ព័ត៌មានសេដ្ឋកិច្ច ក្នុងនិងក្រៅប្រទេស

home latest
ក្រសួងពាណិជ្ជកម្ម ជំរុញការចូលរួមលើកកម្ពស់ម៉ាកផលិតផលក្នុងស្រុក

ភ្នំពេញ៖ រដ្ឋាភិបាល​កម្ពុជា​គ្រោង​សាងសង់​ចំណត​ផែ​កុងតឺន័រ​ទឹក​ជ្រៅ​បន្ថែម ដែលមាន​ជម្រៅ​ ១៤,៥ ​ម៉ែត្រ​ នៅ​កំពង់ផែ​ខេត្ត​ព្រះសីហនុ ដើម្បី​ធ្វើឲ្យ​ប្រសើរ​ឡើង​នូវ​ការដឹកជញ្ជូន​តាមផ្លូវ​ទឹក​របស់​កម្ពុជា​តាមរយៈការ​ពង្រឹង​សមត្ថភាព​ពាណិជ្ជកម្ម និង​ការកាត់បន្ថយ​តម្លៃ​។ គម្រោង​នេះ​ត្រូវបាន​គាំទ្រ​ហិរញ្ញប្បទាន​ពី​ទីភ្នាក់ងារ​សហប្រតិបត្តិការ​អន្តរជាតិ​ជប៉ុន​ (JICA)​។ នេះ​បើ​យោង​តាមឯកឧត្តម ស៊ុន ចាន់ថុល រដ្ឋមន្ត្រី​ក្រសួង​សាធារណការ និង​ដឹកជញ្ជូន​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២៤ ខែកុម្ភៈ ឆ្នាំ ២០២០


កម្ពុជាបានចាប់ផ្តើមអនុវត្តកិច្ចព្រមព្រៀងពន្ធត្រួតគ្នាជាមួយហុងកុង

ភ្នំពេញ៖ រដ្ឋាភិបាល​បាន​ប្រកាស​ជា​ផ្លូវការ​ពី​ការអនុវត្ត​កិច្ចព្រមព្រៀង​ «​ចៀសវាង​ការយកពន្ធ​ត្រួតគ្នា​» (DTA) និង​ការបង្ការ​ការគេចពន្ធ​លើ​ប្រាក់ចំណូល​ជាមួយ​តំបន់​រដ្ឋបាល​ពិសេស​ទីក្រុង​ហុងកុង ជា​កិច្ចខិតខំ​ប្រឹងប្រែង​ដើម្បី​ទាក់ទាញ និង​ជួយ​សម្រួល​ការវិនិយោគ និង​ពាណិជ្ជកម្ម បន្ទាប់ពី​ភាគី​ទាំង​២ ​នេះ​សម្រេចបាន​កិច្ចព្រមព្រៀង​ចាប់តាំងពី​ឆ្នាំ​២០១៩​។ យោងតាម​ប្រកាស​បាន​ពី​ក្រសួង​សេដ្ឋកិច្ច​ និង​ហិរញ្ញវត្ថុ​ដែល​បាន​ចុះហត្ថលេខា​ដោយ​រដ្ឋមន្ដ្រីក្រសួង​សេដ្ឋកិច្ច និង​ហិរញ្ញវត្ថុ​កាលពី​ថ្ងៃទី​៧ ខែកុម្ភៈ និង​ចេញផ្សាយ​ជា​សាធារណៈ​កាលពី​ថ្ងៃ​ចន្ទ​បាន​ឲ្យ​ដឹងថា ប្រកាស​នេះ​មាន​បំណង​អនុវត្ត​កិច្ចព្រមព្រៀង​ជាមួយ​ទីក្រុង​ហុងកុង​ចាប់ពី​ថ្ងៃទី​១ ខែ​មករា ​ដែល​មានន័យថា អគ្គនាយកដ្ឋាន​ពន្ធដារ និង​សហគ្រាស​ជាប់​ពាក់ព័ន្ធ​ផ្សេងទៀត​ត្រូវតែ​គោរព​តាម​ចាប់ពី​ថ្ងៃ​ចុះហត្ថលេខា​នេះ​តទៅ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២១ ខែកុម្ភៈ ឆ្នាំ ២០២០


ការនាំចេញកៅស៊ូរបស់កម្ពុជានៅខែមករាបានកើនឡើង ១៧ភាគរយ

ភ្នំពេញ៖ កម្ពុជា​បាន​នាំចេញ​កៅស៊ូ​ចំនួន​ ២៧ ៤៤៥ ​តោន​ ដែល​មាន​តម្លៃ​ ៤០ ​លាន​ដុល្លារ ​នៅ​ខែ​មករា ឆ្នាំ​២០២០ កើនឡើង ១៧ ​ភាគរយ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន​។ លោក ឃួន ផល្លា ប្រធាន​រដ្ឋបាល និង​នីតិកម្ម​នៃ​អគ្គនាយកដ្ឋាន​កៅស៊ូ​បាន​ឱ្យដឹងពី​ម្សិលមិញ​ថា កំណើន​នៃ​ការនាំចេញ​នេះ​ដោយសារ​តម្រូវការ​កៅស៊ូ​សកល​កើនឡើង​។ ការកើនឡើង​នៃ​ចំនួន​ដើម​កៅស៊ូ​ចៀរជ័រ​ក៏បាន​ជំរុញ​ឲ្យ​បរិមាណ​នាំចេញ​កើនឡើង​ផងដែរ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២១ ខែកុម្ភៈ ឆ្នាំ ២០២០


ទីផ្សារមូលបត្រកម្ពុជា បង្ហាញពីការវិវឌ្ឍគួរឱ្យកត់សម្គាល់

ភ្នំពេញ៖ ផ្សារមូលធន​របស់​ប្រទេស​កម្ពុជា​ បាន​បង្ហាញ​ការរីកចម្រើន​ដ៏ល្អ​ចាប់​តាំងពី​ផ្សារ​នេះ​ត្រូវ​បាន​ប្រតិបត្តិការ​កាលពី​ឆ្នាំ​២០១២ ដោយ​បាន​ទាក់ទាញ​ក្រុមហ៊ុន​ ៨ ​ឲ្យ​ចុះបញ្ជី ដែល​មាន​មូលធន​សរុប​ ១៥១លាន​ដុល្លារ​ កាលពី​ចុងឆ្នាំ​២០១៩​។ របាយការណ៍​បាន​ពី​ផ្សារមូលបត្រ​កម្ពុជា​ដែល​ចេញផ្សាយ​កាលពី​ថ្ងៃ​ពុធ​បាន​ឲ្យ​ដឹងថា ក្រុមហ៊ុន​ ៨ ​នេះ​មាន​ក្រុមហ៊ុន​ ៥ ​បោះផ្សាយ​លក់​ភាគហ៊ុន និង​ក្រុមហ៊ុន​ ៣ ​ចេញ​ប័ណ្ណបំណុល​។ របាយការណ៍​បាន​បង្ហាញ​ថា​កាលពី​ឆ្នាំ​២០១៩ មាន​ក្រុម​វិនិយោគិន ២២ ៤៤៦ ដែល​ ៨៣​ភាគរយ​ក្នុង​ចំណោម​នេះ​គឺជា​វិនិយោគិន​ក្នុង​ស្រុក និង​ ១៧ភាគរយ ​ជា​ជនបរទេស ខណៈ​តម្លៃ​ជួញដូរ​ប្រចាំ​ថ្ងៃ​ជា​មធ្យម​កាលពី​ឆ្នាំ​២០១៩ មាន​ចំនួន​ ១៥៧ ០៤៥ ​ដុល្លារ​កើនឡើង ៤,៩​ដង ​ធៀប​នឹង​ឆ្នាំ​២០១៨​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២១ ខែកុម្ភៈ ឆ្នាំ ២០២០


របាយការណ៍៖ រោងចក្របង្កើតថ្មីបានកើនឡើងចំនួនជាង ២០០រោងចក្រ កាលពីឆ្នាំ២០១៩

ភ្នំពេញ៖ របាយការណ៍​របស់​ក្រសួង​ឧស្សាហកម្ម និង​សិប្បកម្ម​បាន​បង្ហាញថា នៅក្នុង​ឆ្នាំ២០១៩ មាន​រោងចក្រ​ផលិតកម្ម​បង្កើត​ថ្មី​ចំនួន ២៦៩ នៅក្នុង​វិស័យ​ផ្សេងៗ​ ដោយ​កើនឡើង​ ៥១​ភាគរយ​ ធៀប​នឹង​ឆ្នាំ​២០១៨​។ គិត​ត្រឹម​ចុង​ឆ្នាំ​២០១៩ ប្រទេស​កម្ពុជា​មាន​រោងចក្រ​សរុប​ចំនួន ១ ៧៣០ ក្នុង​នោះ​រោងចក្រ​កាត់ដេរ វាយនភណ្ឌ ស្បែកជើង សម្ភារ​ធ្វើ​ដំណើរ​មាន​ចំនួន ១ ០៦៩ រោងចក្រ​កែច្នៃ និង​ផលិតអាហារ ភេសជ្ជៈ និង​ថ្នាំជក់ ១៥៧ រោងចក្រ​ក្រដាស ៥៩ រោងចក្រ​កៃ​ច្នៃ​កៅស៊ូ និង​ប្លាស្ទិក ១៤៣ រោងចក្រ​កែច្នៃ​ផលិតផល​ឈើ ៥៤ និង​រោងចក្រ​ផលិតផល​លោហធាតុ​ចំនួន​ ១៩៥​។ ក្នុង​តួលេខ​នេះ​បង្ហាញថា នៅក្នុង​វិស័យ​រោងចក្រ​ផលិត​ទាំងនោះ​បាន​ផ្តល់​ការងារ​ចំនួន​ជាង ១​លាន​នាក់​ កើនឡើង ៧ភាគរយ​ ក្នុង​ចំណោម​នោះ ផលិតកម្ម​កាត់ដេរ ស្បែកជើង និង​សម្ភារ​ធ្វើដំណើរ មាន ៩២៣ ៣១៣ នាក់ បាន​កើនឡើង ៥ភាគរយ ខណៈ​វិស័យ​ផ្សេងទៀត​ស្រូប​យក ១១៧ ៨៦១នាក់​ កើនឡើង​ ២០​ភាគរយ​ ធៀប​នឹង​ឆ្នាំ​២០១៨​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៨ ខែកុម្ភៈ ឆ្នាំ ២០២០


  • កម្ពុជានៅខ្វះខាតធនធានមនុស្សលើវិស័យជាងសំណង់ទោះបីមានការបណ្តុះបណ្តាលច្រើនហើយក្តី
  • រដ្ឋាភិបាលនឹងឧបត្ថម្ភធន $៥០លានបញ្ចុះតម្លៃអគ្គិសនី
  • RENAISANCE នឹងចាប់ផ្តើមទាញយករ៉ែមាសដំបូងនៅកម្ពុជាឆ្នាំ២០២១
  • TC សហការនឹង CFOCN លើបណ្តាញទូរគមនាគមន៍
  • ប្រទេសកម្ពុជាឡាវប្តេជ្ញាធ្វើការរួមគ្នា ដើម្បីបង្កើនទំហំពាណិជ្ជកម្ម និងវិនិយោគ
  • ការវិនិយោគលើវិស័យថាមពលកម្ពុជាមានជាង $៦ពាន់លាន អំឡុង១៣ឆ្នាំចុងក្រោយ
  • CDC អនុម័តគម្រោងរោងចក្រកាត់ដេរ ៥បន្ថែម
  • ទំហំពាណិជ្ជកម្មកម្ពុជាថៃកើនឡើងដល់ជាង ៩,៤ពាន់លានដុល្លារ ខណៈវិនិយោគទុនថៃនៅកម្ពុជាមានជិត ១ពាន់លាន
  • ការនាំចេញអង្ករក្នុងខែមករា បានធ្លាក់ចុះជាង ១៥ភាគរយ
  • រដ្ឋាភិបាលអនុម័តគម្រោងអគ្គិសនីក្នុងតម្លៃជិត ១,៧ពាន់លានដុល្លារ