ព័ត៌មានសេដ្ឋកិច្ច ក្នុងនិងក្រៅប្រទេស

home latest
សេដ្ឋកិច្ចអូស្ត្រាលីធ្លាក់ចុះខ្លាំងបំផុតនៅក្នុងត្រីមាសទី២

ទីក្រុងស៊ីដនី៖ ប្រទេសអូស្ត្រាលីបានឱ្យដឹងក្នុងសប្តាហ៍មុនថា សេដ្ឋកិច្ចរបស់ខ្លួនបានធ្លាក់ចុះលឿនបំផុតក្នុងប្រវត្តិសាស្ត្រអំឡុងពេលត្រីមាសទី២ ខណៈដែលឱនភាពថវិកានឹងរីកធំបំផុតចាប់តាំងពីសង្គ្រាមលោកលើកទី២ ពេលដែលប្រទេសកំពុងប្រយុទ្ធប្រឆាំងផលប៉ះពាល់នៃវីរុសកូរ៉ូណា។ រដ្ឋាភិបាលបានចំណាយលុយរាប់សិបពាន់លានដុល្លារ ដើម្បីប្រឆាំងការរីករាលដាលដែលបំផ្លាញពាណិជ្ជកម្មសកល និងបង្ខំឱ្យមានការបិទប្រទេសក្នុងផ្នែកជា​ច្រើនកាលពីដើមឆ្នាំនេះធ្វើឱ្យសេដ្ឋកិច្ចប្រទេសរងគ្រោះជាខ្លាំង។ ម៉្យាងទៀតការអនុវត្តជាថ្មីនៃការបិទប្រទេសរយៈពេល ៦សប្តាហ៍សម្រាប់ Melbourne ដែលជាទីក្រុងធំលំដាប់ទី២ និងមានប្រជាជនជាង ៥លាននាក់បានបន្ថែមនូវការប្រឈមចំពោះប្រទេសដែលរងគ្រោះស្រាប់ទៅហើយពីគ្រោះរាំងស្ងួតដែលអូសបន្លាយយូរ និងភ្លើងឆេះព្រៃដ៏ខ្លាំង។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី៣០ ខែកក្កដា ឆ្នាំ ២០២០


សេដ្ឋកិច្ចអូស្ត្រាលីរងសម្ពាធខ្លាំង ខណៈអត្រានិកម្មភាពបន្តកើនឡើង

អត្រាប្រជាជនគ្មានការងារធ្វើនៅក្នុងប្រទេសអូស្ត្រាលីបានកើនឡើងក្នុងរង្វង់ ០,៣% ពី ៧,១% នៅក្នុងខែឧសភា ដល់ ៧,៤% ឬ ៩៩២ ៣០០នាក់ នៅក្នុងខែមិថុនា នេះបើយោងតាមទិន្នន័យពីការិយាល័យស្ថិតិនៃប្រទេសអូស្ត្រាលី (Australian Bureau of Statistics)។ ស្ថានភាពកាន់តែធ្ងន់ធ្ងរអាចនឹងកើតមានឡើងផងដែរ ខណៈអត្រាប្រជាជនគ្មានការងារធ្វើត្រូវបានគេរំពឹងថានឹងអាចកើនឡើងដល់ ៨% នៅក្នុងទីផ្សារការងារក្នុងត្រីមាសទី៤ នៃឆ្នាំ២០២០ ដោយសារការបន្តនៃឥទ្ធិពលរបស់វីរុសកូរ៉ូណា។ ជាលទ្ធផល សេដ្ឋកិច្ចអូស្ត្រាលីអាចនឹងចុះខ្សោយ ហើយវិនិយោគិនអាចនឹងបង្វែរទិសដៅទៅស្វែងរកឱកាសវិនិយោគនៅក្នុងប្រទេសដទៃទៀតដែលនឹងជាហេតុនាំឱ្យតម្លៃនៃប្រាក់ដុល្លារអូស្ត្រាលីធ្លាក់ចុះ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៣ ខែកក្កដា ឆ្នាំ ២០២០


សេដ្ឋកិច្ចកូរ៉េខាងត្បូងបង្ហាញការធ្លាក់ចុះដ៏អន់ក្នុងពេលជាង ២០ឆ្នាំ ក្រោយវិបត្តហិរញ្ញវត្ថុអាស៊ី

ទីក្រុងប៉េកាំង៖ ធនាគារកណ្តាលកូរ៉េ (BOK) បានឱ្យដឹងកាលពីថ្ងៃព្រហស្បតិ៍ថា សេដ្ឋកិច្ចកូរ៉េខាងត្បូងមានកំណត់ត្រាអន់បំផុតក្នុងរយៈពេលជាង ២០ឆ្នាំ ក្នុងត្រីមាសទី២ ឆ្នាំនេះ ដោយធ្លាក់ចុះ​ ២,៩ភាគរយ ធៀបរយៈពេលដូចគ្នាកាលពីឆ្នាំមុន ដោយសារការរីករាលដាលជំងឺកូវីដ១៩ នាំឱ្យប៉ះពាល់ដល់ការនាំចេញ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៤ ខែកក្កដា ឆ្នាំ ២០២០


សកម្មភាពរោងចក្រនៅចិន កើនឡើងក្នុងខែមិថុនា

ទីក្រុងប៉េកាំង៖ ទិន្នន័យផ្លូវការកាលពីថ្ងៃអង្គារបង្ហាញថា សកម្មភាពរោងចក្រនៅក្នុងប្រទេសចិនបានបង្កើនល្បឿននៅខែមិថុនា បើទោះបីជាក្រុមអ្នកវិភាគបានព្រមានពីការធ្លាក់ចុះខ្សោយនៃតម្រូវការពិភពលោក និងលទ្ធភាពនៃការកើតឡើងជាថ្មីនៃវីរុសកូរ៉ូណាដែលនឹងដាក់សម្ពាធលើការស្ទុះងើបឡើងវិញរយៈពេលកាន់តែវែងក៏ដោយ។ សន្ទស្សន៍នៃការបញ្ជាទិញ (PMI) របស់ប្រទេសចិនដែលជាការវាស់វែងមួយនៃសកម្មភាពនៅក្នុងរោងចក្របានកើនឡើង ៥០,៩ពិន្ទុ កាលពីខែមិថុនា ដោយប្រសើរជាងការព្យាករដែលមានត្រឹម ៥០,៥ពិន្ទុ នៅក្នុងការស្ទង់មតិរបស់ក្រុមអ្នកវិភាគរបស់ទីភ្នាក់ងារព័ត៌មាន Bloomberg News និងកើនឡើង ០,៣ ពិន្ទុ បើធៀបនឹងខែឧសភា។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី០១ ខែកក្កដា ឆ្នាំ ២០២០


សភាថៃអនុម័តកញ្ចប់ថវិកា $៦០ ពាន់លាន ដើម្បីស្តារសេដ្ឋកិច្ច

ក្រុងបាងកក៖ រដ្ឋសភាថៃបានអនុម័តកាលពីថ្ងៃអាទិត្យនូវកញ្ចប់ទឹកប្រាក់សង្គ្រោះជិត ៦០ពាន់លានដុល្លារ ដែលជាការចាប់បញ្ចូលសាច់ប្រាក់ធំបំផុតរបស់ថៃ ដើម្បីជួយសេដ្ឋកិច្ចដែលវាយប្រហារដោយសារវីរស។ សេដ្ឋកិច្ចធំទី២ របស់តំបន់អាស៊ីអាគ្នេយ៍នេះ ត្រូវបានគេរំពឹងថាធ្លាក់ចុះក្នុងរង្វង់ ៦-៧ ភាគរយ ក្នុងឆ្នាំ២០២០។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២ ខែមិថុនា ឆ្នាំ ២០២០


  • កំណើនសេដ្ឋកិច្ចឥណ្ឌូនេស៊ី ធ្លាក់ចុះទាបបំផុតរយៈពេលជិត ២ ទសវត្សរ៍
  • ចិននាំចេញកើនឡើង ៣,៥ភាគរយ ដ៏គួរអោយភ្ញាក់ផ្អើលក្នុងខែមេសា
  • ការលក់រថយន្តរបស់អាល្លឺម៉ង់ បានធ្លាក់ចុះខ្លាំងបំផុតកាលពីខែមេសា
  • សេដ្ឋកិច្ចកូរ៉េខាងត្បូងធ្លាក់ ១,៤%
  • ពាណិជ្ជកម្មបរទេសចិនធ្លាក់ចុះ ខណៈវីរុសថ្មីបន្តដាក់សម្ពាធដៃគូ
  • សាអ៊ូឌីតនឹងបន្ថយការផ្គត់ផ្គង់ប្រេង ៨,៥លានបារ៉ែល
  • GDP សិង្ហបុរីនឹងធ្លាក់ចុះទាបបំផុតចាប់តាំងពីវិបត្តិហិរញ្ញវត្តុ
  • ការនាំចូលពីប្រទេសចិនទៅកាន់ជប៉ុនក្នុងខែកុម្ភៈធ្លាក់ចុះទាបបំផុតចាប់ពីឆ្នាំ១៩៨៦
  • នូវែលសេឡង់នឹងបញ្ចេញទឹកប្រាក់ $៧,៣ពាន់លាន ជួយដល់សេដ្ឋកិច្ច
  • ផលិតផលឧស្សាហកម្មចិនធ្លាក់ចុះលើកដំបូងក្នុងរយៈពេល ៣ទសវត្សរ៍