ព័ត៌មានសេដ្ឋកិច្ច ក្នុងនិងក្រៅប្រទេស

home latest
ចិនផ្អាកការនាំចូលសាច់ពីប្រទេសកាណាដា

ក្រុងអូតាកា៖ ចិនបានស្នើឱ្យកាណាដា ផ្អាកការនំាចេញសាច់ទាំងអស់មកទីផ្សារចិន បន្ទាប់ពីការរកឃើញវិញ្ញាបនបត្រសុខភាពពេទ្យសត្វក្លែងក្លាយ ដែលបានភ្ជាប់ជាមួយសាច់ជ្រូកជាច្រើន ខណៈនគរបាលសហព័ន្ធកាណាដា បានចាប់ផ្តើមដំណើរការស៊ើបអង្កេតករណីនេះ។ ការចោទប្រកាន់នេះធ្វើឡើងចំពេលទំនាក់ទំនងមិនល្អរវាងប្រទេសទាំង២ បន្ទាប់ពីការចាប់ខ្លួនមន្រ្តីប្រតិបត្តិទូរគមនាគមន៍ជាន់ខ្ពស់របស់ប្រទេសចិន ១រូប ដោយប្រទេសកាណាដា​ តាមដីកាចាប់ខ្លួនរបស់អាមេរិក និងការឃុំខ្លួនជនជាតិកាណាដា២រូបរបស់ប្រទេសចិន ជាការសងសឹកជាក់ស្តែង។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី២៧ ខែមិថុនា ឆ្នាំ ២០១៩


មន្រ្តីអាមេរិក និងចិនចរចាគ្នាមុនជំនួប ត្រាំ-ស៊ី

ប៉េកាំង៖ ប្រព័ន្ធព័ត៌មានរដ្ឋរបស់ប្រទេសចិនបានឱ្យដឹងកាលពីថ្ងៃអង្គារថា ក្រុមអ្នកចរចាពាណិជ្ជកម្មជាន់ខ្ពស់របស់ប្រទេសចិន និងអាមេរិកបានរៀបចំការចរចាតាមទូរស័ព្ទ​មុនពេលកិច្ចប្រជុំដ៏ពិបាកមួយរវាងលោកប្រធានាធិបតី ស៊ី ជីនភីង និងលោក ដូណាល់ ត្រាំ​ នៅក្នុង​កិច្ចប្រជុំកំពូលក្រុមប្រទេស G20 នៅសប្តាហ៍នេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២៦ ខែមិថុនា ឆ្នាំ ២០១៩


MICROSOFT ខកខានឱកាសដោយសារធ្វេសប្រហែស

វ៉ាស៊ីនតោន៖ លោក Bill Gates សហស្ថាបនិកក្រុមហ៊ុនបានឱ្យដឹងកាលពីថ្ងៃចន្ទថា ក្រុមហ៊ុន Microsoft បានខកខានឱកាសនៅក្នុងការក្លាយជាក្រុមហ៊ុនឈានមុខគេខាងផ្នែក​បច្ចេកវិទ្យាទូរស័ព្ទចល័ត ដោយសារក្រុមហ៊ុន «ធ្វេសប្រហែស» ក្នុងអំឡុងសង្រ្គាមប្រឆាំងភាពផ្តាច់​មុខរយៈពេលយូរជាមួយអាជ្ញាធរអាមេរិក។ លោក Bill Gates បានបន្ថែមទៀតថា ក្រុមហ៊ុន​Microsoft នឹងក្លាយជាក្រុមហ៊ុនកាន់តែមានតម្លៃប្រសិនបើក្រុមហ៊ុននេះបានឈ្នះសង្គ្រាម​លើ​ប្រតិបត្តិការសូហ្វវែរ​សម្រាប់ឧបករណ៍ចល័តទល់នឹងក្រុមហ៊ុន Google និងកម្មវិធីប្រព័ន្ធ​ Android របស់ខ្លួន។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២៦ ខែមិថុនា ឆ្នាំ ២០១៩


ប្រទេសចិននឹងស្វែងរកការគាំទ្រក្នុងកិច្ចប្រជុំ G20

ក្រុងប៉េកាំង៖ ប្រទេសចិនបានឱ្យដឹងថាកាលពីថ្ងៃចន្ទថា ខ្លួននឹងស្វែងរកការគាំទ្រពាណិជ្ជកម្មសេរី និងពហុភាគីនៅក្នុងកិច្ចប្រជុំកំពូលក្រុមប្រទេសមានសេដ្ឋកិច្ចរីកចំម្រើនទាំង២០ (G20) នៅសប្តាហ៍នេះ ។ កិច្ចប្រជុំមួយរវាងលោក ស៊ី ជីនភីង និងលោក ដូណាល់ ត្រាំ នៅក្រៅជំនួបនៃកិច្ចប្រជុំនៅទីក្រុងអូសាកា ប្រទេសជប៉ុន បានជំរុញក្តីសង្ឃឹមនៃការបញ្ឈប់ការជាប់គាំងដែលខូចខាងយ៉ាងខ្លាំងរវាងប្រទេសមានសេដ្ឋកិច្ចឈានមុខគេទាំងពីរ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី២៥ ខែមិថុនា ឆ្នាំ ២០១៩


ជម្លោះអ៊ីរ៉ង់-អាមេរិកជំរុញឱ្យតម្លៃប្រេងហក់ឡើង

ហុងកុង៖ តម្លៃប្រេងបានបន្តកើនឡើងកាលពីថ្ងៃចន្ទ ដោយសារតែភាពតានតឹងរវាង​អាមេរិក​និងអ៊ីរ៉ង់កាន់តែខ្លាំងឡើង ដែលជំរុញឱ្យមានផ្នែកផ្គត់ផ្គង់ ខណៈឈ្មួញភាគហ៊ុននៅអាស៊ីកំពុងសម្លឹងយ៉ាងប្រុងប្រយ័ត្ន លើកិច្ចប្រជុំដ៏ពិបាកមួយរវាងលោក ដូណាល់ត្រាំ និងលោក ស៊ី ជិនភីង នៅសប្តាហ៍នេះ។ កាលពីចុងសប្តាហ៍កន្លងផុតទៅ លោកដូណាល់ ត្រាំ បានឱ្យដឹងថា លោកនឹងដាក់ទណ្ឌកម្មថ្មីទៀតលើប្រទេសអ៊ីរ៉ង់ បន្ទាប់ពីហាមឃាត់បណ្តាប្រទេសជាច្រើនទិញប្រេង​របស់ប្រទេសនេះ។​

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី២៥ ខែមិថុនា ឆ្នាំ ២០១៩


  • មេដឹងនាំអាស៊ានប្តេជ្ញាជំរុញកិច្ចព្រមព្រៀង RCEP
  • WB: គម្រោងផ្លូវ និងខ្សែក្រវាត់របស់ចិនត្រូវកែទម្រង់
  • ឧស្សាហកម្មទេសចរណ៍អាមេរិកបារម្ភពីការបាត់ភ្ញៀវទេសចរចិន
  • មេដឹកនាំអឺរ៉ុប នឹងពិភាក្សាពីទិសដៅបញ្ចប់ការបញ្ចេញឧស្ម័នផ្ទះកញ្ចក់
  • FACEBOOK ប្រកាសរូបិយប៏ណ្ណឌីជីថលផ្ទាល់ខ្លួន
  • អាល្លឺម៉ង់រកបានជាង $៧ពានលានពី ៥G
  • AWC នឹងទិញសណ្ឋាគារចំនួន ១២ ក្នុងប្រទេសថៃ
  • ក្រុមហ៊ុនសម្លៀកបំពាក់ ZARA បង្ហាញពីកំណើនប្រាក់ចំណេញខ្ពស់
  • AMAZON ក្លាយជាក្រុមហ៊ុនយីហោថ្លៃជាងគេលើពិភពលោក
  • បុគ្គលិកបរទេសពេញចិត្តនឹងលក្ខខណ្ឌការងារនៅសិង្ហបុរី