ព័ត៌មានសេដ្ឋកិច្ច ក្នុងនិងក្រៅប្រទេស
home latest
ទេសចរជាតិ និងអន្តរជាតិចូលរួមកំសាន្តក្នុងព្រឹត្តិការណ៍សង្រ្កាន្ត និងតាមរមណីដ្ឋានទេសចរណ៍នានាប្រមាណជាង៤លាននាក់
ភ្នំពេញ៖ យោងតាមរបាយការណ៍បឋមរបស់មន្ទីរទេសចរណ៍រាជធានី-ខេត្ត ការវាយតម្លៃជំហានដំបូង ភ្ញៀវទេសចរ និងបងប្អូនប្រជាពលរដ្ឋដែលបានដើរកម្សាន្តនៅតាមគោលដៅទេសចរណ៍សំខាន់ៗ នាឱកាសពិធីបុណ្យចូលឆ្នាំប្រពៃណីជាតិខ្មែរ ១៤-១៦ ខែមេសា ឆ្នាំ២០១៩ មានចំនួនសរុប ៤.៧២៦.៦០២ នាក់ កើនឡើង ៦៧.០២% ក្នុងនោះ ភ្ញៀវជាតិមានចំនួន ៤.៦៣៩.៣៤១ នាក់ កើនឡើង ៦៦.៤០% និងភ្ញៀវអន្តរជាតិមានចំនួន ៨៣.១២៣ នាក់ កើនឡើង ៩៨.២៧%។
ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី២២ ខែមេសា ឆ្នាំ ២០១៩
ធនាគារ SME អាចនឹងដំណើរការតាមការគ្រោងទុកនៅឆ្នាំនេះ
ភ្នំពេញ៖ ធនាគារសហគ្រាសធុនតូច និងមធ្យមកម្ពុជា (SME Bank) ដែលគ្រប់គ្រងដោយរដ្ឋអាចនឹងដំណើរការនៅចុងឆ្នាំនេះ តែមិនទាន់ជូនដំណឹងពីកាលបរិច្ឆេតដំណើរការនោះទេ។ ដើម្បីដំណើរការ SME Bank នេះ រដ្ឋាភិបាលមានកញ្ចប់ទឹកប្រាក់ដំបូងចំនួន ១០០ លានដុល្លារដែលជាប្រាក់សន្សំរបស់រាជរដ្ឋាភិបាល។ ក្រសួងសេដ្ឋកិច្ច និងហិរញ្ញវត្ថុកំពុងប្រកាសស្វែងរកបេក្ខជនដើម្បីបំពេញមុខដំណែងជាថ្នាក់ដឹកនាំជាន់ខ្ពស់មួយចំនួន និងអាចដាក់ពាក្យបានរហូតដល់ថ្ងៃទី៣០ ខែមេសា ឆ្នាំ២០១៩។
ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃចន្ទ ទី២២ ខែមេសា ឆ្នាំ ២០១៩
CDC អនុម័តគម្រោងវិនិយោគរោងចក្រកៅស៊ូ
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) ប្រកាសថាខ្លួនបានអនុម័តរោងចក្រកែច្នៃកៅស៊ូរបស់ក្រុមហ៊ុន TTHS Ruuber Co.,Ltd ជាមួយនឹងថវិកាវិនិយោគសរុបចំនួន ២,៨ លានដុល្លារ ដែលមានទីតាំងនៅស្រុកក្រែក ខេត្តត្បូងឃ្មុំ ជាទីតាំងចម្ការកៅស៊ូ និងរោងចក្រកែច្នៃជ័រកៅស៊ូដ៏ធំរបស់កម្ពុជា។
ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃសុក្រ ទី១២ ខែមេសា ឆ្នាំ ២០១៩
ខណ្ឌសែនសុខបានក្លាយជាទីតំាងមានបុរីលំនៅឋានច្រើនជាងគេ
ភ្នំពេញ៖ ខណ្ឌសែនសុខ បានក្លាយទៅជាទីតំាងដែលមានបុរីលំនៅឋានច្រើនជាងគេនៅក្នុងរាជធានីភ្នំពេញក្នុងចំណោមគម្រោងអភិវឌ្ឍន៍បុរីទាំង១៧៨ គម្រោង ដែលបានបញ្ចប់ការសាងសង់។ តាមរបាយការណ៍ស្រាវជ្រាវរបស់ក្រុមហ៊ុន CBRE Cambodia បានបង្ហាញថា គិតត្រឹមត្រីមាសទី១ ឆ្នាំ២០១៩ ខណ្ឌសែនសុខមានគម្រោងលំនៅឋានច្រើនជាងគេគឺចំនួន៤៥ គម្រោង តាមពីក្រោយដោយខណ្ឌឬស្សីកែវ ៣១ ខណ្ឌមានជ័យ ២៤ ច្បារអំពៅ ២៣ ដង្កោ ១៨ និងខណ្ឌពោធិ៍សែនជ័យមាន ១៧ គម្រោង។ ចំណែកឯខណ្ឌផ្សេងៗទៀតមានគម្រោងអភិវឌ្ឍន៍បុរីលំនៅឋានក្រោម ១០ ប៉ុណ្ណោះ។
ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី១១ ខែមេសា ឆ្នាំ ២០១៩
ធនាគារជាតិនឹងដាក់ដំណើរការបច្ចេកវិទ្យា BLOCKCHAIN នៅត្រីមាសទី២
ភ្នំពេញ៖ របាយការណ៍របស់ WEF អំពី «របៀបដែលធនាគារកណ្តាលស្វែងរក Blockchain នៅថ្ងៃនេះ» ដែលចេញផ្សាយកាលពីខែមីនាបានបង្ហាញថា ធនាគារកណ្តាលកម្ពុជានឹងចាប់ផ្តើមអនុវត្តបច្ចេកវិទ្យា Blockchain នេះនៅឆមាសទី២ ឆ្នាំ២០១៩ ជាបទពិសោធន៍មួយដើម្បីគាំទ្រទាំងលទ្ធភាពទទួលបានហិរញ្ញវត្ថុគ្រប់គ្នា និងប្រសិទ្ធភាពប្រព័ន្ធធនាគារកាន់តែខ្លាំង។
ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី១០ ខែមេសា ឆ្នាំ ២០១៩