ព័ត៌មានសេដ្ឋកិច្ច ក្នុងនិងក្រៅប្រទេស

home latest
IRRI នៅតែបន្តគាំទ្រពង្រឹងខ្សែចង្វាក់ដំណាំស្រូវនៅកម្ពុជា

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ (MAFF) បានចុះកិច្ចព្រមព្រៀងផែនការសហការការងារឆ្នាំ២០២០-២០២៣ ជាមួយវិទ្យាស្ថានស្រាវជ្រាវស្រូវ អង្ករជាតិ (IRRI) ក្នុងគោលបំណងលើកកម្ពស់ការធ្វើពាណិជ្ជកម្មរបស់វិស័យស្រូវ អង្ករ តាមរយៈការវាយតម្លៃ និងពង្រឹងចង្វាក់តម្លៃ ដើម្បីលើកកម្ពស់ផលិតភាព និងភាពធន់ និងតាមរយៈការបង្កើតហ្ស៊ែន និងការប្រើប្រាស់ការកែលម្អដំណាំ កសិកម្ម និងការអភិវឌ្ឍប្រព័ន្ធគ្រាប់ពូជ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២១ ខែឧសភា ឆ្នាំ២០២០


ទឹកប្រាក់បានពីការនាំចេញកៅស៊ូកើនជាង ៦ភាគរយ

ភ្នំពេញ៖ របាយការណ៍ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា នៅក្នុងខែមេសា ឆ្នាំ២០២០ កម្ពុជានាំចេញកៅស៊ូទៅលក់នៅទីផ្សារអន្តរជាតិបានចំនួន ១៨ ៦០៤ តោន កើន ២១,៧៣ភាគរយ ធៀបនឹងខែមេសា ឆ្នាំ២០១៩ ដែលមានចំនួន ១៥ ២៨២តោន។ ចំណែកកៅស៊ូនាំចេញក្នុងខែមេសា​ ឆ្នាំ២០២០ មានតម្លៃជាមធ្យម ១ ១៩២ ដុល្លារ ក្នុង១តោន ធ្លាក់ចុះ ១២,៦៧ភាគរយ ធៀបនឹងខែមេសា ឆ្នាំ២០១៩ ដែលមានតម្លៃ ១ ៣៦៥ដុល្លារ។ នៅខែមេសា ឆ្នាំ២០២០ ​ទឹកប្រាក់ដែលកម្ពុជាទទួលបានពីការនាំចេញកៅស៊ូមានតម្លៃ ២២,១៧ភាគរយ ធៀបនឹងខែមេសា ឆ្នាំ២០១៩ ដែលមានតម្លៃ ១ ៣៦៥ ដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី២០ ខែឧសភា ឆ្នាំ២០២០


ការសាងសង់រោងចក្រអគ្គិសនីធ្យូងថ្ម សម្រេចបានជាង ៥០%

ភ្នំពេញ៖ ការសាងសង់រោងចក្រអគ្គិសនីដំណើរការដោយធ្យូងថ្មកម្លាំង ២៦៥ មេហ្គាវ៉ាត់ របស់ក្រុមហ៊ុន Han Seng Coal Mine Co Ltd (HSCMC) នៅស្រុកត្រពាំងប្រាសាទ ខេត្តឧត្តរមានជ័យ មកទល់ពេលនេះសម្រេចបានជាង ៥០ភាគរយហើយ ខណៈការសាងសង់អាចនឹងត្រូវបញ្ចប់ក្នុងឆ្នាំ២០២១។ នេះបើតាមអភិបាលខេត្តឧត្តរមានជ័យ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី២០ ខែឧសភា ឆ្នាំ២០២០


ផ្លូវល្បឿនលឿន (ភ្នំពេញ-ព្រះសីហនុ) នឹងបញ្ចបប់គម្រោងមុនកាលកំណត់

ភ្នំពេញ៖ មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបានឱ្យដឹងថា ផ្លូវល្បឿនលឿន (Expressway) ភ្នំពេញ-ព្រះសីហនុ ដែលជាតំបន់សក្តានុពលពាណិជ្ជកម្ម និងទេសចរណ៍ជាប់ឆ្នេរសមុទ្រនឹងអាចបញ្ចប់ការសាងសង់មុនកាលកំណត់ ហើយគ្រោងនឹងដាក់ដំណើរការនៅចុងឆ្នាំា២០២២ ខាងមុខ។ គម្រោងសាងសង់ផ្លូវល្បឿនលឿនពីភ្នំពេញឆ្ពោះទៅកាន់ក្រុងព្រះសីហនុ វិនិយោគដោយក្រុមហ៊ុនរបស់ចិន Cambodia PPSHV Expressway Co.,Ltd ក្នុងតម្លៃប្រមាណ ១,៩ពាន់លានដុល្លារ ត្រូវបានបើកការដ្ឋានសាងសង់ជាផ្លូវការនៅខែមីនា ឆ្នាំ២០១៩។ ផ្លូវដែលមានចម្ងាយសរុប ១៩០,៣គីឡូម៉ែត្រ និងទទឹងផ្លូវ ២៤,៥ម៉ែត្រ (២គន្លងទៅ និង ២គន្លងមក) នេះនឹងមានសួនច្បារនៅកណ្តាលទ្រូងផ្លូវ ព្រមទាំងមានរបាំងអមសងខាងផ្លូវដើម្បីការពារសត្វពាហនៈ ឬមនុស្សឆ្លងកាត់ ព្រមទាំងមានកន្លែងឈប់សម្រាក និងមិនបង្កការកកស្ទះចរាចរណ៍ឡើយ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២១ ខែឧសភា ឆ្នាំ២០២០


ការរៀបចំឥណទានឡើងវិញមានទឹកប្រាក់ជិត $៥០០លាន

ភ្នំពេញ៖ លោក កាំង តុងងី ប្រធាននាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជា (CMA) បានប្រាប់ឱ្យដឹងថា គិតត្រឹមថ្ងៃទី១០ ខែឧសភា មានអតិថិជន ១៣៧ ១៥៨នាក់ បានធ្វើការស្នើសុំរៀបចំឥណទានឡើងវិញ។ ក្នុងនោះអតិថិជន ១១៨ ១៨២នាក់ ស្មើនឹង ៩០ភាគរយ ត្រូវបានគ្រឹះស្ថានមីក្រូហិរញ្ញវត្ថុសម្រេចធ្វើការរៀបចំឥណទានឡើងវិញ ដែលមានទំហំឥណទានជាង ៤៨៨លានដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១៥ ខែឧសភា ឆ្នាំ២០២០


  • រដ្ឋាភិបាលឱ្យក្រុមហ៊ុនឯកជននាំចេញមុខទំនិញការពារជំងឺឆ្លងគ្រប់ប្រភេទ
  • កម្ពុជារកចំណូលពន្ធបានជាង ១,៤ពាន់លានដុល្លារក្នុងត្រីមាសទី១
  • ទំហំពាណិជ្ជកម្មទ្វេភាគីកម្ពុជា-ជប៉ុន មានកំណើនជិត ៥ភាគរយ
  • ព្រលានយន្តហោះសៀមរាប នឹងបញ្ចប់ការសាងសង់តាមផែនការ
  • CP GROUP នឹងយក 7-ELEVEN មកទីផ្សារកម្ពុជានៅឆ្នាំ២០២១
  • ការនាំចេញផលិតផលឧស្សាហកម្មមានតម្លៃដល់ជាង $៣,១៣ពាន់លាន
  • ចំនួនកុងតឺន័រឆ្លងកាត់កំពង់ផែក្រុងព្រះសីហនុ មានកំណើនជិត ៥%
  • ការនាំចូលជី និងថ្នាំកសិកម្មកើនជាង ៩ភាគរយ
  • វិស័យទេសចរណ៍រងឥទ្ធិពលខ្លាំងពីវីរុសកូវីដ១៩
  • ការនាំចេញផលដំឡូងមីមានកំណើនតិចតួចនៅក្នុងត្រីមាសទី១