ព័ត៌មានសេដ្ឋកិច្ច ក្នុងនិងក្រៅប្រទេស

home latest
ការសាងសង់រោងចក្រអគ្គិសនីធ្យូងថ្ម សម្រេចបានជាង ៥០%

ភ្នំពេញ៖ ការសាងសង់រោងចក្រអគ្គិសនីដំណើរការដោយធ្យូងថ្មកម្លាំង ២៦៥ មេហ្គាវ៉ាត់ របស់ក្រុមហ៊ុន Han Seng Coal Mine Co Ltd (HSCMC) នៅស្រុកត្រពាំងប្រាសាទ ខេត្តឧត្តរមានជ័យ មកទល់ពេលនេះសម្រេចបានជាង ៥០ភាគរយហើយ ខណៈការសាងសង់អាចនឹងត្រូវបញ្ចប់ក្នុងឆ្នាំ២០២១។ នេះបើតាមអភិបាលខេត្តឧត្តរមានជ័យ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី២០ ខែឧសភា ឆ្នាំ២០២០


ផ្លូវល្បឿនលឿន (ភ្នំពេញ-ព្រះសីហនុ) នឹងបញ្ចបប់គម្រោងមុនកាលកំណត់

ភ្នំពេញ៖ មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបានឱ្យដឹងថា ផ្លូវល្បឿនលឿន (Expressway) ភ្នំពេញ-ព្រះសីហនុ ដែលជាតំបន់សក្តានុពលពាណិជ្ជកម្ម និងទេសចរណ៍ជាប់ឆ្នេរសមុទ្រនឹងអាចបញ្ចប់ការសាងសង់មុនកាលកំណត់ ហើយគ្រោងនឹងដាក់ដំណើរការនៅចុងឆ្នាំា២០២២ ខាងមុខ។ គម្រោងសាងសង់ផ្លូវល្បឿនលឿនពីភ្នំពេញឆ្ពោះទៅកាន់ក្រុងព្រះសីហនុ វិនិយោគដោយក្រុមហ៊ុនរបស់ចិន Cambodia PPSHV Expressway Co.,Ltd ក្នុងតម្លៃប្រមាណ ១,៩ពាន់លានដុល្លារ ត្រូវបានបើកការដ្ឋានសាងសង់ជាផ្លូវការនៅខែមីនា ឆ្នាំ២០១៩។ ផ្លូវដែលមានចម្ងាយសរុប ១៩០,៣គីឡូម៉ែត្រ និងទទឹងផ្លូវ ២៤,៥ម៉ែត្រ (២គន្លងទៅ និង ២គន្លងមក) នេះនឹងមានសួនច្បារនៅកណ្តាលទ្រូងផ្លូវ ព្រមទាំងមានរបាំងអមសងខាងផ្លូវដើម្បីការពារសត្វពាហនៈ ឬមនុស្សឆ្លងកាត់ ព្រមទាំងមានកន្លែងឈប់សម្រាក និងមិនបង្កការកកស្ទះចរាចរណ៍ឡើយ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២១ ខែឧសភា ឆ្នាំ២០២០


ការរៀបចំឥណទានឡើងវិញមានទឹកប្រាក់ជិត $៥០០លាន

ភ្នំពេញ៖ លោក កាំង តុងងី ប្រធាននាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជា (CMA) បានប្រាប់ឱ្យដឹងថា គិតត្រឹមថ្ងៃទី១០ ខែឧសភា មានអតិថិជន ១៣៧ ១៥៨នាក់ បានធ្វើការស្នើសុំរៀបចំឥណទានឡើងវិញ។ ក្នុងនោះអតិថិជន ១១៨ ១៨២នាក់ ស្មើនឹង ៩០ភាគរយ ត្រូវបានគ្រឹះស្ថានមីក្រូហិរញ្ញវត្ថុសម្រេចធ្វើការរៀបចំឥណទានឡើងវិញ ដែលមានទំហំឥណទានជាង ៤៨៨លានដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១៥ ខែឧសភា ឆ្នាំ២០២០


រដ្ឋាភិបាលឱ្យក្រុមហ៊ុនឯកជននាំចេញមុខទំនិញការពារជំងឺឆ្លងគ្រប់ប្រភេទ

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុបានចេញសេចក្តីជូនដំណឹងកាលពីថ្ងៃពុធ ឆ្លើយតបតាមការស្នើសុំរបស់សមាគមរោងចក្រកាត់ដេរ (GMAC) ដោយសម្រេចឱ្យនាំចេញនូវ​មុខទំនិញការពារជំងឺគ្រប់ប្រភេទក្នុងអំឡុងពេលនៃការរាតត្បាតជំងឺកូវីដ១៩។ បើយោងតាមទិន្នន័យរបស់ក្រសួងឧស្សាហកម្ម វិទ្យាសាស្ត្របច្ចេកវិទ្យា នវានុវត្តន៍ បច្ចុប្បន្នមានរោងចក្រចំនួន ៧ និងសិប្បកម្មចំនួន ៧មូលដ្ឋាន ដោយមួយចំនួនក្នុងចំណោមនេះកំពុងផលិត​សម្ភារបរិក្ខារការពារជំងឺឆ្លងរួចស្រេចទៅហើយ និងមួយចំនួនទៀតបានសុំចុះបញ្ជីផលិតម៉ាស់ និងសម្លៀកបំពាក់ពេទ្យ។ ប្រសិនបើរោងចក្រ និងសិប្បកម្មទាំងនោះដំណើរការផលិតកម្មព្រមគ្នា នោះកម្ពុជានឹងមានសមត្ថភាពផលិតម៉ាស់ប្រមាណ ១៣៨លាន សម្លៀកបំពាក់ពេទ្យប្រមាណ ២០,៧លាន និងមួកពេទ្យប្រមាណ ៩,៦លាន ក្នុងមួយខែ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៤ ខែឧសភា ឆ្នាំ២០២០


កម្ពុជារកចំណូលពន្ធបានជាង ១,៤ពាន់លានដុល្លារក្នុងត្រីមាសទី១

ភ្នំពេញ៖ រដ្ឋាភិបាលកម្ពុជាប្រមូលប្រាក់ចំណូលពន្ធបានប្រមាណ ១,៤ពាន់លានដុល្លារនៅត្រីមាសទី១ ឆ្នាំ២០២០ នេះ កើនជាង ២៤ភាគរយ បើធៀបនឹងរយៈពេលដូចគ្នាឆ្នាំមុន ដែលមានប្រមាណ ១,១ពាន់លានដុល្លារ។ ការកើនឡើងប្រាក់ចំណូលពន្ធនេះ កើតឡើងមុនពេលប្រទេសទទួលរងផលប៉ះពាល់ដោយសារការរីករាលដាលជំងឺកូវីដ១៩ ដែលបានរំខានដល់តម្រូវការ និងចង្វាក់ផលិតកម្មនៅជុំវិញពិភពលោក។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៤ ខែឧសភា ឆ្នាំ២០២០


  • ទំហំពាណិជ្ជកម្មទ្វេភាគីកម្ពុជា-ជប៉ុន មានកំណើនជិត ៥ភាគរយ
  • ព្រលានយន្តហោះសៀមរាប នឹងបញ្ចប់ការសាងសង់តាមផែនការ
  • CP GROUP នឹងយក 7-ELEVEN មកទីផ្សារកម្ពុជានៅឆ្នាំ២០២១
  • ការនាំចេញផលិតផលឧស្សាហកម្មមានតម្លៃដល់ជាង $៣,១៣ពាន់លាន
  • ចំនួនកុងតឺន័រឆ្លងកាត់កំពង់ផែក្រុងព្រះសីហនុ មានកំណើនជិត ៥%
  • ការនាំចូលជី និងថ្នាំកសិកម្មកើនជាង ៩ភាគរយ
  • វិស័យទេសចរណ៍រងឥទ្ធិពលខ្លាំងពីវីរុសកូវីដ១៩
  • ការនាំចេញផលដំឡូងមីមានកំណើនតិចតួចនៅក្នុងត្រីមាសទី១
  • ការនាំចេញទឹកមាត់ត្រចៀកកាំជាផ្លូវការទៅប្រទេសចិនអាចពន្យារដល់ឆ្នាំក្រោយ
  • ទំហំពាណិជ្ជកម្មកម្ពុជា-វៀតណាម កើនជាង ១៥ ភាគរយក្នុងត្រីមាសទី១