ព័ត៌មានសេដ្ឋកិច្ច ក្នុងនិងក្រៅប្រទេស

home latest
វៀតណាម និងចិនមានលទ្ធភាពបង្កើនទំនាក់ទំនងពាណិជ្ជកម្មកាន់តែខ្លាំងជាងមុន

ហាណូយ ៖ ក្រុមអ្នកជំនាញបាននិយាយថា​ សហគ្រាសវៀតណាម និងចិនត្រូវបានលើកទឹកចិត្តឱ្យទាញយកប្រយោជន៍ពីសក្តានុពលពាណិជ្ជកម្មទ្វេភាគីដ៏ធំ ដែលបើកចំហរដោយគោលនយោបាយបើកទូលាយរបស់ប្រទេសទាំងពីរ។ ប្រទេសចិនក្លាយជាដៃគូពាណិ​ជ្ជ​កម្មដ៏ធំបំផុងរបស់វៀតណាមក្នុងឆ្នាំ២០១៨ ដោយទំហំនំាចេញ និងនំាចូលសរុបឈានដល់ ១០៦ពាន់លានដុល្លារ ពោលគឺកើនឡើង ១៤% ក្នុងសន្ទស្សន៍ប្រចាំឆ្នាំ។ ប្រទេសចិនគឺជា​អ្នកវិនិយោគទុនធំបំផុតទី ៧ នៅវៀតណាម ដែលមានដើមទុនសរុប ១៥ ពាន់លានដុល្លារ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី១៥ ខែឧសភា ឆ្នាំ ២០១៩


ចំនួនភ្ញៀវទេសចរធ្វើដំណើរទៅកាន់ខេត្តបន្ទាប់បន្សំរបស់ថៃកើនឡើង

ប្រទេសថៃ ៖ ភ្នាក់ងារសារព័ត៌មាន Bangkok Post បានឱ្យដឹងកាលពីថ្ងៃអាទិត្យទី១២ ខែឧសភា កន្លងមកថាអ្នកស្រី Kruawan Wonogrukmit ដែលជានាយកប្រតិបត្តិក្រុមហ៊ុនរថយន្តក្រុង Nakhonchai Tour Co បានឱ្យដឹងថា ការផ្តួចផ្តើមគំនិតរបស់រដ្ឋាភិបាលក្នុងការលើកស្ទួយវិស័យទេសចរណ៍ក្នុងខេត្តបន្ទាប់បន្សំក្នុងប្រទេសថៃបានជំរុញដល់ការបង្កើនចំនួនភ្ញៀវទេសចរច្រើនជាង១០%។ ក្នុងនោះ មានខេត្តប៉ែកឥសាននៃប្រទេសមានដូចជា Sakhon Nakhon, Kalasin, Nakhon Phanom, Mukdahan និង Roi Et ជាដើម។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃអង្គារ ទី១៤ ខែឧសភា ឆ្នាំ ២០១៩


ការលក់លំនៅឋានថ្មីនៅសហរដ្ឋអាមេរិក កើនឡើងខ្ពស់ជាងការព្យាករ

ក្រុងវ៉ាស៊ីនតោន ៖ រដ្ឋាភិបាលអាមេរិកបានរាយការណ៍កាលពីចុងខែមេសាថា ការលក់លំនៅឋានថ្មីបានកើនឡើងកាលពីខែមីនា ដែលខុសពីការរំពឹងទុក។ ការដាក់លក់ផ្ទះបានកើនឡើងដល់កម្រិតខ្ពស់ក្នុងរយៈពេល ១៦ខែ ហើយលទ្ធផលនេះបានបង្ហាញកំណើនជាប់គ្នា ៣ ខែ។ ទៅជាយ៉ាងណា ទិន្នន័យសម្រាប់រយៈពេល ៣​ ខែដំបូងឆ្នាំនេះ ត្រូវបានកែតម្រូវទម្លាក់ចុះ។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី០៩ ខែឧសភា ឆ្នាំ ២០១៩


ប្រាក់ចំណេញ TOYOTA ធ្លាក់ជាង ២០%

ក្រុងតូក្យូ ៖ ក្រុមហ៊ុនផលិតរថយន្ត Toyota របស់ប្រទេសជប៉ុន បានឱ្យដឹងកាលពីថ្ងៃពុធថា ប្រាក់ចំណេញសុទ្ធប្រចាំឆ្នាំសារពើពន្ធរបស់ខ្លួនបានធ្លាក់ចុះប្រហែល២៥% ទោះបីការលក់កើនឡើងខ្ពស់ក៏ដោយ ដោយសារការខាងបង់លើការវិនិយោគ ប៉ុន្តែក្រុមហ៊ុនព្យាករថា​នឹងកើនឡើងវិញនៅឆ្នាំខាងមុខ។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី០៩ ខែឧសភា ឆ្នាំ ២០១៩


ឱកាសហេដ្ឋារចនាសម្ព័ន្ធបានមកដល់ក្នុងតំបន់ហើយ

ប្រទេសថៃ ៖ ក្រោមអនុស្សរណៈនៃការយោគយល់គ្នាដែលត្រូវបានសម្រេចកាលពីសប្តាហ៍មុនរវាងសិង្ហបុរីនិងសហរដ្ឋអាមេរិក ភ្នាក់ងារមើលការខុសត្រូវហេដ្ឋារចនាសម្ព័ន្ធរបស់ប្រទេសទាំងពីរនឹងសហការជាមួយគ្នាដើម្បីសម្របសម្រួលកិច្ចព្រមព្រៀងវិស័យឯកជនក្នុងតំបន់ ផ្នែក ថាមពល ទឹក កាកសំណល់ ដឹកជញ្ជូន និងការអភិវឌ្ឍន៍ទីក្រុង។ វាកើតឡើងបន្ទាប់ពីសហរដ្ឋអាមេរិកប្រកាសពីគម្រោងផ្តល់ថវិកាសម្រាប់ហេដ្ឋារចនាសម្ព័ន្ធក្នុងតំបន់ឥណ្ឌូប៉ាស៊ីហ្វិក ដែលរួមមានកិច្ចព្រមព្រៀងនៅខែកក្តដា ឆ្នាំ២០១៨ ជាមួយអូស្រា្តលី និងជប៉ុនផងដែរ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី០៨ ខែឧសភា ឆ្នាំ ២០១៩


  • ធនាគារកណ្តាលចិននឹងទម្លាក់អនុបាតទុនបម្រុងកាតព្វកិច្ចធនាគារ
  • សេដ្ឋកិច្ចរបស់ប្រទេសឥណ្ឌូនេស៊ីកើនឡើងទាបជាងការរំពឹងទុករបស់ទីផ្សារ
  • ប្រាក់ចំណូលរបស់ APPLE បានកើនហួសការរំពឹងទុក
  • ការនំាចេញអង្កររបស់ឡាវ រំពឹងធ្លាក់ចុះ
  • វៀតណាមរំពឹងទទួលបានជាង $១៦០ ពាន់លានពីឌីជីថលនីយកម្ម
  • ការពិន័យរបស់អឺរ៉ុបបង្កឱ្យប្រាក់ចំណេញ GOOGLE ធ្លាក់ចុះ
  • HUAWEI លក់ទូរស័ព្ទបានច្រើនជាង APPLE
  • នវានុវត្តន៍ជួយពង្រឹងភាពប្រកួតប្រជែងក្រុមហ៊ុនវៀតណាម
  • ប្រាក់ចំណេញរបស់ PHILIPS កើនជាង ៣០%
  • ប្រាក់ចំណេញក្រុមហ៊ុន MICROSOFT កើនឡើងជិត ២០ ភាគរយ នៅត្រីមាសមុន