ព័ត៌មានសេដ្ឋកិច្ច ក្នុងនិងក្រៅប្រទេស

home latest
វិនិយោគិនក្នុងស្រុកបោះទុនជាង $១៦០ លាន លើរោងចក្រស្រាបៀរ

ភ្នំពេញ៖ ក្រុមប្រឹក្សា​អភិវឌ្ឍន៍​កម្ពុជា​កាលពី​សប្តាហ៍​មុន​បាន​សម្រេច​អនុម័ត​លើ​គម្រោង​សាងសង់​រោងចក្រ​ផលិត​ស្រាបៀរ និង​ភេសជ្ជៈ​មួយ​ដែល​ស្ថិតនៅ​ក្នុងស្រុក​អង្គស្នួល ខេត្ត​កណ្តាល​។ គម្រោង​ដែលមាន​ទុនវិនិយោគ​ ១៦០,៦លាន​ដុល្លារ និង​អាចបង្កើត​ការងារ​បាន ១ ៥៤៥ កន្លែង​នេះ​ គឺជា​ការវិនិយោគ​របស់​ក្រុមហ៊ុន Hanuman Beverages Co., Ltd​។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី៧ ខែមេសា ឆ្នាំ២០២០


ធនាគារសហគ្រាសធុនតូច និងមធ្យមចាប់បើកដំណើរការ

ភ្នំពេញ៖ ធនាគារ​សហគ្រាស​ធុនតូច និង​មធ្យម​កម្ពុជា (​..) ដែលជា​ធនាគារ​គ្រប់គ្រង​ដោយ​រដ្ឋ​មាន​ដើមទុន​ដំបូង​ ១០០ ​លាន​ដុល្លារ​ បានដាក់​ឲ្យ​ដំណើរការ​ជា​ផ្លូវការ​ហើយ​កាលពី​ថ្ងៃ​សុក្រ ​ក្នុង​គោលបំណង​ដើម្បី​ផ្តល់នូវ​មូលនិធិ​សម្រាប់​ជួយ​ពង្រឹង​ដល់​ចង្វាក់​ផលិតកម្ម និង​ភាពប្រកួតប្រជែង​របស់​អ្នក​នៅក្នុង​វិស័យនេះ​ឲ្យ​កាន់តែ​មាន​ភាពរឹងមាំ​ជាង​ពេលមុន​។ គម្រោង​សហ​ហិរញ្ញប្បទាន​ទ្រទ្រង់​សហគ្រាស​ធុន​តូច និង​មធ្យម​នេះ​បង្កើតឡើង​ក្នុង​គោលបំណង​ផ្តល់​ឥណទាន​មានការ​ប្រាក់ទាប ដើម្បី​ជំរុញ​ការអភិវឌ្ឍ​សហគ្រាស​ធុន​តូច និង​មធ្យម​ក្នុង​វិស័យ​អាទិភាព រួមមាន​ផ្នែក​កម្មន្តសាល និង​សិប្បកម្ម​។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៦ ខែមេសា ឆ្នាំ២០២០


កម្ពុជានាំចេញជ័រកៅស៊ូធ្លាក់ជិត ៥០ភាគរយ ក្នុងខែកុម្ភៈ

ភ្នំពេញ៖ រដ្ឋាភិបាល​បាន​ធ្វើការ​កែសម្រួល​តម្លៃ​សេវា​សាធារណៈ​ចំនួន​ ៣ ​ប្រភេទ ដើម្បី​ជំរុញ​ការចុះបញ្ជី​ពាណិជ្ជកម្ម និង​ជំរុញ​ការវិនិយោគ​ទាំង​ក្នុងស្រុក និង​ក្រៅ​ស្រុក​ផងដែរ​។ បើ​យោងតាម​ប្រកាស​របស់​អន្តរក្រសួង​គឺ​ក្រសួង​សេដ្ឋកិច្ច និង​ហិរញ្ញវត្ថុ និង​ក្រសួង​ពាណិជ្ជកម្ម​បាន​ឲ្យ​ដឹងថា រដ្ឋាភិបាល​សម្រេច​កែសម្រួល​តម្លៃ​សេវាសាធារណៈ​លើ​ប្រភេទ​សេវា​ចំនួន​ ៣ គឺ​ការស្នើសុំ​ចុះឈ្មោះ​នៅក្នុង​បញ្ជីពាណិជ្ជកម្ម​របស់​ក្រុមហ៊ុន​ពាណិជ្ជកម្ម ​ដែល​តម្លៃ​សេវា​ថ្មី ១ ០១០ ០០០ រៀល ខណៈ​កាលពីមុន​មានតម្លៃ ១ ៦៨០ ០០០ រៀល​។ រីឯ​សហគ្រាស​ឯកត្តបុគ្គល ឬ​ពាណិជ្ជករ​ត្រូវបាន​ចុះបញ្ជី​ក្នុង​តម្លៃ​ត្រឹម​ ១៨០ ០០០ ​រៀល ​ចុះ​តម្លៃ​ពី​ ៣០០ ០០០ ​រៀល និង​ការពិនិត្យ​នាមករណ៍​ក្រុមហ៊ុន សហគ្រាស​មាន​តម្លៃ ២៥ ០០០ រៀល​ចុះ​ពី ៤០ ០០០ ​រៀល​។ ប្រកាស​នេះ​ឲ្យ​ដឹងថា សេចក្តី​សម្រេច​នេះ​ចាប់​អនុវត្ត​ចាប់ពី​ថ្ងៃទី​ ១ ខែមេសា តទៅ​។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៦ ខែមេសា ឆ្នាំ២០២០


៣ ខែដើមឆ្នាំនេះ កម្ពុជានាំចេញកសិផលបានជិត ៣លានតោន

ភ្នំពេញ៖ បី​ខែ​ដំបូង​នៃ​ឆ្នាំ​២០២០ កម្ពុជា នាំចេញ​ផលិតផល​កសិកម្ម​ទាំង​ផ្លូវការ និង​ក្រៅ​ផ្លូវការ បាន ២,៩៣៦,៩៩២​តោន​។ ចំនួន​នេះ កើនឡើង​ប្រមាណ ២០​ភាគរយ បើ​ធៀប​នឹង​រយៈពេល​ដូចគ្នា​កាល​ឆ្នាំ​២០១៩​។ នេះ​បើ​យោងតាម​លទ្ធផល​នៃ​ការនាំចេញ​កសិផល​កម្ពុ​ជា ក្នុង​រយៈពេល​៣​ខែ ដើមឆ្នាំ​២០២០ របស់​ក្រសួងកសិកម្ម រុក្ខាប្រមាញ់ និង​នេសាទ​។

ប្រភពៈ ព័ត៌មានរបស់គេហទំព័រថ្មីៗចេញផ្សាយថ្ងៃអាទិត្យ ទី៥ ខែមេសា ឆ្នាំ២០២០


កម្ពុជានាំចេញជ័រកៅស៊ូធ្លាក់ជិត ៥០ភាគរយ ក្នុងខែកុម្ភៈ

ភ្នំពេញ៖ កម្ពុជា​នាំចេញ​ជ័រកៅស៊ូ បាន​ជិត​១៣,៨៦៣​តោន ក្នុង​ខែកុម្ភៈ​។ ចំនួន​នាំចេញ​នេះ គឺ​ធា្ល​ក់​ជិត​៥០​ភាគរយ បើ​ធៀប​នឹង​ការនាំចេញ​ជ័រកៅស៊ូ ប្រចាំ​ខែមករា ​ឆ្នាំ​២០២០ ដែលមាន​ចំនួន​ជាង​២,៧​ម៉ឺន​តោន​។ នេះ​បើតាម​ការចុះផ្សាយ​ក្រសួងកសិកម្ម​រុក្ខាប្រមាញ់ និង​នេសាទ នៅ​ថ្ងៃទី​៣១​មីនា​។ 

ប្រភពៈ ព័ត៌មានរបស់គេហទំព័រថ្មីៗចេញផ្សាយថ្ងៃសៅរ៍ ទី៤ ខែមេសា ឆ្នាំ២០២០


  • ព្រឹទ្ធសភាអនុម័តគម្រោងអគ្គិសនីតម្លៃជាង $១,៧ពាន់លាន
  • រដ្ឋាភិបាលអនុម័តលើគម្រោងវិនិយោគចំនួន ៧ ដែលមានទឹកប្រាក់ជិត ២០០លានដុល្លារអាមេរិក
  • រដ្ឋាភិបាលដាក់ចេញចំណាត់ការបន្ថែមជួយស្រោចស្រង់សេដ្ឋកិច្ចដែលរងផលប៉ះពាល់ ដោយសារជំងឺកូវីដ ១៩
  • រុស្ស៊ីគាំទ្រកម្ពុជាលើកិច្ចព្រមព្រៀងពាណិជ្ជកម្មសេរី
  • កម្ពុជាផ្អាកការនាំចេញអង្ករស និងស្រូវ ដើម្បីពង្រឹងស្តុកក្នុងស្រុក
  • រដ្ឋាភិបាលនឹងបញ្ចេញប្រាក់កម្ចីចន្លោះពី ៥០០ ទៅ ៦០០លានដុល្លារ
  • SBI LYHOUR BANK ទទួលអាជ្ញាប័ណ្ណធនាគារពាណិជ្ជពី NBC
  • ពាណិជ្ជកម្មទ្វេភាគីកម្ពុជា និងឥណ្ឌូនេស៊ី កើនដល់ $៧៩២ លាន
  • ជើងហោះហើរទៅមកកម្ពុជា បានធ្លាក់ចុះជាង ៤០ភាគរយ
  • ធនាគារអភិវឌ្ឍន៍ជនបទ ចុះអនុស្សរណៈយោគយល់គ្នាជាមួយ CFMA