ព័ត៌មានសេដ្ឋកិច្ច ក្នុងនិងក្រៅប្រទេស

home latest
ទីផ្សារអចលនទ្រព្យនៅហូជីមិញនឹងងើបឡើងវិញក្នុងឆ្នាំនេះ

ប្រទេសវៀតណាម ៖ ភ្នាក់ងារសារព័ត៌មាន​ Viet Nam News បានរាយការណ៍មកកាលពីថ្ងៃសុក្រកន្លងមកថា ទីផ្សារផ្ទះក្នុងទីក្រុងហូជីមិញនឹងងើបឡើងវិញព្រោះតែមានការគាំទ្រពី​រដ្ឋាភិបាល។ ក្រុមហ៊ុនអចលនទ្រព្យបាននិយាយថា អាជ្ញាធរបានលុបបំបាត់ឧបសគ្គដែលពួក​គេបានជួបប្រទះក្នុងគម្រោងអចលនទ្រព្យចំនួន ១២៤ គម្រោង ហើយវាអាចនឹងជួយ​បង្កើនការផ្គត់ផ្គង់អាផាតមិនយ៉ាងច្រើនផងដែរ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី០៣ ខែមិថុនា ឆ្នាំ ២០១៩


ថៃកាត់បន្ថយគោលដៅនំាចេញពី៨% មកស្មើនឹង៣%

ប្រទេសថៃ ៖ ភ្នាក់ងារសារព័ត៌មាន Bangkok Post បានរាយការណ៍កាលពីថ្ងៃសៅរ៍កន្លងមកថា រដ្ឋាភិបាលថៃបានកាត់បន្ថយគោលដៅនំាចេញពី៨% មកស្មើ៣% សម្រាប់ឆ្នាំនេះព្រោះតែការអន់ថយសេដ្ឋកិច្ចជុំវិញពិភពលោក ការតានតឹងឡើងនៃសង្រ្គាមពាណិជ្ជកម្មរវាងសហរដ្ឋអាមេរិក និងប្រទេសចិន និងភាពមិនប្រាកដប្រជាផ្នែកនយោបាយក្នុងទ្វីបអ៊ឺរ៉ុប។ លោកឧបនាយករដ្ឋមន្រ្តី Somkid Jatusripitak បានឱ្យដឹងថា ការនាំចេញអាចនឹងស្មើ ២៦០​ប៊ីលានដុល្លារក្នុងឆ្នាំនេះ​ដែលទាបជាងការព្យាករណ៍ពីមុនដែលស្មើ ២៧០ ប៊ីលានដុល្លារ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី០៣ ខែមិថុនា ឆ្នាំ ២០១៩


សង្រ្គាមពាណិជ្ជកម្មប៉ះពាល់ក្រុមហ៊ុនអាកាសចរណ៍

ក្រុងសេអ៊ូល ៖ សង្រ្គាមពាណិជ្ជកម្មរវាងអាមេរិក និងប្រទេសចិនដែលកាន់តែឆាបឆេះខ្លាំងឡើងៗ និងកំណើនតម្លៃប្រេងឥន្ធនៈនឹងបន្តដាក់បន្ទុកលើប្រាក់ចំណេញរបស់ក្រុមហ៊ុនអាកាសចរណ៍នៅឆ្នាំនេះ។ ការព្រមាននេះបានកើតមានឡើងក្នុងកិច្ចប្រជុំប្រចាំឆ្នាំរបស់​ក្រុម​ហ៊ុនអាកាសចរណ៍ពិភពលោកក្នុងទីក្រុងសេអ៊ូល ជាទីដែលមានការបង្ហាញថាប្រាក់ចំណេញសុទ្ធរួមគ្នាប្រចាំឆ្នាំ២០១៩ របស់ក្រុមហ៊ុនអាកាសចរណ៍ត្រូវបានព្យាករថានឹងមាន​ចំនួន ២៨ ពាន់លានដុល្លារ ពោលគឺធ្លាក់ចុះពីចំនួន ៣៥,៥ ពាន់លានដុល្លារ​ដែលបាន​ព្យាករកាលពីខែធ្នូឆ្នាំមុន។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី០៣ ខែមិថុនា ឆ្នាំ ២០១៩


វៀតណាមមានសក្តានុពលខ្លាំងក្នុងទីផ្សាររមណីយដ្ឋាន

ក្រុងហាណូយ ៖ ប្រទេសវៀតណាមមានសក្តានុពលដ៏ធំក្នុងការអភិវឌ្ឍទីផ្សាររមណីយដ្ឋាននៅចុងឆ្នាំនេះ និងឆ្នាំបន្តទៀត ដោយសារកំណើនតម្រូវការ និងកំណើនសេដ្ឋកិច្ចខ្ពស់។ លោក Tran Dinh Thien អតីតនាយកវិទ្យាស្ថានសេដ្ឋកិច្ចវៀតណាមបានឱ្យដឹងថា ការ វិនិយោគផ្ទាល់បរទេស (FDI) នៅវៀតណាមបានកើនឡើង ដែលជំរុញតម្រូវការ​វិនិយោគផ្នែកអចលនទ្រព្យឧស្សាហកម្ម និងស៊ីវិល។​ កត្តានេះបង្កើនឱ្យមានតម្រូវការអចលនទ្រព្យខ្ពស់ ដែលរួមទាំងអចលនទ្រព្យសម្រាប់វិស័យទេសចរណ៍ផងដែរ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី៣០ ខែឧសភា ឆ្នាំ ២០១៩


ALIBABA សម្លឹងចុះបញ្ជីនៅផ្សារហ៊ុនហុងកុង

ក្រុងស៊ាងហៃ ៖ ទីភ្នាក់ងារព័ត៌មាន Bloomberg News បានរាយការណ៍ដោយដកស្រង់ប្រភពដែលបានដឹងពីផែនការណ៍​នេះថា ក្រុមហ៊ុន Alibaba ដែលចុះបញ្ជីនៅសហរដ្ឋអាមេរិក មានគោលបំណងដាក់ពាក្យស្នើសុំចុះបញ្ជីនៅក្នុងទីក្រុងហុងកុងនៅឆមាសទី២ ក្នុងឆ្នាំ២០១៩ នេះ។ ការចុះបញ្ជីនឹងត្រូវធ្វើឡើងក្នុងគោលបំណងបើកចំហបណ្តាញមូលនិធិថ្មីៗសម្រាប់ក្រុមហ៊ុន Alibaba ដែលការចុះបញ្ជីក្នុងផ្សារហ៊ុនក្រុងញូវយ៉កកាលពីឆ្នាំ២០១៤ បានប្រមូលនិធិចំនួន២៥ពាន់លានដុល្លារក្នុងការបោះផ្សាយមូលបត្រជាសាធារណៈលើក​ដំបូងដែលធំបំផុតក្នុងពិភពលោក។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២៩ ខែឧសភា ឆ្នាំ ២០១៩


  • TOYOTA នឹងសាងសង់រោងចក្រនៅមីយ៉ាន់ម៉ា
  • ការវិនិយោគលើអចលនទ្រព្យសម្រាប់ធ្វើអាជីវកម្មសិង្ហបុរីកើនឡើង ៧២%
  • វៀតណាមស្ថិតក្នុងចំណោមគោលដៅកំពូលទាំង៣របស់អាស៊ាន សម្រាប់ ការវិនិយោគទុនឯកជន
  • និន្នាការវិនិយោគរួមគ្នាលើគម្រោងខុនដូនៅថៃកើនឡើង
  • OECD ទម្លាក់ការព្យាករកំណើនសកល
  • សេដ្ឋកិច្ចជប៉ុនប្រសើរជាងការរំពឹងទុកនៅត្រីមាសទី១
  • ឧស្សាហកម្ម ៤.០ អាចជំរុញដល់ GDP វៀតណាមដល់ទៅ ១៦%
  • វៀតណាម និងចិនមានលទ្ធភាពបង្កើនទំនាក់ទំនងពាណិជ្ជកម្មកាន់តែខ្លាំងជាងមុន
  • ចំនួនភ្ញៀវទេសចរធ្វើដំណើរទៅកាន់ខេត្តបន្ទាប់បន្សំរបស់ថៃកើនឡើង
  • ការលក់លំនៅឋានថ្មីនៅសហរដ្ឋអាមេរិក កើនឡើងខ្ពស់ជាងការព្យាករ