ព័ត៌មានសេដ្ឋកិច្ច ក្នុងនិងក្រៅប្រទេស
home latest
ដៃគូពាណិជ្ជកម្មរបស់ចក្រភពអង់គ្លេស
ទិសដៅនាំចេញធំៗរបស់ចក្រភពអង់គ្លេសរួមមាន សហរដ្ឋអាមេរិកដែលមានទំហំ ៤៩,១៨ពាន់លានដុល្លារ អាល្លឺម៉ង់ ៣៥,៥១ពាន់លានដុល្លារ ហូឡង់ ២៥,៨៥ពាន់លានដុល្លារ បារាំង ២៤,០៣ពាន់លានដុល្លារ អៀរឡង់ ២១,១៦ពាន់លានដុល្លារ ខណៈទិសដៅនាំចូលធំជាងគេគឺប្រទេសអាល្លឺម៉ង់ដែលមានទំហំ ៦៨,៣៤ពាន់លានដុល្លារ សហរដ្ឋអាមេរិក ៤៤,៤៧ពាន់លានដុល្លារ ចិន ៤២,៥៦ពាន់លានដុល្លារ ហូឡង់ ៤១,៧១ពាន់លានដុល្លារ។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២៩ ខែមករា ឆ្នាំ ២០២០
ធនាគារកណ្តាលជប៉ុនដំឡើងការព្យាករអំពីកំណើនសេដ្ឋកិច្ចរបស់ជប៉ុន
ក្រុងតូក្យូ៖ ធនាគារកណ្តាលជប៉ុនបានឱ្យដឹងបន្ទាប់ពីកិច្ចប្រជុំគោលនយោបាយរយៈពេល ២ថ្ងៃថា ខ្លួនរំពឹងថាសេដ្ឋកិច្ចជប៉ុននឹងកើនឡើង ០,៩ភាគរយ នៅក្នុងឆ្នាំដែលបញ្ចប់នៅខែមីនា ឆ្នាំ២០២១ ដែលអត្រានេះត្រូវបានដំឡើងពីការព្យាករលើកមុន ដែលថាមានកំណើន ០,៧ភាគរយ។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២២ ខែមករា ឆ្នាំ ២០២០
កំណើនសេដ្ឋកិច្ចពិភពលោក និងក្នុងតំបន់ និងប្រទេសផ្សេងៗ
មូលនិធិរូបិយវត្ថុអន្តរជាតិ (IMF) បានព្យាករថា សេដ្ឋកិច្ចរបស់ពិភពលោករំពឹងថានឹងកើនឡើង ៣,៣ភាគរយ នៅឆ្នាំ២០២០នេះ ខណៈដែលសេដ្ឋកិច្ចរបស់ក្រុមប្រទេសអភិវឌ្ឍន៍រំពឹងថានឹងកើនឡើង ១,៦ភាគរយ តំបន់ប្រើប្រាស់ប្រាក់អឺរ៉ូព្យាករថានឹងកើនឡើង ១,៣ភាគរយ ក្រុមប្រទេសនៅទ្វីបអាស៊ីដែលកំពុងស្ទុះងើបខ្លាំងនិងកំពុងអភិវឌ្ឍន៍អាចនឹងកើនឡើង ៥,៨ភាគរយ។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២២ ខែមករា ឆ្នាំ ២០២០
កំណើនទេសចរណ៍ពិភពលោកថមថយនៅឆ្នាំ២០១៩
ក្រុងម៉ាឌ្រីដ៖ យោងតាមទីភ្នាក់ងារទេសចរណ៍របស់អង្គការសហប្រជាជាតិកាលពីថ្ងៃចន្ទបានឱ្យដឹងថា ទេសចរណ៍ពិភពលោកបានធ្លាក់ចុះនៅឆ្នាំ២០១៩ ដោយសារការថមថយសេដ្ឋកិច្ចពិភពលោក ជាពិសេសនៅទ្វីបអឺរ៉ុប និងអាស៊ី ជាទីដែលកើតមានភាពមិនប្រាកដប្រជាទាក់ទងទៅនឹង Brexit ហើយបាតុកម្មក្នុងទីក្រុងហុងកុងក៏បានដាក់បន្ទុកដល់វិស័យទេសចរណ៍ផងដែរ។ អង្គការទេសចរណ៍ពិភពលោក (UNWTO) ដែលមានមូលដ្ឋាននៅទីក្រុងម៉ាឌ្រីដបានឲ្យដឹងក្នុងសេចក្តីថ្លែងការណ៍មួយថា ចំនួនការមកដល់របស់ភ្ញៀវទេសចរអន្តរជាតិបានកើនឡើង ៤ភាគរយ កាលពីឆ្នាំមុនដល់ ១,៥ពាន់លាននាក់ ដែលជាអត្រាទាបបំផុតរបស់ខ្លួនគិតចាប់ពីឆ្នាំ២០១៦ មក។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២២ ខែមករា ឆ្នាំ ២០២០
សេដ្ឋកិច្ចរបស់ចិនមានកំណើនទាបបំផុត
ក្រុងប៉េកាំង៖ យោងតាមការស្ទង់មតិសេដ្ឋវិទូដែលធ្វើឡើងដោយទីភ្នាក់ងារព័ត៌មាន AFP សេដ្ឋកិច្ចរបស់ប្រទេសចិន បានកើនឡើងក្នុងអត្រាទាបបំផុតរបស់ខ្លួនក្នុងរយៈពេល ៣ ទសវត្សរ៍កាលពីឆ្នាំ២០១៩ បន្ទាប់ពីរយៈពេល ១ឆ្នាំ ដែលបានជួបប្រទះនូវការធ្លាក់ចុះតម្រូវការក្នុងស្រុក និងញាំញីទៅដោយសង្គ្រាមពាណិជ្ជកម្មជាមួយអាមេរិក។ ការស្ទង់មតិរបស់អ្នកវិភាគក្នុងស្ថាប័នចំនួន ១៤ ព្យាករថាប្រទេសមានសេដ្ឋកិច្ចឈានមុខគេទី ២ របស់ពិភពលោកនេះនឹងសម្រេចបានកំណើនផលិតផលក្នុងស្រុកសរុប (ផ.ស.ស) ៦,១ ភាគរយ សម្រាប់រយៈពេលមួយឆ្នាំ ២០១៩។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៥ ខែមករា ឆ្នាំ ២០២០