ព័ត៌មានសេដ្ឋកិច្ច ក្នុងនិងក្រៅប្រទេស

home latest
កំណើនតម្រូវការអគ្គិសនីធ្លាក់មកនៅត្រឹម ២០%

ភ្នំពេញ៖ អាជ្ញាធរអគ្គិសនីកម្ពុជាបានអះអាងថា ប្រទេសកម្ពុជាមិនបានប្រឈមកង្វះថាមពលអគ្គិសនីនៅក្នុងរដូវប្រាំងឆ្នាំ២០២០នេះទេ ព្រោះតម្រូវការប្រើប្រាស់បានថយចុះដោយសារការរាតត្បាតជំងឺកូវីដ១៩ ដែលបណ្តាលឱ្យរោងចក្រក្នុងវិស័យឧស្សាហកម្មកាត់ដេរ និងបដិសណ្ឋារកិច្ចមួយចំនួនបិទដំណើរការ។ កំណើនតម្រូវការថាមពលអគ្គិសនីឆ្នាំនេះត្រូវបានព្យាករថានឹងធ្លាក់មកនៅត្រឹម ២០ភាគរយ ខណៈឆ្នាំមុនៗកំណើនជាមធ្យម ៣០ភាគរយ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៥ ខែមិថុនា ឆ្នាំ២០២០


ការនាំចេញរបស់ក្រុមហ៊ុនលីលី ចាប់ផ្តើមល្អឡើងវិញ

ភ្នំពេញ៖ លោកស្រី កែវ មុំ អគ្គនាយិកាក្រុមហ៊ុន LYLY Food Industry Co., LTD បានឱ្យដឹងកាលពីថ្ងៃពុធថា ការបញ្ជាទិញនំស្រួយលីលី ពីអតិថិជននៅក្រៅប្រទេសចាប់ផ្តើមមានឡើងវិញជាបណ្តើរៗហើយតាំងពីចុងខែឧសភា។ ជាក់ស្តែងកាលពីថ្ងៃអង្គារក្រុមហ៊ុនបាននាំចេញចំនួន ១កុងតឺន័រទៅកាន់ទីផ្សារអាមេរិក ហើយកាលពីសប្តាហ៍មុនក៏មានការនាំចេញ ១កុងតឺន័រទៅកាន់ប្រទេសម៉ាឡេស៊ីផងដែរ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៥ ខែមិថុនា ឆ្នាំ២០២០


SANTANA AGRO គ្រោងនាំចេញស្វាយចន្ទីសរីរាង្គនៅចុងឆ្នាំនេះ

ភ្នំពេញ៖ ក្រុមហ៊ុន Santana Agro Products ដែលកំពុងដាំដុះ និងកែច្នៃស្វាយចន្ទីគ្រោងនឹងនាំចេញស្វាយចន្ទីសរីរាង្គ ២០០តោន ជាលើកដំបូងទៅកាន់ទីផ្សារអាមេរិក និងអឺរ៉ុបនៅចុងឆ្នាំ២០២០នេះ បន្ទាប់ពីក្រុមហ៊ុនទទួលបានវិញ្ញាបនបត្រផលិតគ្រាប់ស្វាយចន្ទី​សរីរាង្គពី ECOCERT របស់ប្រទេសបារាំង កាលពីពេលថ្មីៗ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៦ ខែមិថុនា ឆ្នាំ២០២០


កម្ពុជានាំចេញកង់ ៥ខែឆ្នាំនេះ មានតម្លៃសរុបជិត ២០០លានដុល្លារ

ភ្នំពេញ៖ ទិន្នន័យអគ្គនាយដ្ឋានគយ និងរដ្ឋាករកម្ពុជាចេញផ្សាយកាលពីចុងសប្តាហ៍មុនបង្ហាញថា ចាប់ពីខែមករាមកដល់ខែឧសភា ឆ្នាំ២០២០ កម្ពុជាបាននាំចេញកង់ទៅកាន់ទីផ្សារអន្តរជាតិក្នុងតម្លៃសរុប ១៩៧លានដុល្លារកើន ២៦ភាគរយ ធៀបនឹងរយៈពេលដូចគ្នាឆ្នាំ២០១៩ ចំណែកកង់នាំចេញមានចំនួនសរុប ៨៧៦ ៦១២គ្រឿង កើនឡើង ១៩ភាគរយ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២៩ ខែមិថុនា ឆ្នាំ២០២០


ទំហំពាណិជ្ជកម្មទ្វេភាគីកម្ពុជា-ថៃ កើនឡើងជាង ១៨% រយៈពេល ៤ខែដើមឆ្នាំ២០២០

ភ្នំពេញ៖ តួលេខពាណិជ្ជកម្មទ្វេភាគីពីស្ថានទូតកម្ពុជាប្រចាំប្រទេសថៃ ដែលត្រូវផ្សព្វផ្សាយកាលពីថ្ងៃសៅរ៍ ដោយអង្គភាពព័ត៌មាន Fresh News បានឱ្យដឹងថា ទោះបីជំងឺកូវីដ ១៩ កំពុងបន្តការរីករាលដាល ប៉ុន្តែទំហំពាណិជ្ជកម្មរវាងប្រទេសទាំង២ មិនបានធ្លាក់ចុះទេ ដោយក្នុងរយៈពេល ៤ខែ ទំហំជួញដូរសរុបមានតម្លៃប្រមាណ ៣,១ពាន់លានដុល្លារ កើនឡើង ១៨,៣ភាគរយ បើធៀបនឹងរយៈដូចគ្នាឆ្នាំ២០១៩។ ការនាំចេញទំនិញពីកម្ពុជាទៅប្រទេសថៃមានតម្លៃ ៦៨៧លានដុល្លារ កើន ១០៦ភាគរយ បើធៀបនឹងរយៈពេលដូចគ្នាឆ្នាំ២០១៩។ ផលិតផលនាំចេញពីកម្ពុជាទៅកាន់ទីផ្សារប្រទេសថៃមានដូចជា ត្បូងថ្ម គ្រឿងអលង្ការ ផលិតផលកសិកម្ម និងគ្រឿងអាលុយមីញ៉ូម។ ចំណែកការនាំចូលទំនិញពីប្រទេសថៃមានតម្លៃប្រមាណ ២,៤ពាន់លានដុល្លារ កើនឡើង ៥,៦ភាគរយ ដែលភាគច្រើនជាប្រេងឥន្ធនៈ ទោចក្រយានយន្ត រថយន្ត ត្បូងថ្ម និងគ្រឿងអលង្ការជាដើម។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១៥ ខែមិថុនា ឆ្នាំ២០២០


  • ទំហំពាណិជ្ជកម្មក្នុងរយៈពេល ៤ខែមានតម្លៃជាង $១១ពាន់លាន
  • ទំហំពាណិជ្ជកម្មទ្វេភាគីកម្ពុជា-វៀតណាម ធ្លាក់ជាង ៨%
  • ការនាំចេញអង្ករត្រូវព្យាករថានឹងសម្រេចបានជិត ១លានតោន
  • ការនាំចេញកសិផលកម្ពុជានឹងលើសពី ៥លានតោន
  • រោងចក្រកែច្នៃផ្លែឈើតម្លៃ $៨លាន កំពុងសាងសង់នៅក្នុងខេត្តព្រះសីហនុ
  • រោងចក្រស្រាបៀរតម្លៃ ៨៧លានដុល្លារ ទទួលការអនុញ្ញាតពី CDC
  • អង្ករ ៣ម៉ឺនតោន បានត្រៀមរួចរាល់សម្រាប់នាំចេញទៅទីម័រខាងកើត
  • កម្ពុជាគ្រោងនឹងដំឡើងតំបន់ថ្មដា ជាច្រកទ្វារព្រំដែនអន្តរជាតិ
  • ចិននឹងអនុញ្ញាតឱ្យកម្ពុជានាំចូលស្វាយ ៥០ម៉ឺនតោន
  • ការវិនិយោគលើអគ្គិសនីពីខ្យល់អាចចាប់ផ្តើមឆាប់ៗ