ព័ត៌មានសេដ្ឋកិច្ច ក្នុងនិងក្រៅប្រទេស

home latest
IMF: រដ្ឋាភិបាលកម្ពុជាបានត្រៀមខ្លួនរួចរាល់ក្នុងការទប់វិបត្តិ

ភ្នំពេញ៖ លោក Jarkko Turunen ប្រធានក្រុមមូលនិធិរូបិយវត្ថុអន្តរជាតិ (IMF) បានលើកឡើងកាលពីថ្ងៃសុក្រថា រដ្ឋាភបាលកម្ពុជាកំពុងសកម្មក្នុងការដោះស្រាយហានិភ័យចំពោះភាពមិនច្បាស់លាស់ ដែលបង្កឡើងដោយភាពតានតឹងពាណិជ្ជកម្ម និងលទ្ធភាពនៃការដក ប្រព័ន្ធអនុគ្រោះពន្ធពីអឺរ៉ុប (EBA) តាមរយៈផែនការកំណែទម្រង់រចនាសម្ព័ន្ធ ដើម្បីលើកកម្ពស់ការប្រកូតប្រជែង និងការធ្វើពិពិធកម្ម។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី១៤ ខែតុលា ឆ្នាំ ២០១៩


ក្រសួងកសិកម្មប្រកាសអនុវត្តគម្រោងពិពិធកម្មនៅក្នុងវិស័យកសិកម្ម​

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានប្រកាសពីអនុវត្តគម្រោងស្តីពីពិពិធកម្មវិស័យកសិកម្មនៅកម្ពុជា ក្រោមហិរញ្ញប្បទានរបស់ធនាគារពិភពលោក និងថវិកាបដិភាគរបស់រដ្ឋាភិបាលសរុបជាង​១០០លានដុល្លារ។ ការប្រកាសនេះធ្វើឡើងក្នុងសិក្ខាសាលាស្តីពីការចាប់ផ្តើមអនុវត្តគម្រោងពិពិធកម្មវិស័យកសិកម្មកម្ពុជាកាលពីថ្ងៃទី១០ ខែតុលា​ ឆ្នាំ២០១៩ នេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី១១ ខែតុលា ឆ្នាំ ២០១៩


កម្ពុជាបានអនុម័តគម្រោងវិនិយោគ $២២ ពាន់លានរយៈពេលជិត៤ឆ្នាំ

ភ្នំពេញ៖ ទិន្នន័យពីក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថា ចាប់ពីឆ្នាំ២០១៦ មកទល់ខែសីហា ឆ្នាំ២០១៩ CDC បានអនុម័តគម្រោងវិនិយោគសរុប៨៣១គម្រោង​ ដែលមានទុនវិនិយោគ​២២,៥៦ពាន់លានដុល្លារ​ នាំមុខដោយវិនិយោគិនក្នុងស្រុក និងមកពីប្រទេសចិន។ ដោយឡែកសម្រាប់រយៈពេល៨ខែ ឆ្នាំ២០១៩ នេះ CDC បានអនុម័តលើគម្រោងចំនួ ២២២ ដែលមានតម្លៃជាង៦ពាន់លានដុល្លារ កើនឡើងចំនួន ៨១គម្រោង ស្មើនឹងទុនវិនិយោគចំនួន ១,៨៨ពាន់លានដុល្លារ បើធៀបនឹងរយៈពេលដូចគ្នាកាលពីឆ្នាំ២០១៨។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី១១ ខែតុលា ឆ្នាំ ២០១៩


សកម្មភាពដូរក្នុងផ្សារហ៊ុនកម្ពុជាបង្ហាញពីកំណើន

ភ្នំពេញ៖ ផ្សារហ៊ុនកម្ពុជា (CSX) បានបង្ហាញពីសកម្មភាពជួញដូរកាន់តែសកម្មចាប់តាំងពីផ្សារនេះត្រូវបានបង្កើតឡើងកាលពីឆ្នាំ២០១២ ខណៈមានក្រុមហ៊ុនកាន់តែច្រើនបង្ហាញពីចំណាប់អារម្មណ៍ក្នុងការចុះបញ្ជី។ ការជួញដូរនៅក្នុងត្រីមាសទី៣ ឆ្នាំ២០១៩ បានបង្ហាញពីកំណើន ដោយមូលធនូបនីយកម្មទីផ្សារ បានកើនឡើងជាង ៤០% បើធៀបនឹងត្រីមាសទី២ ដែលនេះជាតួលេខខ្ពស់បំផុតចាប់តាំងផ្សារហ៊ុនបើកដំណើរការកាលពីឆ្នាំ២០១២។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី១០ ខែតុលា ឆ្នាំ ២០១៩


ADB បន្តគាំទ្រលទ្ធភាពទទួលបានហិរញ្ញវត្ថុនៅកម្ពុជា

ភ្នំពេញ៖ ធនាគារអភិវឌ្ឍន៍អាស៊ី (ADB) បានអនុម័តកម្ចី ៤០លានដុល្លារ ដើម្បីគាំទ្រ​អ្នកក្រីក្រ និងគ្រួសារនៅជនបទនៅកម្ពុជា ដើម្បីកែលម្អលទ្ធភាពទទួលបានហិរញ្ញវត្ថុ។ កម្ចីនេះគឺសម្រាប់ដំណាក់កាលទី២ នៃកម្មវិធីដែលកំពុងគាំទ្រកិច្ចខិតខំប្រឹងប្រែងរបស់រដ្ឋាភិបាល ដើម្បីអភិវឌ្ឍវិស័យហិរញ្ញវត្ថុប្រកបដោយប្រសិទ្ធភាព និងស្ថិរភាព និងលើកកម្ពស់ភាពអាច​ទទួលបានហិរញ្ញវត្ថុគ្រប់ៗគ្នាឱ្យកាន់តែធំ និងការអភិវឌ្ឍប្រកបដោយស្ថិរភាព។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី០៨ ខែតុលា ឆ្នាំ ២០១៩


  • កម្ពុជា និងឆែក ចុះ MOU សហប្រតិបត្តិការលើវិស័យធនធានរ៉ែ
  • កម្ពុជា-វៀតណាមពង្រឹងទំនាក់ទំនងពាណិជ្ជកម្ម និងវិនិយោគ
  • ការប្រើប្រាស់បច្ចេកវិទ្យាហិរញ្ញវត្ថុនៅប្រទេសកម្ពុជាបានបង្ហាញពីកំណើន
  • ធនាគារជាតិ បន្តជំរុញការអនុវត្តហិរញ្ញប្បទានបៃតង
  • ADB: កំណើនសេដ្ឋកិច្ចរបស់កម្ពុជា ឆ្នាំ២០១៩ នៅតែរក្សាភាពខ្លាំង
  • កម្ពុជានាំចេញអង្ករមានតម្លៃ$២៦០លានរយៈពេល៨ខែ
  • គម្រោង RICETECHCAMBODIA ដាក់ឱ្យដំណើរការដើម្បីជួយកសិករខ្នាតតូច
  • ការនាំចេញរបស់កម្ពុជាទៅអាមេរិកកើនឡើង៣០%
  • កម្ពុជាចុះ MOU ជាមួយចិនដើម្បីបណ្តុះបណ្តាលធនធានមនុស្សក្នុងវិស័យទេសចរណ៍
  • កម្ពុជារំពឹងមានជើងហោះហើរត្រង់ពីប្រទេសរុស្ស៊ី