ព័ត៌មានសេដ្ឋកិច្ច ក្នុងនិងក្រៅប្រទេស
home latest
ការទិញផលិតផលអាមេរិករបស់ចិនមានការវិវឌ្ឍទៅមុខ
ក្រុងប៉េកាំង៖ ប្រភពផ្លូវការបានឱ្យដឹងកាលពីថ្ងៃអាទិត្យថា សណ្តែកសៀងអាមេរិករាប់លានតោនត្រូវបាននាំចេញទៅប្រទេសចិន ដែលជាការរីកចម្រើនចុងក្រោយបំផុតនៃការទិញផលិតផលកសិកម្មអាមេរិកដោយសហគ្រាសចិនបន្ទាប់ពីកិច្ចប្រជុំកាលពីខែមិថុនារបស់មេដឹកនាំរដ្ឋទាំង២នៅទីក្រុងអូសាកា។ ទន្ចឹមនឹងនេះដែរ រដ្ឋបាលអាមេរិកបានប្រកាសការលើកលែងពន្ធគយបន្ថែមដែលបានដកហូតលើផលិតផលឧស្សាហកម្មរបស់ប្រទេសចិនចំនួន១១០មុខ និងបានបង្ហាញឆន្ទៈរបស់ខ្លួនក្នុងការជំរុញឱ្យក្រុមហ៊ុនអាមេរិកបន្តផ្តល់ការផ្គត់ផ្គង់សម្រាប់សហគ្រាសរបស់ប្រទេសចិនដែលពានក់ព័ន្ធ។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី៣០ ខែកក្កដា ឆ្នាំ ២០១៩
AIR FRANCE នឹងប្រកាសទិញយន្តហោះ A220
ក្រុងប៉ារីស៖ កាសែត Journal Du Dimanche របស់ប្រទេសបារាំងបានរាយការណ៍កាលពីថ្ងៃអាទិត្យថា ក្រុមហ៊ុនអាកាសចរណ៍ Air France នៅសប្តាហ៍នេះនឹងប្រកាសផែនការក្នុងការទិញយន្តហោះរយៈចម្ងាយមធ្យម Airbus A220a ដែលផលិតនៅក្នុងប្រទេសកាណាដា ចន្លោះពី ៥០ ទៅ ៧០គ្រឿង ដែលជាផ្នែកមួយនៃការកែប្រែក្រុមយន្តហោះរបស់ខ្លួនដែលទន្ទឹងរង់ចាំយ៉ាងខ្លាំង។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី៣០ ខែកក្កដា ឆ្នាំ ២០១៩
ភាពអត់ការងារធ្វើនៅសិង្ហបុរីបន្តកើនឡើងនៅត្រីមាសទី២
សិង្ហបុរី៖ យោងតាមទិន្នន័យបឋមដែលចេញផ្សាយដោយក្រសួងមហាផ្ទៃ (MOM) កាលពីថ្ងៃសុក្រទី២៦ ខែកក្កដា នេះបានបង្ហាញថា អត្រាអត់ការងារធ្វើសម្រាប់ប្រជាជនសិង្ហបុរីបានកើនឡើង៣ត្រីមាសជាប់ៗគ្នា និងបានឡើងដល់៣,៣% នៅក្នុងខែមិថុនា កើនឡើងពីអត្រា៣,២% នៅក្នុងខែមីនា ដែលកើនឡើងបែបនេះបន្ទាប់ពីមានការប្រែប្រួលតាមរដូវកាលដែលត្រូវបានគេយកមកគិតរកតាមអត្រានៃការអត់ការងារធ្វើនេះ។
ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃសៅរ៍-អាទិត្យ ទី២៧-២៨ ខែកក្កដា ឆ្នាំ ២០១៩
កំណើនសេដ្ឋកិច្ចអមេរិកបានថមថយនៅត្រីមាសទី២ ឆ្នាំនេះ
ក្រុងវ៉ាស៊ីនតោន៖ ទិន្នន័យរដ្ឋាភិបាលបានបង្ហាញនៅចុងសប្តាហ៍មុនថា សេដ្ឋកិច្ចអាមេរិកបានថមថយនៅត្រីមាសទី២ ឆ្នាំ២០១៩ មកនៅត្រឹមល្បឿនមួយដែលនៅតែមានភាពរឹងមាំ។ ក្រុមអ្នកវិភាគបានរំពឹងថា កំណើននៅត្រីមាសទី២ មានតែ១,៨% ប៉ុណ្ណោះ ប៉ុន្តែសេដ្ឋកិច្ចនេះទទួលបានការជំរុញពីការចំណាយដ៏រឹងមាំលើរថយន្ត អាហារ និងសម្លៀកបំពាក់។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី២៩ ខែកក្កដា ឆ្នាំ ២០១៩
IMF ទម្លាក់ការព្យាករកំណើតសេដ្ឋកិច្ចពិភពលោក
ក្រុងវ៉ាស៊ីនតោន៖ ភាពតានតឹងពាណិជ្ជកម្មពិភពលោក ភាពមិនប្រាកដប្រជាដែលបន្តកើតមាន និងការកើនឡើងចក្ខុវិស័យសម្រាប់ការចាកចេញរបស់អង់គ្លេសដោយគ្មានកិច្ចព្រមព្រៀង (no-deal Brexit) កំពុងកាត់បន្ថយកម្លាំងសេដ្ឋកិច្ចពិភពលោក ដែលប្រឈមនឹងឆ្នាំ២០២០«ដ៏គ្រោះថ្នាក់»។ នេះបើយោងតាមការព្រមានរបស់មូលនិធិ IMFនៅថ្ងៃអង្គារិ៍។ជម្លោះពាណិជ្ជកម្មកំពុងធ្វើអោយអន់ថយដល់ការវិនិយោគ នឹងធ្លាក់ចុះការផលិតហើយមូលនិធិ IMF បានជំរុញឲ្យប្រទេសនានាចៀសវាងការប្រើពន្ធដុំម្បីដោះស្រាយការខ្វែងគំនិតគ្នារបស់ពួកគេ។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី២៥ ខែកក្កដា ឆ្នាំ ២០១៩