ព័ត៌មានសេដ្ឋកិច្ច ក្នុងនិងក្រៅប្រទេស

home latest
ទំហំពាណិជ្ជកម្មកម្ពុជា-អាមេរិកកើនជិត ៤០%

ភ្នំពេញ៖ ​យោងតាម​របាយការណ៍​ពី​ការិយាល័យ​ជំរឿន​សហរដ្ឋអាមេរិក​បង្ហាញថា ទំហំ​ពាណិជ្ជកម្ម​ទ្វេភាគី​រវាង​ប្រទេស​កម្ពុជា និង​សហរដ្ឋអាមេរិក​ក្នុង​រយៈពេល​ ១១ខែ ឆ្នាំ​២០១៩ កើនឡើង​ ៣៨,៣៩​ភាគរយ ​រហូត​ដល់​ជាង ៥,៤៥ ​ពាន់​លាន​ដុល្លារ បើ​ធៀប​រយៈពេល​ដូចគ្នា​កាលពី​ឆ្នាំ​២០១៨​។ ការនាំចេញ​ទំនិញ​ពី​កម្ពុជា​ទៅកាន់​អាមេរិក​ក្នុង​អំឡុង​ពេលនេះ​មាន​តម្លៃ​ជាង​ ៤,៩៧​ពាន់​លាន​ដុល្លារ​ កើនឡើង ៤០,៥០​ភាគរយ ​ធៀប​នឹង​រយៈពេល​ដូចគ្នា​ឆ្នាំ​២០១៨ ដែលមាន​ចំនួន​ ៣,៥៣​ពាន់​លាន​ដុល្លារ ខណៈ​ការ​នាំចូល​ទំនិញ​ពី​អាមេរិក​មក​កម្ពុជា​មាន​តម្លៃ ៤៨៤,១​លាន​ដុល្លារ កើនឡើង ២០​ភាគរយ ​ពី​ចំនួន ៤០៣,៤លាន​ដុល្លារ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៤ ខែមករា ឆ្នាំ ២០២០


KRC នឹងបង្កើតមជ្ឈមណ្ឌលតាំងបង្ហាញផលិតផលកសិកម្មនៅមណ្ឌលគិរី

ភ្នំពេញ៖ ​សមាគម​សហប្រតិបត្តិការ​សហគមន៍​ជនបទ​របស់​កូរ៉េ (KRC) នឹង​បង្កើត​មជ្ឈមណ្ឌល​តាំង​បង្ហាញ​ផលិតកម្ម​បន្លែ​នៅ​កម្ពុជា​ក្នុង​ខេត្ត​មណ្ឌលគិរី នៅ​ឆ្នាំ​២០២០ ដើម្បី​ចូលរួម​កាត់បន្ថយ​ការនាំ​ចូល​។ បច្ចុប្បន្ន​កម្ពុជា​ប្រើប្រាស់​បន្លែ​ប្រមាណ​ ៥០០តោន​ ក្នុង​ ១ថ្ងៃ​ ដែល​មាន​តម្លៃ​ចន្លោះ​ពី​ ២០​ម៉ឺន​ទៅ ៣០​ម៉ឺន​ដុល្លារ​។ ប្រទេស​កម្ពុជា​នាំចូល​បន្លែ និង​ផ្លែឈើ​ប្រហែល ៤០​ភាគរយ​ ក្នុងតម្លៃ​ប្រហែល ២០០​លាន​ដុល្លារ​​​ ក្នុង​ ១​ឆ្នាំ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៤ ខែមករា ឆ្នាំ ២០២០


ការប្រមូលចំណូលពន្ធដារឆ្នាំ២០១៩ កើនលើសផែនការ ២៣%

ភ្នំពេញ៖ របាយការណ៍​នៃ​កិច្ចប្រជុំ​បូកសរុប​លទ្ធផល​ចំណូល​ពន្ធដារ​ប្រចាំ​ខែធ្នូ និង​ប្រចាំឆ្នាំ​ ២០១៩ និង​ទិសដៅ​សម្រាប់​អនុវត្ត​បន្ត​ឆ្នាំ​២០២០ របស់​អគ្គនាយកដ្ឋាន​ពន្ធដារ​កាលពី​ថ្ងៃ​អង្គារ​បាន​ឲ្យ​ដឹងថា ក្នុង​រយៈពេល ១២ខែ ​ឆ្នាំ​២០១៩ ចំណូល​ពន្ធអាករ​ដែល​អគ្គនាយកដ្ឋាន​ពន្ធដារ​ប្រមូលបាន​មាន​ចំនួន ២ ៨១៩,៣៣ លាន​ដុល្លារ កើន​លើស​ផែនការ​ប្រចាំ​ឆ្នាំ២០១៩ ចំនួន ២៣,២០ភាគរយ​។ ចំនួន​នេះ​បើ​ធៀប​នឹង​ការប្រមូល​ចំណូល​កាលពី​ឆ្នាំ​២០១៨ គឺមាន​កំណើន ២៨,២៨ ​ភាគរយ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៣ ខែមករា ឆ្នាំ ២០២០


អ្នកដំណើរតាមផ្លូវអាកាសរបស់កម្ពុជាកើនឡើងជាង ១០%

ភ្នំពេញ៖ ព្រលានយន្តហោះ​អន្តរជាតិ​ទាំង​៣ ​របស់​កម្ពុជា​បាន​រាយការណ៍​ពី​កំណើន​អ្នកដំណើរ​ កាលពី​ឆ្នាំ២០១៩ ធៀប​នឹងឆ្នាំ២០១៨​។ ទិន្នន័យ​ចុងក្រោយ​បាន​មកពី​ក្រុមហ៊ុន Cambodia Airports ចេញផ្សាយ​កាលពី​ថ្ងៃ​អង្គារ​បង្ហាញថា ការធ្វើ​ចរាចរណ៍​តាមផ្លូវ​អាកាស​កាលពី​ឆ្នាំ​២០១៩ របស់​កម្ពុជា​បាន​ទទួល​អ្នកដំណើរ​ប្រហែល​ ១១,៦លាន​នាក់​ កើនឡើង​ ១០,២​ភាគរយ ​ធៀប​នឹង​ឆ្នាំ​២០១៨​។ ព្រលាន​យន្តហោះ​អន្តរជាតិ​ភ្នំពេញ​ទទួល​អ្នកដំណើរ​ប្រហែល​ ៦​លាន​នាក់​ បាន​កើនឡើង​ ១១,២ភាគរយ ព្រលាន​យន្តហោះ​អន្តរជាតិ​សៀមរាប​បាន​ស្វាគមន៍​អ្នកដំណើរ​ប្រហែល​ ៣,៩​លាន​នាក់ ​បាន​ធ្លាក់ចុះ​ ១២,៣ភាគរយ ធៀប​នឹង​ឆ្នាំ​២០១៨ ខណៈ​ដែល​ព្រលាន​យន្តហោះ​អន្តរជាតិ​ព្រះសីហនុ​បាន​ស្វាគមន៍​អ្នកដំណើរ​ ១,៦​លាន​នាក់ កើន​ ១៥៨ភាគរយ​ ធៀប​នឹង​ឆ្នាំ​២០១៨​។ ប៉ុន្តែ​នៅ​ត្រីមាស​ចុងក្រោយ​ឆ្នាំ​ ២០១៩ អ្នកដំណើរ​រួមគ្នា​នៅក្នុង​ព្រលានយន្តហោះ​ទាំង​ ៣ បាន​ធ្លាក់ចុះ​ ៣,១​ភាគរយ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២១ ខែមករា ឆ្នាំ ២០២០


កម្ពុជាត្រូវការស្វាយ ៣០០តោន ១ថ្ងៃដើម្បីកែច្នៃ

ភ្នំពេញ៖ របាយការណ៍​របស់​ក្រសួងកសិកម្ម រុក្ខាប្រមាញ់ និង​នេសាទ​បាន​ឲ្យ​ដឹងថា ក្នុងចំណោម​ក្រុមហ៊ុន​ ៥ ​ដែល​ប្រតិបត្តិការ​នៅក្នុង​ប្រទេស​កម្ពុជា ត្រូវការ​ស្វាយ​ចន្លោះ​ពី​ ២៥០ ទៅ​ ៣០០ ​តោន​ក្នុង​ ១ ​ថ្ងៃ​។ ស្វាយ​ទាំងនោះ​នឹង​ត្រូវ​កែច្នៃ​ជា​តំណាប់​ស្វាយ​សម្រាប់​ការនាំ​ចេញទៅ​ទីផ្សារ​អន្តរជាតិ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២១ ខែមករា ឆ្នាំ ២០២០


  • មន្ត្រី៖ គម្រោងកែលម្អផ្លូវជាតិលេខ៣ សម្រេចបានជិត ៥០ភាគរយ
  • ចំណែកប្រាក់រៀលក្នុងសេដ្ឋកិច្ចកើនដល់ ៣៣%
  • ទំហំពាណិជ្ជកម្មកម្ពុជា និងជប៉ុនកើនជិត ១៣% រយៈពេល ១១ខែ
  • រោងចក្រវេចខ្ចប់ផ្លែឈើស្រស់បានបើកដំណើរការជាផ្លូវការ
  • ក្រុមហ៊ុនចិនធំមួយប្រកាសដាំកប្បាសលើដី ១សែនហិចតានៅកំពង់ស្ពឺដើម្បីបង្កើនជីវភាពកសិករ
  • NBC៖ វិស័យធនាគារកម្ពុជានៅតែបង្ហាញអំពីភាពរឹងមាំ
  • ផ្សារមូលបត្រកម្ពុជាបង្ហាញកំណើនខ្ពស់ក្នុងឆ្នាំ២០១៩
  • ការនាំចេញគ្រាប់ស្វាយចន្ទីរបស់កម្ពុជានៅឆ្នាំ២០១៩ កើនឡើងជិត ១០០ភាគរយ ខណៈគុណភាពកាន់តែល្អ
  • កម្ពុជានឹងនាំចេញផ្លែស្វាយស្រស់ទៅកូរ៉េខាងត្បូង
  • ការនាំចេញដំឡូងមីឆ្នាំ២០១៩ កើនឡើងជាង ២០ភាគរយ