ព័ត៌មានសេដ្ឋកិច្ច ក្នុងនិងក្រៅប្រទេស

home latest
ប្រេសិតពាណិជ្ជកម្មអង់គ្លេស សន្យាជួយលើកកម្ពស់វិស័យវិនិយោគ និងធុរកិច្ច

ភ្នំពេញ៖   លោកស្រី​ Heather Wheeler ប្រេសិត​ពាណិជ្ជកម្ម​របស់​នាយករដ្ឋមន្ត្រី​ចក្រភព​អង់គ្លេស​ប្រចាំ​កម្ពុជា ឡាវ និង​វៀតណាម​បាន​ថ្លែង​អះអាងថា​លោកស្រី​នឹង​ខិតខំ​កៀរគរ​វិនិយោគិន​ និង​ធុរជន​អង់គ្លេស​សិក្សា​អំពី​សក្តានុពល​របស់​ប្រទេស​កម្ពុជា ​ដើម្បី​ពង្រីក​ការវិនិយោគ និង​ធ្វើ​ជំនួញ​ជាមួយ​ប្រទេស​ក្នុង​តំបន់​អាស៊ាន​មួយ​នេះ​ឱ្យ​កាន់តែ​ច្រើន​បន្ថែមទៀត ដើម្បី​ទាញយក​នូវ​ផលចំណេញ​ពី​ពន្ធ​អនុគ្រោះ​ពាណិជ្ជកម្ម​ដែល​កម្ពុជា​កំពុង​ទទួលបាន​។ កម្ពុជា​ស្ថិត​ក្នុង​ចំណោម​ប្រទេស​ដែលមាន​ការអភិវឌ្ឍ​តិចតួច​ទាំង​ ៤៦ ​ផ្សេងទៀត​ដែល​បានទទួល​ការអនុគ្រោះពាណិជ្ជកម្ម​ (GSP) ពី​ចក្រភព​អង់គ្លេស បន្ទាប់ពី​ក្រសួង​ពាណិជ្ជកម្ម​អន្តរជាតិ​អង់គ្លេស​បានប្រកាស​ផ្តល់ឱ្យ​កាលពី​ថ្ងៃ​ ១៧ ​ខែ ធ្នូ​ ឆ្នាំ​ ២០២០​។ អង់គ្លេស​ជា​ប្រទេស​នាំចូល​ដ៏ធំ​បំផុត​មួយ​របស់​កម្ពុជា​នៅ​សហគមន៍​អឺរ៉ុប​ដែលមាន​ចំណែក​ទីផ្សារ​ប្រមាណ​ជា​ ២៥ ​ទៅ​ ៣០ ​ភាគរយ​ នៃ​ការនាំចេញ​សរុប​ទៅកាន់​ទីផ្សារ​តំបន់​មួយ​នេះ​។

ប្រភពៈ ព័ត៌មានកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២២ ខែកុម្ភ: ឆ្នាំ២០២១


កម្ពុជាចង់ឃើញហ្វីលីពីន ប្រឡូកក្នុងវិស័យស្រូវអង្ករ

ភ្នំពេញ៖  លោកនាយក​រដ្ឋមន្ត្រី ហ៊ុន សែន បាន​អំពាវនាវ​ឱ្យ​ហ្វីលីពីន​បណ្តាក់ទុន​វិនិយោគ​លើ​វិស័យ​ស្រូវ​អង្ករ​នៅ​កម្ពុជា​ដើម្បី​ផលិត និង​នាំចេញ​ទៅកាន់​ប្រទេស​ខ្លួន និង​បណ្តា​ប្រទេស​នានា​នៅលើ​ពិភពលោក​។ លោក ហ៊ុន សែន បាន​ស្នើ​ក្នុងជំនួប​ជាមួយ​នឹង​លោកស្រី Maria Amelita C. Aquino ឯកអគ្គរដ្ឋទូត​ហ្វីលីពីន​ថ្មី​ប្រចាំ​នៅ​កម្ពុជា​កាលពី​ថ្ងៃទី​ ១៧ កុម្ភៈ​ នៅ​ទីក្រុង​ភ្នំពេញ​។ លោកនាយក​រដ្ឋមន្ត្រី​ថ្លែងថា​៖ «​ហ្វីលីពីន​អាចមក​ដាក់ទុន​វិនិយោគ​នៅ​កម្ពុជា​យើង​បាន​តាមរយៈ​ការដាក់ទុន​លើ​ផ្នែក​ម៉ាស៊ីន​កិនស្រូវ ការសាងសង់​ឃ្លាំង​ស្តុក​ស្រូវ និង​បង្កើតជា​បណ្ដាញ​ទិញស្រូវ​ស្តុក​ទុក ដើម្បី​នាំចេញ​ទៅ​ប្រទេស​ហ្វីលីពីន​»​។

ប្រភពៈ ព័ត៌មានកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៨ ខែកុម្ភ: ឆ្នាំ២០២១


ពាណិជ្ជកម្មកម្ពុជា-ជប៉ុនធ្លាក់ ប៉ុន្តែសញ្ញាស្ទុះងើបឡើងវិញខ្លាំង

ភ្នំពេញ៖  ទំហំ​ពាណិជ្ជកម្ម​ទ្វេភាគី​កម្ពុជា-ជប៉ុន​ធ្លាក់ចុះ​ ,៤៥ ​ភាគរយ ដែលមាន​តម្លៃ​សរុប​ត្រឹមតែ ២ ០៩៩,៥៧ លាន​ដុល្លារ​នៅ​ឆ្នាំ​ ២០២០ ធៀប​នឹង​ឆ្នាំ​ ២០១៩ ដោយ​ការនាំចេញ​របស់​កម្ពុជា​ធ្លាក់​តិចជាង​ជប៉ុន​នាំមក​កម្ពុជា ដែល​បណ្តាល​មកពី​ការរីក​រាលដាល​ជំងឺ​កូវីដ​ ១៩ បានធ្វើឱ្យ​ប៉ះពាល់​សេដ្ឋកិច្ច​ជាសកល ប៉ុន្តែ​វិនិយោគិន​ជប៉ុន​បានបង្ហាញ​នូវ​សុទិដ្ឋិនិយម​ចំពោះ​ការងើប​ឡើងវិញ​យ៉ាង​រហ័ស​នៃ​សេដ្ឋកិច្ចកម្ពុជា​។ ទិន្នន័យ​ពី​អង្គការ​ពាណិជ្ជកម្ម​ក្រៅ​ប្រទេស​ជប៉ុន​ (Jetro) បាន​បង្ហាញថា​ក្នុង​រយៈពេល​ ១ ​ឆ្នាំ​កន្លងទៅនេះ កម្ពុជា​បាន​នាំចេញ​ទៅកាន់​ទីផ្សារ​ជប៉ុនមានតម្លៃ​ ១,៦ ​ពាន់​លាន​ដុល្លារ​ ធ្លាក់​ចុះ ៦,៧ ភាគរយ ខណៈ​ការនាំ​ទំនិញ​ពី​ជប៉ុន​មក​កម្ពុជា​មាន​តម្លៃ ៤៨៤,៦៩៩ ​លាន​ដុល្លារ​ ធ្លាក់ចុះ​ ១៣,៨ ភាគរយ បើ​ធៀបនឹង​ឆ្នាំ​ ២០១៩​។

ប្រភពៈ ព័ត៌មានកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៨ ខែកុម្ភ: ឆ្នាំ២០២១


ការប្រមូលចំណូលពន្ធដារនៅក្នុងខែមករា ធ្លាក់ចុះជាង ៨ ភាគរយ

ភ្នំពេញ៖  ទោះបី​ការប្រមូល​ពន្ធ​ពី​ប្រភព​ចំណូល​សំខាន់ ៣ បាន​កើនឡើង​ក៏​ប្រាក់ចំណូល​សរុប​ដែល​អគ្គនាយកដ្ឋាន​ពន្ធដារ​ប្រមូលបាន​ក្នុង​ខែមករា ឆ្នាំ​ ២០២១ នេះ​មិន​បង្ហាញ​សញ្ញា​វិជ្ជមាន​នោះទេ ដោយ​ធ្លាក់ចុះ​ជាង ៨ ​ភាគរយ​បើ​ធៀប​នឹង​រយៈពេល​ដូចគ្នា​ឆ្នាំ​ ២០២០ ខណៈ​បញ្ហា​នេះ​អ្នកសេដ្ឋកិច្ច​អះអាងថា មាន​ជាប់ទាក់ទង​នឹង​គោលនយោបាយ​របស់​រដ្ឋាភិបាល​ក្នុង​ការអនុគ្រោះ​ពន្ធចំពោះ​វិស័យ​មួយចំនួន​ដែល​បន្ត​រង​ផលប៉ះពាល់​ធ្ងន់ធ្ងរ​ពី​វិបត្តិ​កូវីដ​១៩​។  យោងតាម​សេចក្តី​ប្រកាស​ព័ត៌មាន​ស្តីពី​កិច្ចប្រជុំ​បូកសរុប​លទ្ធផល​ប្រមូល​ចំណូល​ពន្ធ​ប្រចាំ​ខែមករា ឆ្នាំ​ ២០២១ ​របស់​អគ្គនាយកដ្ឋាន​ពន្ធដារ​កាលពី​ថ្ងៃទី​ ១៦ ខែកុម្ភៈ ឱ្យដឹងថា ក្នុង​ខែមករា អគ្គនាយកដ្ឋាន​ពន្ធដារ​ប្រមូល​ចំណូល​ពន្ធអាករ បាន​សរុប​ប្រមាណ ២១៧,២ លាន​ដុល្លារ ស្មើនឹង ៩,៦៨ ​ភាគរយ​នៃ​ផែនការ​ប្រចាំ​ឆ្នាំ ហើយ​បើ​ធៀប​នឹង​ចំណូល​ពន្ធអាករ​ខែមករា ឆ្នាំ​ ២០២០ ថយចុះ​ប្រមាណ ១៩,០៣ ​លាន​ដុល្លារ​ស្មើ ៨,០៦ ​ភាគរយ​។

ប្រភពៈ ព័ត៌មានកាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៧ ខែកុម្ភ: ឆ្នាំ២០២១


ក្រុមហ៊ុនចុះបញ្ជីនៅផ្សារហ៊ុនបានបង្ហាញពីប្រតិបត្តិការល្អប្រសើរនៅក្នុងឆ្នាំ ២០២០

ភ្នំពេញ៖ក្រុមហ៊ុន​មួយចំនួន​ដែល​ចុះបញ្ជី​នៅលើ​ផ្សារមូលបត្រ​កម្ពុជា (CSX) បាន​រាយការណ៍​ប្រតិបត្តិការ​អាជីវកម្ម​ល្អប្រសើរ​កាលពី​ឆ្នាំមុន បើទោះបី​ភាព​តានតឹង​នៃ​សេដ្ឋកិច្ច​ដែល​បាន​បណ្ដាលមកពី​ការរីក​រាលដាល​ជំងឺ​កូវីដ ​១៩ ធ្វើឱ្យប៉ះពាល់​ដល់​សេដ្ឋកិច្ច​ប្រទេស​ក្នុង​តំបន់ និង​ពិភពលោក​រួមទាំង​កម្ពុជា​ក៏ដោយ​។ បើ​យោងតាម​ឯកសារ​ផ្ញើ​ទៅ CSX កាលពី​សប្ដាហ៍​មុន ធនាគារ​អេស៊ីលីដា (ABC) ​បាន​រាយការណ៍​កំណើន​ដ៏រឹងមាំ​ជាមួយនឹង​ប្រាក់ចំណូល​សរុប​ជាង ១៤១,៦៦ ​លាន​ដុល្លារ គិត​ត្រឹម​ចុងខែ​ធ្នូ​ឆ្នាំមុន​ធៀប​នឹង​ជាង​ ១២០,៩៨ ​លាន​ដុល្លារ ​កាលពី​ឆ្នាំ​ ២០១៩ កើនឡើង ១៧,១៧ ​ភាគរយ​។

ប្រភពៈ ព័ត៌មានកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១6 ខែកុម្ភ: ឆ្នាំ២០២១


  • ការវិនិយោគផ្ទាល់ពីជប៉ុនមកកម្ពុជា មានទឹកប្រាក់ជិត $៣ ពាន់លាន លើគម្រោង ១៤៤ គិតត្រឹមចុងខែមករា ឆ្នាំនេះ
  • ទំហំពាណិជ្ជកម្មកម្ពុជា និង EAEU មានតម្លៃជាង ៦៧ លានដុល្លារ
  • ពាណិជ្ជកម្មទ្វេភាគីកម្ពុជា និងសមាជិកអាស៊ានបានកើនជិត ២២,៥% ដល់ជាង $១១ ពាន់លានឆ្នាំ ២០២០
  • អ្នកនាំចេញទំនិញពីកម្ពុជាទៅទីផ្សារអន្តរជាតិ បារម្ភកាន់តែខ្លាំងការកើនឡើងតម្លៃដឹកជញ្ជូន
  • ធនាគារប្រៃសណីយ៍កម្ពុជា ផ្តល់សេវាកម្មប្រមូលពន្ធគ្រប់ប្រភេទ
  • ការនាំចេញទំនិញពីកម្ពុជាទៅទីផ្សារអាមេរិក កើនជិត ២៣ ភាគរយ
  • សហគ្រិនស្ត្រី ប្រឈមការទទួលបានហិរញ្ញប្បទានអាជីវកម្មដោយកត្តាច្រើន
  • កម្ពុជា-កូរ៉េខាងត្បូង នឹងចុះហត្ថលេខាលើ FTA ទ្វេភាគីនៅពាក់កណ្តាលឆ្នាំនេះ
  • កម្ពុជា រំពឹងពង្រីកទំនាក់ទំនងសេដ្ឋកិច្ចជាមួយ ឥណ្ឌា
  • រដ្ឋបន្តរក្សាការយកថ្លៃទិដ្ឋាការពីភ្ញៀវទេសចរបរទេស