ព័ត៌មានសេដ្ឋកិច្ច ក្នុងនិងក្រៅប្រទេស

home latest
RDB បញ្ចេញកម្ចី ៥០លានដុល្លារសម្រាប់វិស័យ SME

ភ្នំពេញ៖ ធនគារអភិវឌ្ឍន៍ជនបទ និងកសិកម្ម (RDB) ដែលគ្រប់គ្រងដោយរដ្ឋបានបញ្ចេញមូលនិធិ ៥០លានដុល្លារ ជាផ្លូវការសម្រាប់ការផ្តល់កម្ចីដល់សហគ្រាសធុនតូច និង​មធ្យម (SME) នៅក្នុងវិស័យកសិឧស្សាហកម្ម។ លោក កៅ ថាច អគ្គនាយក RDB បានឱ្យដឹងថា SME អាចខ្ចីប្រាក់បានរហូតដល់ ៣០០ ០០០ដុល្លារ ជាមួយនឹងអត្រាការប្រាក់ ៦ភាគរយ សម្រាប់ទុនបង្វិល និង ៦,៥ភាគរយសម្រាប់ទុនវិនិយោគក្នុង ១ឆ្នាំ។ មូលនិធិនេះ មានបំណងក្នុងការបង្កើនចង្វាក់ផលិត និងដើម្បីរក្សាសមត្ថភាពប្រកួតប្រជែងក្នុងវិស័យ SME។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៧ ខែមីនា ឆ្នាំ ២០២០


ADB ប្តេជ្ញាបន្តគាំទ្រដល់វិស័យកសិកម្មកម្ពុជា

ភ្នំពេញ៖ ធនគារអភិវឌ្ឍន៍អាស៊ី (ADB) បានសន្យាថានឹងបន្តជួយគាំទ្រកម្ពុជាទាំងហិរញ្ញវត្ថុ និងបច្ចេកទេសលើគម្រោងអភិវឌ្ឍន៍កសិកម្មឆ្នាំ២០២១-២០២៣ ដើម្បីរួមចំណែកបង្កើនវិស័យកសិកម្មឱ្យទៅលក្ខណៈពាណិជ្ជកម្ម និងបំពេញតម្រូវការទីផ្សារ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១៦ ខែមីនា ឆ្នាំ ២០២០


រដ្ឋាភិបាលនឹងទាញយកថាមពលពីសំរាមឱ្យបាន ៥០មេហ្គាវ៉ាត់

ភ្នំពេញ៖ រដ្ឋាភិបាល​គ្រោង​នឹង​ទាញយក​ថាមពល​ដើរ​ដោយ​ការដុត​សំរាម​នៅ​ទីក្រុង​ភ្នំពេញ​ឲ្យ​បាន​យ៉ាងហោចណាស់​ ៥០មេហ្គាវ៉ាត់​ក្នុងពេល​ឆាប់ៗ​នេះ ខណៈ​ក្រសួង​រ៉ែ និង​ថាមពល​កំពុង​ពិភាក្សា​ជាមួយ​ដៃគូ​អភិវឌ្ឍន៍​នានា​ដើម្បី​ពន្លឿន​គម្រោង​នេះ​។ បច្ចុប្បន្ន​ក្រុម​ការងារ​អន្តរក្រសួង​កំពុង​ខិតខំ​ធ្វើ​កិច្ចការ​ជាច្រើន ​ដើម្បី​ឈាន​ទៅ​ដល់​ការស្វែងរក​ដៃគូ​មក​វិនិយោគ​លើ​ការសាងសង់​រោងចក្រ​ផលិត​អគ្គិសនី​ពី​ការដុត​សំរាម ខណៈ​វា​មិន​ត្រឹមតែ​ផ្តល់នូវ​ថាមពល​អគ្គិសនី​សម្រាប់​ប្រើប្រាស់​ប៉ុណ្ណោះ​ទេ ថែម​ទាំង​ជួយ​កាត់បន្ថយ​បរិមាណ​សំរាម​នៅ​ទីលាន​ចាក់សំរាម​ក្នុង​រាជធានី​ភ្នំពេញ​ផងដែរ​។ ទោះបីជា​វា​មាន​តម្លៃ​ផលិត​ខ្ពស់ ប៉ុន្តែ​​ការងារ​នេះនៅតែត្រូវបានជំរុញ ព្រោះ​បើ​មិន​ជំរុញ​ឲ្យ​មាន​វិនិយោគ​លើ​រោងចក្រ​អគ្គិសនី​ពី​សំរាម យើង​នឹង​ប្រឈម​កង្វះខាត​កន្លែង​ចាក់សំរាម​នៅ​ចុង​ឆ្នាំ​២០២០ ឬ​ដើមឆ្នាំ​២០២១ ​ខាងមុខ​​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១៦ ខែមីនា ឆ្នាំ ២០២០


កប៉ាល់ ១២គ្រឿងដឹកវត្ថុធាតុដើមបម្រើឱ្យវិស័យកាត់ដេរនឹងមកដល់ចុងសប្តាហ៍នេះ

ភ្នំពេញ៖ យោងតាមសេចក្តីជូនដំណឹងដែលចេញផ្សាយដោយសមាគមរោងចក្រកាត់ដេរនៅកម្ពុជា (GMAC) នៅថ្ងៃទី១១ ខែមីនា ម្សិលមិញបានឱ្យដឹងថា «វត្ថុធាតុដើមធាតុសម្រាប់បម្រើឱ្យវិស័យកាត់ដេរបានដឹកមកដល់កំពង់ផែស្វយ័តក្រុងព្រះសីហនុបណ្តើរៗហើយកាលពីយប់ថ្ងៃទី៩ ខែមីនា ឆ្នាំ២០២០ តាមរយៈនាវាដឹកជញ្ជូនឈ្មោះ SITC Fujian ។ រហូតដល់ថ្ងៃអាទិត្យចុងសប្តាហ៍នេះរំពឹងថានឹងមានកប៉ាល់ចំនួន ១២គ្រឿងនឹងចូលចតនៅកំពង់ផែក្រុងព្រះសីហនុជាមួយនឹងវត្ថុធាតុដើមបន្ថែមទៀត។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃព្រហស្បតិ៍ ទី១២ ខែមីនា ឆ្នាំ ២០២០


ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគ ៤បន្ថែម

ភ្នំពេញ៖ សេចក្តីប្រកាស​ព័ត៌មាន​របស់ក្រុមប្រឹក្សាអភិវឌ្ឍន៍កម្ពុជា (CDC) បាន​ឲ្យ​ដឹងថា​គិត​ត្រឹម​ថ្ងៃទី​១០ ខែកុម្ភៈ ឆ្នាំ​២០២០ CDC បានអនុម័ត​គម្រោង​ចំនួន​ ៤ ដែល​រួមមាន​គម្រោង​បង្កើត​រោងចក្រ​ផលិត​កេស​កាតុង​របស់​ក្រុមហ៊ុន Timberpack Carton Co., Ltd. ស្ថិត​ក្នុងស្រុក​អង្គស្នួល ខេត្តកណ្តាល​មាន​ទុនវិនិយោគ ៣,៨លាន​ដុល្លារ និង​អាចបង្កើត​ការងារ​បាន​ចំនួន ១៣៦កន្លែង​។ គម្រោង​បង្កើត​រោងចក្រ​ផលិត​ស្បែកជើង​របស់​ក្រុមហ៊ុន Fortress International Co., Ltd នៅ​ខណ្ឌដង្កោ រាជធានី​ភ្នំពេញ មាន​ទុន​វិនិយោគ ៥,៦ ​លាន​ដុល្លារ និង​អាចបង្កើត​ការងារ​បាន ១ ៩២៨ ​កន្លែង​។ ចំណែក​គម្រោង​ ២ ផ្សេងទៀត​រួមមាន គម្រោង​វិនិយោគ​លើ​រោងចក្រ​ផលិត​ស្បែកជើង​របស់​ក្រុមហ៊ុន Qi You Footwear (Cambodia) Co., Ltd មាន​ទីតាំងនៅ​ឃុំ​បែកចាន ស្រុក​អង្គស្នួល ខេត្ត​កណ្តាល មាន​ទុនវិនិយោគ ៥,៥លាន​ដុល្លារ និង​អាច​បង្កើត​ការងារ​បាន ១ ៨៣៤ ​កន្លែង និង​គម្រោង​វិនិយោគ​លើ​រោងចក្រ​កាត់ដេរ និង​ចាក់​សម្លៀកបំពាក់ កន្សែង​បង់ក មួក ស្រោមដៃ ស្រោមជើង ភួយ បូ គ្រប់​ប្រភេទ និង​វាយនភណ្ឌ​បម្រើ​ក្នុងផ្ទះ (Home Textiles) របស់​ក្រុមហ៊ុន Texssel (Cambodia) Co., Ltd ដែល​ស្ថិតនៅ​ស្រុក​បរសេដ្ឋ ខេត្ត​កំពង់ស្ពឺ​មាន​តម្លៃ ២,៥ ​លាន​ដុល្លារ និង​អាចបង្កើត​ការងារ​បាន ១ ០៣៤ ​កន្លែង​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១១ ខែមីនា ឆ្នាំ ២០២០


  • ក្រសួងនឹងផ្តល់អាជ្ញាប័ណ្ណរុករករ៉ែឱ្យក្រុមហ៊ុន ២ទៀត
  • ក្រុមហ៊ុនរោងចក្រកាត់ដេរតៃវ៉ាន់ គ្រោងពង្រីកមកកម្ពុជា
  • ធនាគារ SME នឹងដាក់ឱ្យដំណើរការក្នុងពេលឆាប់ៗនេះ
  • ឱនភាពពាណិជ្ជកម្មកម្ពុជាកាន់តែធំជាងឆ្នាំមុន
  • រោងចក្រថាមពលនៅល្វាឯមនឹងដំណើរការនៅខែ ៤
  • កម្មកររោងចក្រជិត ២ម៉ឺននាក់ត្រូវព្យួរការងារ ខណៈក្រុមហ៊ុន ៣៣បានដាក់ពាក្យស្នើសុំមកក្រសួង
  • ក្រុមហ៊ុនក្នុងស្រុកគ្រោងនាំចេញផ្លែស្វាយស្រស់ទៅអឺរ៉ុប-កាណាដា
  • កិច្ចព្រមព្រៀងថាមពលខ្យល់រំពឹងថានឹងសម្រេចនៅឆ្នាំនេះ
  • ក្រុមហ៊ុនធានារ៉ាប់រងអាយុជីវិតមួយទៀតបើកដំណើរការ
  • ការនាំចេញអង្ករបានកើនឡើង ២១% ទោះបីការដឹកជញ្ជូនកំពុងរងផលប៉ះពាល់ ដោយសារវីរុសកូរ៉ូណាក៏ដោយ