ព័ត៌មានសេដ្ឋកិច្ច ក្នុងនិងក្រៅប្រទេស
home latest
សេដ្ឋកិច្ចកូរ៉េខាងត្បូងធ្លាក់ ១,៤%
ទីក្រុងសេអ៊ូល៖ សេដ្ឋកិច្ចប្រទេសកូរ៉េខាងត្បូងប្រទះនូវដំណើរការអាក្រក់បំផុតក្នុងរយៈពេលជាង ១ ទសវត្សរ៍ ក្នុងត្រីមាសដំបូងពេលការរីករាលដាលវីរុសកូរ៉ូណាបានវាយប្រហារ។ ធនាគារកណ្តាលឱ្យដឹងថា ផលិតផលក្នុងស្រុកសរុបធ្លាក់ចុះ ១,៤ភាគរយ អំឡុងខែមករា ដល់ខែមីនា ធៀបរយៈពេលដូចគ្នាកាលពីឆ្នាំមុន ដោយការធ្លាក់ចុះធំបំផុតរបស់ខ្លួនចាប់តាំងពីត្រីមាសទី៤ នៃឆ្នាំ២០០៨ ពេលវិបត្តិហិរញ្ញវត្ថុសកល។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៤ ខែមេសា ឆ្នាំ ២០២០
ពាណិជ្ជកម្មបរទេសចិនធ្លាក់ចុះ ខណៈវីរុសថ្មីបន្តដាក់សម្ពាធដៃគូ
ទីក្រុងប៉េកាំង៖ ពាណិជ្ជកម្មអន្តរជាតិរបស់ប្រទេសចិន បានធ្លាក់ចុះម្តងទៀតនៅក្នុងខែមីនា ខណៈដែលការរីករាលដាលនៃវីរុសកូរ៉ូណាបានបន្តរាលដាលនៅទូទាំងពិភពលោក។ យោងតាមទិន្នន័យពីអគ្គនាយកដ្ឋានគយចេញផ្សាយកាលពីថ្ងៃចន្ទបានឱ្យដឹងថា ការនាំចេញធ្លាក់ចុះ ៦,៦ភាគរយ ក្នុងខែមីនា ធៀបរយៈពេលដូចគ្នាកាលពីឆ្នាំមុន ចំណែកការនាំចូលធ្លាក់ចុះ ០,៩ភាគរយ។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៥ ខែមេសា ឆ្នាំ ២០២០
សាអ៊ូឌីតនឹងបន្ថយការផ្គត់ផ្គង់ប្រេង ៨,៥លានបារ៉ែល
ទីក្រុងរីយ៉ាដ៖ ក្រុមហ៊ុនប្រេង Aramco ដែលជាក្រុមហ៊ុនប្រេងរដ្ឋដ៏ធំរបស់ប្រទេសអារ៉ាប៊ីសាអ៊ូឌីត បានឱ្យដឹងកាលពីថ្ងៃសុក្រកន្លងទៅថា ក្រុមហ៊ុននេះនឹងបន្ថយការផ្គត់ផ្គង់ប្រេងទៅកាន់ទីផ្សារ ៨,៥លានបារ៉ែល ក្នុង១ថ្ងៃ ចាប់ពីខែឧសភា អនុលោមតាមកិច្ចព្រមព្រៀងរបស់ប្រទេសផលិតប្រេងឆៅ ដើម្បីរឹតបន្តឹងការផ្គត់ផ្គង់ និងលើកកម្ពស់តម្លៃដែលដាំក្បាលចុះកន្លងមក។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២០ ខែមេសា ឆ្នាំ ២០២០
GDP សិង្ហបុរីនឹងធ្លាក់ចុះទាបបំផុតចាប់តាំងពីវិបត្តិហិរញ្ញវត្តុ
ទីក្រុងប៉េកាំង៖ ទិន្នន័យផ្លូវការកាលពីថ្ងៃព្រហស្បតិ៍បង្ហាញថា សេដ្ឋកិច្ចសិង្ហបុរីដែលជាប្រទេសនាំមុខគេផ្នែកពាណិជ្ជកម្មក្នុងតំបន់អាស៊ីបានធ្លាក់ចុះដ៏អាក្រក់បំផុតនៅក្នុងត្រីមាសទី១ ឆ្នាំ២០២០ នេះបើគិតចាប់តាំងពីវិបត្តិហិរញ្ញវត្ថុសកលកាលពីឆ្នាំ២០០៨។ តាមការព្យាករមុនរបស់ក្រសួងពាណិជ្ជកម្មផលិតផលក្នុងស្រុកសរុប (GDP) ដែលគ្របដណ្តប់ដោយវិស័យពាណិជ្ជកម្មបានធ្លាក់ចុះ ២,២ភាគរយ ក្នុងត្រីមាសដំបូងឆ្នាំ២០២០ នេះ ធៀបនឹងរយៈពេលដូចគ្នាកាលពីឆ្នាំមុន ហើយបើធៀបនឹងត្រីមាសមុនគីបានធ្លាក់ចុះ ១០,៦ភាគរយ។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៧ ខែមីនា ឆ្នាំ ២០២០
ការនាំចូលពីប្រទេសចិនទៅកាន់ជប៉ុនក្នុងខែកុម្ភៈធ្លាក់ចុះទាបបំផុតចាប់ពីឆ្នាំ១៩៨៦
ទីក្រុងតូក្យូ៖ ការនាំចូលរបស់ជប៉ុនពីប្រទេសចិនធ្លាក់ចុះយ៉ាងខ្លាំងកាលពីខែកុម្ភៈ ធៀបនឹងរយៈពេលដូចគ្នាកាលពីឆ្នាំមុន ដែលធ្លាក់ចុះដល់ចំនុចទាបបំផុតចាប់តាំងពីឆ្នាំ១៩៨៦ នៅពេលការផ្ទុះឡើងនៃកូវីដ១៩ បានរំខានដល់ពាណិជ្ជកម្ម។ ក្នុងខែកុម្ភៈ ការនាំចូលពីប្រទេសចិនដែលជាដៃគូពាណិជ្ជកម្មធំបំផុតរបស់ប្រទេសជប៉ុនស្របគ្នានឹងសហរដ្ឋអាមេរិកដែរនោះបានធ្លាក់ចុះ ៤៧,១ភាគរយ ដល់ ៦៧៣,៤ពាន់លានយ៉េន (៦,៣ពាន់លានដុល្លារអាមេរិក) ខណៈការនាំចេញរបស់ជប៉ុនបានរអិលចុះ ០,៤ភាគរយ ដល់ ១,១៤ពាន់ពាន់លានយ៉េន។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៩ ខែមីនា ឆ្នាំ ២០២០