទេសចំនួន ១៩ មានស្ថិរភាពនៅខែមករា ដោយស្ថិតក្នុងអត្រា ៧,៨% ដែលជាអត្រាទាបបំផុតគិតចាប់ពីខែតុលា ឆ្នាំ២០០៨ មក។ អត្រាគ្មានការងារធ្វើនៅសហភាពអឺរ៉ុបដែលមាន ២៨ប្រទេស មានអត្រា ៦,៥% នៅខែមករា។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៤ ខែមីនា ឆ្នាំ ២០១៩


ទីផ្សារការងារវៀតណាមកើនដល់ ៥៦លាននាក់

ក្រុងហាណូយ៖ ក្រសួងការងារ យុទ្ធជនពិការ និងកិច្ចការសង្គម (MOLISA) របស់ប្រទេសវៀតណាមបានប្រកាសថា ទីផ្សារការងាររបស់វៀតណាមត្រូវបានរំពឹងថានឹងកើន​ដល់ ៥៦លាននាក់ ក្នុងឆ្នាំ២០១៩។ ក្នុងចំណោមកម្មករទាំងនោះ កម្មករគ្មានជំនាញនឹងមាន ២៦,៥ភាគរយនៃទីផ្សារការងារសរុប ខណៈដែលភាគរយនៃកម្មករផ្តល់សេវាផ្ទាល់ខ្លួនមាន ៣១,៦ភាគរយ និងមេកានិចមាន ១២,៤ភាគរយ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២៧ ខែកុម្ភៈ ឆ្នាំ ២០១៩


ភ្ញៀវទេសចរទៅទស្សនាទីក្រុងឌូបៃកើនឡើងតិចតួចនៅឆ្នាំមុន

ក្រុងឌូបៃ៖ អាជ្ញាធរទេសចរណ៍របស់ប្រទេសអេមីរ៉ាតអារ៉ាប់រួម បានឱ្យដឹងកាលពីថ្ងៃអាទិត្យ​ថា ទីក្រុងឌូបៃបានស្វាគមន៍ភ្ញៀវទេសចរចំនួន ១៥,៩២លាននាក់កាលពីឆ្នាំ២០១៨ ប៉ុន្តែការកើនឡើងមានចំនួនតិច ដោយសារតែការធ្លាក់ចុះភ្ញៀវទេសចរមកពីឈូងសមុទ្រពែរ៍្ស ប្រទេសឥណ្ឌា និងចក្រភពអង់គ្លេស។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២៦ ខែកុម្ភៈ ឆ្នាំ ២០១៩


ចិននៅតែជាដៃគូពាណិជ្ជកម្មសំខាន់បំផុតរបស់អាល្លឺម៉ង់

ក្រុងប៉េកាំង៖ ប្រទេសចិននៅតែជាដៃគូពាណិជ្ជកម្មដ៏សំខាន់បំផុតរបស់ប្រទេសអាល្លឺម៉ង់ ក្នុងរយៈពេល ៣ឆ្នាំជាប់គ្នា។ យោងតាមតួលេខបឋមដែលចេញផ្សាយកាលពីថ្ងៃចន្ទ ដោយការិយាល័យស្ថិតិសហព័ន្ធអាល្លឺម៉ង់ (Destatis) បានបង្ហាញថាកាលពីឆ្នាំ២០១៨ទំហំពាណិជ្ជកម្មសរុបមានចំនួន ១៩៩,៣ពាន់លានអឺរ៉ូ (២២៥,៧ពាន់លានដុល្លារអាមេរិក)។  ប្រទេសចិនមានចំណែកធំបំផុតនៃការនាំចូលទៅក្នុងប្រទេសអាល្លឺម៉ង់ជាមួយនឹងតម្លៃទំនិញ ១០៦,២ពាន់លានអឺរ៉ូ បន្ទាប់មកប្រទេសហូឡង់ (៩៨,២ពាន់លានអឺរ៉ូ) និងបារាំង (៦៥,២ពាន់លានអឺរ៉ូ)។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២០ ខែកុម្ភៈ ឆ្នាំ ២០១៩


ទិន្នន័យសំខាន់របស់ប្រទេសសេណេហ្កាល់

សេណេហ្កាល់មានប្រជាជនសរុប ១៦,៣លាននាក់ ដែលភាគច្រើនកាន់សាសនាអ៊ិស្លាម។ សេដ្ឋកិច្ចប្រទេសនេះសម្រេចបានកំណើន ៧,១៥% នៅឆ្នាំ២០១៧ ហើយទិសដៅនាំចេញធំៗរបស់ប្រទេសនេះរួមមានប្រទេសម៉ាលី សហភាពអឺរ៉ុប ឥណ្ឌា កូឌីវ័រ។ ការនាំចូលភាគច្រើនមកពីសហភាពអឺរ៉ុប ចិន នីហ្សេរីយ៉ា ឥណ្ឌា និងតួកគី។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២០ ខែកុម្ភៈ ឆ្នាំ ២០១៩


  • សេដ្ឋកិច្ចជប៉ុនស្ទុះងើបឡើងវិញនៅត្រីមាសចុងក្រោយក្នុងឆ្នាំមុន
  • UN៖ អត្រាអ្នកគ្មានការងារជុំវិញពិភពលោកបានធ្លាក់ចុះ
  • រដ្ឋាភិបាលកូរ៉េបារម្ភពីការនាំចេញដែលកំពុងធ្លាក់ចុះ
  • ក្រុមហ៊ុនជប៉ុន HOYA បោះទុន ៣០០លានដុល្លារ កសាងរោងចក្រនៅឡាវ ដើម្បីផលិត HARD DISK កុំព្យូទ័រ
  • ទិន្នន័យសំខាន់ៗរបស់ប្រទេសផលិតប្រេង នីហ្សេរីយ៉ា
  • ឱនភាពពាណិជ្ជកម្មសហរដ្ឋអាមេរិកថយចុះនៅខែវិច្ឆិកា
  • សេដ្ឋកិច្ចរបស់ឥណ្ឌូនេស៊ីកើនឡើងតែក្នុងកម្រិតមួយទាប
  • ការធ្វើពាណិជ្ជកម្មអនឡាញថៃលូតលាស់ខ្លាំងជាងគេនៅអាស៊ាន
  • អូស្ត្រាលីទម្លាក់ការព្យាករកំណើន
  • កំណើនការងារនៅអាមេរិកកើនខ្ពស់ ទោះមានបិទរដ្ឋាភិបាល