ព័ត៌មានសេដ្ឋកិច្ច ក្នុងនិងក្រៅប្រទេស

home latest
ជម្លោះអ៊ីរ៉ង់-អាមេរិកជំរុញឱ្យតម្លៃប្រេងហក់ឡើង

ហុងកុង៖ តម្លៃប្រេងបានបន្តកើនឡើងកាលពីថ្ងៃចន្ទ ដោយសារតែភាពតានតឹងរវាង​អាមេរិក​និងអ៊ីរ៉ង់កាន់តែខ្លាំងឡើង ដែលជំរុញឱ្យមានផ្នែកផ្គត់ផ្គង់ ខណៈឈ្មួញភាគហ៊ុននៅអាស៊ីកំពុងសម្លឹងយ៉ាងប្រុងប្រយ័ត្ន លើកិច្ចប្រជុំដ៏ពិបាកមួយរវាងលោក ដូណាល់ត្រាំ និងលោក ស៊ី ជិនភីង នៅសប្តាហ៍នេះ។ កាលពីចុងសប្តាហ៍កន្លងផុតទៅ លោកដូណាល់ ត្រាំ បានឱ្យដឹងថា លោកនឹងដាក់ទណ្ឌកម្មថ្មីទៀតលើប្រទេសអ៊ីរ៉ង់ បន្ទាប់ពីហាមឃាត់បណ្តាប្រទេសជាច្រើនទិញប្រេង​របស់ប្រទេសនេះ។​

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី២៥ ខែមិថុនា ឆ្នាំ ២០១៩


មេដឹងនាំអាស៊ានប្តេជ្ញាជំរុញកិច្ចព្រមព្រៀង RCEP

ក្រុងបាងកក៖ កិច្ចព្រមព្រៀងភាពជាដៃគូសេដ្ឋកិច្ចដ៏ទូលំទូលាយក្នុងតំបន់ (RCEP) រួមមានប្រទេសអាស៊ានទាំង១០ បូកនឹងប្រទេសឥណ្ឌា ជប៉ុន កូរ៉េខាងត្បូង អូស្រ្តាលី និងនូវែល   សេឡង់។ កិច្ចព្រមព្រៀងនេះត្រូវបានគេមើលឃើញថា ជាយន្តការមួយសម្រាប់ប្រទេសចិនក្នុងការព្រាងច្បាប់ពាណិជ្ជកម្មអាស៊ីប៉ាស៊ីហ្វិក បន្ទាប់ពីការដក់ខ្លួនរបស់អាមេរិកពីតំបន់នេះ។ មេដឹងនាំអាស៊ានបានជួបគ្នានៅទីក្រុងបាងកកកាលពីថ្ងៃសៅរ៍ ដោយបានប្តេជ្ញាចិត្តក្នុងការជំរុញនូចកិច្ចព្រមព្រៀងពាណិជ្ជកម្មឈានមុខគេរបស់ពិភពលោក ​។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី២៤ ខែមិថុនា ឆ្នាំ ២០១៩


WB: គម្រោងផ្លូវ និងខ្សែក្រវាត់របស់ចិនត្រូវកែទម្រង់

វ៉ាស៊ីនតោន៖ ធនាគារពិភពលោកបានឱ្យដឹងកាលពីថ្ងៃពុធថា គំនិតផ្តួចផ្តើមខ្សែក្រវាត់ និងផ្លូវ (BRI) របស់ប្រទេសចិនអាចបង្កើនសេដ្ឋកិច្ច និងកាត់បន្ថយអត្រាភាពក្រីក្រ នៅក្នុង​​  បណ្តាប្រទេស​កំពុងអភិវឌ្ឍន៍ជាច្រើន ប៉ុន្តែផ្តល់នូវហានិភ័យនៃការខូចខាតបរិស្ថាន បំណុល និងអំពើពុករលួយបើការកែលម្អមិនត្រូវបានធ្វើឡើង។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី១៩ ខែមិថុនា ឆ្នាំ ២០១៩


ឧស្សាហកម្មទេសចរណ៍អាមេរិកបារម្ភពីការបាត់ភ្ញៀវទេសចរចិន

ក្រុងញូវយ៉ក៖ ឧស្សាហកម្មធ្វើដំណើរទេសចរណ៍របស់អាមេរិកកំពុងបារម្ភអំពីចក្ខុវិស័យ​នៃការបាត់បង់អាជីវកម្មកាន់តែច្រើនពីប្រទេសចិន ដោយសារតែភាពតានតឹងពាណិជ្ជកម្មទ្វេ​ ភាគីដែលពន្យាពេលកាន់តែយូរ។ ទិន្នន័យដែលចេញផ្សាយកាលពីខែមុនដោយការិយាល័យធ្វើដំណើរ និងទេសចរណ៍ជាតិរបស់អាមេរិកបានបង្ហាញថា ចំនួនភ្ញៀវទេសចរចិនដែលបាន​ធ្វើដំណើរទៅអាមេរិក បានធ្លាក់ចុះ៥,៧% មកនៅត្រឹម២,៩លាននាក់កាលពីឆ្នាំ២០១៨ ទោះបីជាចំនួនធ្វើដំណើរក្រៅប្រទេសនៃភ្ញៀវទេសចរចិនសរុបបានចុះបញ្ជីកំណើនគួរឱ្យ​កត់សម្គាល់ក្តី។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃចន្ទ ទី១៧ ខែមិថុនា ឆ្នាំ ២០១៩


មេដឹកនាំអឺរ៉ុប នឹងពិភាក្សាពីទិសដៅបញ្ចប់ការបញ្ចេញឧស្ម័នផ្ទះកញ្ចក់

ក្រុងប្រ៊ុចសែល៖ កិច្ចប្រជុំរបស់មេដឹកនាំសហភាពអឺរ៉ុបនៅថ្ងៃព្រហស្បតិ៍​និងថ្ងៃសុក្រ​សប្តាហ៍​នេះនៅទីក្រុងប្រ៊ុចសែល នឹងពិភាក្សាគ្នាអំពីទិសដៅ «អព្យាក្រឹតភាពអាកាសធាតុ» ឆ្នាំ២០៥០ ដែលអង្គការបរិស្ថាន WWF និយាយថា បច្ចុប្បន្នមានការគាំទ្រពីប្រទេស​ចំនួន១៦ ក្នុងចំណោមសមាជិក​២៨ របស់សហភាពអឺរ៉ុប។ សេចក្តីព្រាងរបៀបវិរៈយុទ្ធសាស្ត្រ​របស់សហភាពអឺរ៉ុបសម្រាប់រយៈពេល ៦ឆ្នាំខាងមុខ បានឱ្យដឹងថា «ខណៈដែលឥទ្ធិពល​នៃការប្រែប្រួលអាកាសធាតុបង្ហាញកាន់តែច្បាស់ និងកាន់តែរីករាលដាល ដែលចាំបាច់​ត្រូវ​ដោះស្រាយការគំរាមកំហែងនេះជាបន្ទាន់»។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី១៩ ខែមិថុនា ឆ្នាំ ២០១៩


  • FACEBOOK ប្រកាសរូបិយប៏ណ្ណឌីជីថលផ្ទាល់ខ្លួន
  • អាល្លឺម៉ង់រកបានជាង $៧ពានលានពី ៥G
  • AWC នឹងទិញសណ្ឋាគារចំនួន ១២ ក្នុងប្រទេសថៃ
  • ក្រុមហ៊ុនសម្លៀកបំពាក់ ZARA បង្ហាញពីកំណើនប្រាក់ចំណេញខ្ពស់
  • AMAZON ក្លាយជាក្រុមហ៊ុនយីហោថ្លៃជាងគេលើពិភពលោក
  • បុគ្គលិកបរទេសពេញចិត្តនឹងលក្ខខណ្ឌការងារនៅសិង្ហបុរី
  • សេដ្ឋកិច្ចជប៉ុនកើនឡើង ០,៦ភាគរយនៅត្រីមាសទី១
  • ប្រទេស G20 បារម្ភពីសេដ្ឋកិច្ចពិភពលោក
  • តម្រូវការហ្គាសពិភពលោកកំពុងតែកើនឡើងយ៉ាងគំហុក
  • តម្លៃប្រេងធ្លាក់ចុះ ព្រោះតែកង្វល់ផ្នែកពាណិជ្ជកម្ម