ព័ត៌មានសេដ្ឋកិច្ច ក្នុងនិងក្រៅប្រទេស

home latest
វិស័យអចលនទ្រព្យវៀតណាមទទួលការវិនិយោគជាច្រើនពីជប៉ុន

ប្រទេសវៀតណាម៖ កាលពីពីថ្ងៃទី៤ ខែមេសា ឆ្នាំ២០១៩ កន្លងមក អ្នកស្រី Nguyen Xuan Huong ដែលជាប្រធានក្រុមហ៊ុន TMS Homes បានឱ្យដឹងថា វិស័យអចលនទ្រព្យប្រទេសវៀតណាមកំពុងតែស្វាគមន៍ការវិនិយោគជាច្រើនពីអាជីវកម្មជប៉ុន។ ប្រទេសជប៉ុនគីជាវិនិយោគិនធំជាងគេលេខ២របស់ប្រទេសវៀតណាម ដែលបានវិនិយោគលើគម្រោងប្រមាណជា ៤ពាន់គម្រោងដែលមានតម្លៃសរុប ៥៥.៥ ប៊ីលានដុល្លារ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសៅរ៍-អាទិត្យ ទី៦-៧ ខែមេសា ឆ្នាំ ២០១៩


GO-JEK ជាប់ក្នុងបញ្ជីក្រុមហ៊ុនដែលមានតម្លៃ $១០ ពាន់លាន

ក្រុងហ្សាការតា៖ ទីភ្នាក់ងារព័ត៌មាន Bloomberg បានរាយការណ៍ថា ក្រុមហ៊ុន Go-Jek ដែលផ្តល់សេវាហៅតាក់ស៊ីជិះរបស់ឥណ្ឌូនេស៊ី បានឈានដល់ឋានៈជាក្រុមហ៊ុនដែលមានតម្លៃ ១០ ពាន់លានដុល្លារ ដែលធ្វើឱ្យក្រុមហ៊ុននេះចូលក្នុងបញ្ជីឈ្មោះថា ជាក្រុមហ៊ុនបង្កើតថ្មីដែលមានតម្លៃលើសពី១ពាន់លានដុល្លារ (ហៅថា decacorns) ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី០៨ ខែមេសា ឆ្នាំ ២០១៩


BOEING កាត់បន្ថយការផលិតយន្តហោះម៉ូដែល 737 MAX

ក្រុងញូវយ៉ក៖ ក្រុមហ៊ុនផលិតយន្តហោះ Boeing បានប្រកាសកាលពីថ្ងៃសុក្រថា ខ្លួននឹងកាត់បន្ថយផលិតយន្តហោះ 737 Max ពី ៥២គ្រឿង មកត្រឹម ៤២គ្រឿង ក្នុងមួយខែ បន្ទាប់ពីការធ្លាក់យន្តហោះ២គ្រឿងនៅពេលថ្មីៗ ដែលមើលឃើញថាយន្តហោះម៉ូដែលនេះត្រូវបានគេហាមឃាត់ហោះហើរនៅទូទាំងពិភពលោក​​នាពេលអនាគត។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី០៨ ខែមេសា ឆ្នាំ ២០១៩


តម្លៃប្រេងឆៅបានកើនឡើងដល់កម្រិតខ្ពស់មួយ

តូក្យូ៖ ភ្នាក់ងារសារព័ត៌មាន Reuters បានឱ្យដឹងកាលពីថ្ងៃទី០២ ខែមេសាកន្លងមកថា​ តម្លៃប្រេងបានកើនដល់កម្រិតខ្ពស់ជាងគេក្នុងឆ្នាំ ២០១៩ ព្រោះតែទិន្នន័យសេដ្ឋកិច្ចរបស់​ប្រទេសចិនដែលកាត់បន្ថយការព្រួយបារម្ភពីតម្រូវការ និងលទ្ធភាពនៃការដាក់ទណ្ឌកម្ម​លើ​ប្រទេសអ៊ីរ៉ង និងការផ្អាក់ការផ្គត់ផ្គង់ក្នុងប្រទេសវ៉េណេស៊ុយអេឡា។ ក្នុងនោះ តម្លៃប្រេងរបស់ក្រុមហ៊ុន​ Brent បានកើនឡើង ៣២សេន ឬ ០.៥% មកស្មើ ៦៩.៣៣ ដុល្លារក្នុងមួយធុង  ខណៈដែលតម្លៃប្រេង West Texas Intermediate បានកើនឡើង ៣០សេន ឬ ០.៥% មកស្មើ ៦១.៨៩ ដុល្លារក្នុងមួយធុងផងដែរ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី០៣ ខែមេសា ឆ្នាំ ២០១៩


WTO ទម្លាក់ការព្យាករពាណិជ្ជកម្មពិភពលោក

ក្រុងហ្សឺណែវ៖ អង្គការពាណិជ្ជកម្មពិភពលោក (WTO) ព្យាករនៅថ្ងៃអង្គារថា ពាណិជ្ជកម្មពិភពលោកនៅឆ្នាំ២០១៩ នេះ រំពឹងថានឹងកើនឡើងកាន់តែទាប ដោយលើកឡើង​ពី  «ភាពតានតឹង» ដែលរីករាលដាល និងភាពមិនច្បាស់លាស់ផ្នែកសេដ្ឋកិច្ច។ ក្នុងឯកសារព្យាករបឋមរបស់ខ្លួនកន្លងមក​ អង្គការ WTO បានព្យាករថាកំណើនពាណិជ្ជកម្មនឹងកើនឡើង ៣,៧ ភាគរយនៅឆ្នាំនេះ ប៉ុន្តែអង្គការនេះបានកែតម្រូវការព្យាករនោះទម្លាក់មកនៅត្រឹម ២,៦ ភាគរយ ដែលបង្ហាញពីការឆ្លាក់ចុះពីកំណើន ៣ ភាគរយ ដែលបានកត់ត្រាកាលពីឆ្នាំ២០១៨ ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី០៤ ខែមេសា ឆ្នាំ ២០១៩


  • ក្រុមហ៊ុន TOTAL បង្កើនផលិតកម្មប្រេងនៅប្រទេសអង់ហ្គោឡា
  • ថៃពិចារណាដាក់កម្រិតកម្ចីទិញរថយន្ត
  • ក្រុមហ៊ុនអាកាសចរណ៍ចិនរាយការណ៍លទ្ធផលហិរញ្ញវត្ថុចម្រុះ
  • ALIBABA បង្កើតការងារជាង៤០លានកន្លែងនៅឆ្នាំ២០១៨
  • ស្រីលង្កាចាប់ផ្តើមសង់រោងចក្រចម្រាញ់ប្រេងតម្លៃជិត $៤ពាន់លាន
  • បារាំងនិងចិនអំពាវនាវឱ្យបង្កើនកិច្ចសហប្រតិបត្តិការអ៊ឺរ៉ុប-ចិន
  • វៀតណាមសង្ឃឹមថា កូរ៉េនឹងវិនិយោគកាន់តែច្រើន
  • អ៊ីតាលី-ចិនចុះហត្ថលេខាគម្រោងផ្លូវសូត្រ
  • ចិនត្រូវបានចាត់ទុកថាជាប្រទេសមានចំណូលខ្ពស់
  • សង្រ្គាមពាណិជ្ជកម្មរបស់លោកត្រាំធ្វើឱ្យសេដ្ឋកិច្ចអាមេរិកខាងបង់ ៧.៨ ប៊ីលានដុល្លារ