ព័ត៌មានសេដ្ឋកិច្ច ក្នុងនិងក្រៅប្រទេស

home latest
វិនិយោគិនចិនកំពុងសម្លឹងមើលច្រកព្រំដែនថ្មដា?

ភ្នំពេញ៖ វិនិយោគិនចិនកំពុងសម្លឹងមើលឱកាសគម្រោងអភិវឌ្ឍន៍នៅច្រកព្រំដែនថ្មដា ក្នុងខេត្តពោធិ៍សាត់ជាប់ព្រំដែនថៃ ខណៈអាជ្ញាធរខេត្តបានឱ្យដឹងថាគម្រោងបើកច្រកព្រំ​ដែនថ្មី​នេះនឹងនាំឱ្យមានសក្តានុពលពាណិជ្ជកម្មរវាងកម្ពុជា និងថៃ។ លោក វីមាន ស៊ីងផាន អនុប្រធានសមាគមន៍ពាណិជ្ជកម្មព្រំដែនកម្ពុជា-ថៃ នៅខេត្តត្រាតបានឱ្យដឹងថា ក្រុមអ្នកវិនិយោគិនចិនគ្រោងបោះទុនជាង ២៣៥លានដុល្លារ ដើម្បីអភិវឌ្ឍទីក្រុងថ្មីនៅច្រកព្រំដែនថ្មដានេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី៣ ខែកក្កដា ឆ្នាំ ២០១៩


កម្ពុជា-ម៉ាឡេស៊ីពង្រឹងកិច្ចសហប្រតិបត្តិការទៅលើវិស័យទេសចរណ៍

ភ្នំពេញ៖ កម្ពុជា និងម៉ាសឡេស៊ី រំពឹងថានឹងអាចទទួលបានភ្ញៀវទេសចរទៅវិញទៅមកកាន់តែច្រើនបន្ថែមទៀត ខណៈភាគីទាំងពីរបានឯកភាពគ្នាក្នុងការបង្កើតក្រុមការងារពិសេសមួយសម្រាប់កិច្ចសហប្រតិបត្តិការទេសចរណ៍។ ភាគីទាំងពីរ នឹងចុះអនុស្សរណៈ​ស្តីពីវិស័យទេសចរណ៍ នៅពេលដែលលោកនាយករដ្ឋមន្រ្តីម៉ាឡេស៊ី ធ្វើដំណើរទស្សនកិច្ចមកប្រទេសកម្ពុជានៅក្នុងអំឡុងខែកញ្ញា ឬតុលា ខាងមុខ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី២៨ ខែមិថុនា ឆ្នាំ ២០១៩


នាយករដ្ឋមន្រ្តីនឹងចូលរួមកិច្ចប្រជុំ WTO នៅសប្តាហ៍នេះ

ភ្នំពេញ៖ លោកនាយករដ្ឋមន្រ្តី ហ៊ុន សែន នឹងទៅចូលរួមកិច្ចប្រជុំ «ត្រូតពិនិត្យឡើងវិញជាសកលលើជំនួយសម្រាប់ពាណិជ្ជកម្ម ឆ្នាំ២០១៩» នៅអង្គការពាណិជ្ជកម្មអន្តរជាតិពិភពលោក (WTO)។ កិច្ចប្រជុំនេះ នឹងប្រព្រឹត្តិទៅនៅថ្ងៃទី៣ ដល់ទី៥ ខែកក្កដា នៅទីក្រុងហ្ស៊ឺណែវ ប្រទេសស៊្វីស ក្រោមប្រធានបទ «គាំទ្រពិពិធកម្ម និងការលើកកម្ពស់សេដ្ឋកិច្ចសម្រាប់ការអភិវឌ្ឍប្រកបដោយចីរភាព និងបរិយាប័ន្នតាមរយៈជំនួយសម្រាប់ពាណិជ្ជកម្ម»។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី១ ខែកក្កដា ឆ្នាំ ២០១៩


សៀវភៅស្តីពីការបង្កើតអាជីវកម្មថ្មីនឹងត្រូវដាក់ឱ្យដំណើរការ

ភ្នំពេញ៖ ប្រឹក្សាអាជីវកម្មបង្កើតថ្មីកម្ពុជា គ្រោងចេញផ្សាយសៀវភៅស្តីពី​«ការបង្កើត​អាជីវកម្ម​នៅកម្ពុជា» (Cambodia Startup Handbook) នៅថ្ងៃទី២ កក្កដា ឆ្នាំ២០១៩ ជាលើក​ដំបូង សម្រាប់ជួយក្រុមហ៊ុនបង្កើតថ្មីផ្នែកបច្ចេកវិទ្យា ច្បាប់ ពន្ធដារ និងបញ្ហាប្រឈមនៃកម្មសិទ្ធបញ្ញា។ សៀវភៅនេះត្រូវបានសរសេររួមគ្នាដោយ លោក Sreypeou Chaing, Junro Binang, Pheng Thea និង លោក David Haskel នៃសម្ព័ន្ធទីប្រឹក្សារបស់ប្រឹក្សាអាជីវកម្មបង្កើតថ្មីកម្ពុជា។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី១ ខែកក្កដា ឆ្នាំ ២០១៩


សណ្ឋាគារ៣៥ដាក់ពាក្យស្នើសុំស្លាកសញ្ញាស្តង់ដាបៃតងអាស៊ាន

ភ្នំពេញ៖ សណ្ឋាគារចំនួន៣៥ គិតត្រឹមថ្ងៃពុធម្សិលមិញបានដាក់ពាក្យស្នើសុំវិញ្ញាបនបត្រ​ និងស្លាកសញ្ញាស្តង់ដាសណ្ឋាគាបៃតងអាស៊ានលើកទី៧ សម្រាប់ឆ្នាំ២០២០-២០២២ ដើម្បីប្រកួតប្រជែងជាមួយប្រទេសជាសមាជិកអាស៊ានទាំង១០ ដែលគ្រោងនឹងប្រកាសនៅ​វេទិកាទេសចរណ៍អាស៊ាន ឆ្នាំ២០២០ នៅប្រ៊ុយណេ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី២៧ ខែមិថុនា ឆ្នាំ ២០១៩


  • រដ្ឋាភិបាលសិក្សាគម្រោងអភិវឌ្ឍន៍ក្រុងបូកគោ
  • កម្ពុជាបដិសេធការនាំជ្រូកពីវៀតណាម
  • កម្ពុជាជំរុញកិច្ចសហប្រតិបត្តិការពាណិជ្ជកម្មជាមួយនឹងកាតា
  • ក្រុមប្រឹក្សាអភិវឌ្ឍន៍កម្ពុជាអនុម័តគម្រោងជាង$១,៨ពាន់លានរយៈពេល៦ខែ
  • កម្ពុជារំពឹងនំាចេញផ្លែស្វាយស្រស់ទៅកូរ៉េលើកទី១ក្នុងខែតុលាខាងមុខ
  • អនុបាតចំណេញសុទ្ធរបស់ក្រុមហ៊ុនចុះបញ្ជីទាំងអស់បានកើនឡើង
  • ការបាក់រលំអគារគម្រោងសណ្ឋាគារមិនប៉ះពាល់ទេសចរ
  • កម្ពុជានឹងរៀបចំសន្និសីទស្តីពីបញ្ហាប្រឈមនៃកសិកម្ម
  • ជើងហោះហើរត្រង់កម្ពុជា-ឥណ្ឌូនេស៊ីចាប់ផ្តើមផ្លូវការ
  • ក្រសួងពាណិជ្ជកម្មថាគ្មានការនាំទំនិញចិនទៅ US តាមកម្ពុជាទេ