ព័ត៌មានសេដ្ឋកិច្ច ក្នុងនិងក្រៅប្រទេស

home latest
ទុនវិនិយោគក្នុងវិស័យសំណង់ត្រីមាសទី១ឆ្នាំ២០១៩ មានប្រមាណជាង៤០ម៉ឺនដុល្លារ

ភ្នំពេញ៖ លោក ស បំណង អនុប្រធានមន្ទីរៀបចំដែនដី នគរូបនីយកម្មសំណង់ និងសុរិយោដីរាជធានីបានឱ្យដឹងថា ក្នុងរយៈពេលត្រីមាសទី១ នៃឆ្នាំ២០១៩នេះ ការស្នើសុំអនុញ្ញាតសាងសង់អគារនៅមន្ទីរៀបចំដែនដីនគរូបនីយកម្ម សំណង់និងសុរិយោដីរាជធានីភ្នំពេញមានជាង៣០០គម្រោង គិតជាទុនវិនិយោគមានប្រមាណជាង ៤០ ម៉ឺនដុល្លារ។ លោកបន្តថា ក្នុងរយៈពេលត្រីមាសទី១ឆ្នាំនេះ បើប្រៀបធៀបនិងឆ្នាំ២០១៨ កន្លងទៅមានលក្ខណៈប្រហាក់ប្រហែលគ្នាផងដែរ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃសោរ៍-អាទិត្យ ទី៦-៧ ខែមេសា ឆ្នាំ ២០១៩


មុខរបរលក់ត្រីងៀត ផ្តល់ប្រាក់ចំណូលសមរម្យ ជួយអោយមានជីវភាពធូរធារ

ខេត្តព្រៃវែង៖ ស្តី្រឈ្មោះ អាថាវ ជាអាជីវករម្នាក់នៅក្នុងផ្សារអ្នកលឿង បានឱ្យដឹងថា គាត់បានប្រកបមុខរបរលក់ត្រីងៀតជាង ២០ឆ្នាំមកហើយ ដោយមុខរបរនេះទទួលបានប្រាក់   កំរ៉ៃសមរម្យ និងជួយឱ្យជីវភាពគ្រួសារគាត់ធូរធារជាច្រើន មិនពិបាកខ្វះមុខខ្វះក្រោយនោះទេ។ គាត់បានបន្ថែមថា ក្នុងមួយថ្ងៃៗគាត់ប្រឡាក់លក់ប្រមាណជា៥០គីឡូឯណោះ ហើយសម្រាប់ងៀត​ត្រីរ៉ស់ចិញ្ចឹម គាត់លក់បានតម្លៃ២៥០០០រៀលក្នុង១គីឡូ និងចំណែកឯងៀតត្រីរ៉ស់ស្រែលក់បានក្នុងតម្លៃ៣០០០០រៀលក្នុង១គីឡូ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី០៨ ខែមេសា ឆ្នាំ ២០១៩


កម្ពុជាស្នើធនាគារចិនគាំទ្រការទូទាត់រូបិយប័ណ្ណខ្មែរតាមប្រព័ន្ធអេឡិចត្រូនិច ក្នុងវិស័យពាណិជ្ជកម្ម

ភ្នំពេញ៖ នៅក្នុងជំនួបរវាងថ្នាក់ដឹកនាំក្រសួងពាណិជ្ជកម្ម និងនាយករងប្រតិបត្តិនៃធនាគារចិន ប្រចាំទីក្រុងហុងកុង កាលពីព្រឹកថ្ងៃទី០២ ខែមេសា ឆ្នាំ២០១៩ ឯកឧត្តម ប៉ាន​ សូរស័ក្តិ រដ្ឋមន្រ្តីក្រសួងពាណិជ្ចកម្ម បានជម្រុញឱ្យតំណាងធនាគារចិនទទួលយកការ​ទូទាត់ប្រាក់រៀលឱ្យបានកាន់តែទូលាយសម្រាប់សកម្មភាពធុរកិច្ច និងវិនិយោគទ្វេរភាគី ជាពិសេស ការដោះដូរពាណិជ្ជកម្មតាមប្រព័ន្ធអេឡិចត្រូនិច ឬហៅថា E-Commerce ដោយប្រើប្រាស់បច្ចេកវិទ្យា​ E-Payment និង QR Code ដូចគ្នាជាមួយនឹងកម្មវិធីទូរសព្ទដៃរ Wechat ឬ Alipay របស់ចិនជាដើម។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃព្រហស្បតិ៍ ទី០៤ ខែមេសា ឆ្នាំ ២០១៩


ពិព័រណ៍លំនៅឋាននឹងជួយទាក់ទាញការវិនិយោគនៅកម្ពុជា

ភ្នំពេញ៖ ក្រុមហ៊ុនអភិវឌ្ឍន៍អចលនទ្រព្យក្នុងស្រុក និងអន្តរជាតិប្រមាណ ១០០ ក្រុមហ៊ុននឹងចូលរួមនៅក្នុង «ពិព័រណ៍លំនៅឋានកម្ពុជាឆ្នាំ២០១៩»  (Home & Lifestyle Expo 2019) ដែលនឹងរៀបចំនៅកោះពេជ្រនៅថ្ងៃទី២៦-២៧ ខែមេសា ខាងមុខ។ អ្នកជំនាញអះអាងថា កម្មវិធីនេះនឹងអាចជួយទាក់ទាញអ្នកវិនិយោគបរទេសឱ្យចូលមកវិនិយោគលើចវិស័យអចលទ្រព្យ និងសំណង់នៅកម្ពុជាកាន់តែច្រើន។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី០៤ ខែមេសា ឆ្នាំ ២០១៩


ផលិតកម្មធនធានរ៉ែកម្ពុជានឹងចាប់ផ្តើមពីចុងឆ្នាំនេះ

ភ្នំពេញ៖ មន្ត្រីជំនាញក្រសួងរ៉ែ និងថាមពលលើកឡើងថា បន្ទាប់ពីចំណាយពេលរុករកអស់ជាច្រើនឆ្នាំ ក្រុមហ៊ុនរ៉ែមាស២ គឺក្រុមហ៊ុន Mesco Gold (Cambodia) របស់ប្រទេសឥណ្ឌា និងក្រុមហ៊ុនរ៉ែ Renaissance Minerals (Cambodia) Limited មានមូលដ្ឋាននៅប្រទេសអូស្រ្តាលី បានឈានកាន់តែជិតដល់ដំណាក់កាលចម្រាញ់មាសនៅកម្ពុជា។ ក្រុមហ៊ុនកំពុងដំឡើងរោងចក្រកែច្នៃរ៉ែមាស ដែលអាចឈានដល់ការចម្រាញ់រ៉ែមាសចុងឆ្នាំ២០១៩ និងឆ្នាំ២០២០ ជាបន្តបន្ទាប់។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៣ ខែមេសា ឆ្នាំ ២០១៩


  • អាកាសចរណ៍ AIR ASIA ពង្រីកប្រតិបត្តិការនៅបណ្តាប្រទេស CLMV
  • តម្លៃដី និងអចលនទ្រព្យនៅទីប្រជុំជនក្រុងតាខ្មៅកើនឡើងប្រមាណ៣០-៥០ ភាគរយ ខណៈប្លង់គោលក្រុងតាខ្មៅបានបញ្ចប់
  • វិនិយោគគិនចិនចាប់អារម្មណ៍វិស័យទេសចរណ៍ និងឧស្សាហកម្មខេត្តព្រះសីហនុ គ្រោងបង្កើតការហោះហើរត្រង់បន្ថែមទៀត
  • រោងចក្រផលិតទឹកស្អាតតម្លៃប្រមាណ៣០លានដុល្លារ ដាក់សម្ពោធនៅព្រឹកនេះ ខណៈការសិក្សាផែនការអភិវឌ្ឍន៍បណ្តាញលូប្រមូលទឹកកខ្វល់ក្រុសៀមរាបត្រូវបានបញ្ចប់
  • ការប្រើប្រាស់សេវាស្ថាបត្យកម្មមានការកើនឡើង
  • ពន្ធដារពិន័យយានយន្តមិនបង់ពន្ធផ្លូវបានជាង$១លាន
  • CDC អនុម័តគម្រោងវិនិយោគ៣ដែលមានតម្លៃសរុបជាង $២៣លាន
  • សេដ្ឋកិច្ចឌីជីថលជាកត្តាជំរុញថ្មីមួយសម្រាប់កម្ពុជា
  • ប្រទេសចិនឯកភាពជួយរៀបចំផែនការអភិវឌ្ឍប្រព័ន្ធរថភ្លើងទំនើបនៅកម្ពុជា ដើម្បីកាត់បន្ថយការកកស្ទះចរាចរណ៍
  • កម្ពុជាគ្រោងនឹងសាងសងផ្លូវល្បឿនលឿនយ៉ាងតិច ៧ ដើម្បីពង្រឹងវិស័យភស្តុភា និងដឹជញ្ជូន