ព័ត៌មានសេដ្ឋកិច្ច ក្នុងនិងក្រៅប្រទេស

home latest
ឥណ្ឌាគ្រោងនឹងបើកសភាពាណិជ្ជកម្មនៅកម្ពុជា

ភ្នំពេញ៖ ឥណ្ឌាគ្រោងនឹងបើកសភាពាណិជ្ជកម្មនៅកម្ពុជា ដើម្បីបម្រើជាមជ្ឈមណ្ឌលព័ត៌មាន ការវិនិយោគ និងពាណិជ្ជកម្ម ដែលផ្តល់ដល់ពាណិជ្ជករ និងការវិនិយោគរវាងប្រទេស​ទាំង២។ ពាណិជ្ជម្មសរុបរវាងប្រទេសទាំង២ កាលពីឆ្នាំ២០១៦ មានចំនួន ១៥៣,១៥លានដុល្លារ ធ្លាក់ចុះ១៨,៥៥% បើធៀបនឹងឆ្នាំ២០១៥។ ទោះជាយ៉ាងនេះក្តី ទិន្នន័យបានកត់សម្គាល់ពីការរីកចម្រើននៃពាណិជ្ជកម្មរវាងប្រទេសទាំង២ក្នុងរយៈពេល ២-៣ ឆ្នាំ ចុងក្រោយនេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី២១ ខែវិច្ឆិកា ឆ្នាំ ២០១៩


របាយការណ៍ៈ គុណភាពការងារនៅកម្ពុជាមានភាពល្អប្រសើរ

ភ្នំពេញ៖ របាយការណ៍ដែលមានចំណងជើងថា «អនាគតការងារនៅកម្ពុជា តំណភ្ជាប់ជាមួយសេដ្ឋកិច្ចនាពេលខាងមុខ» ចេញផ្សាយកាលពីថ្ងៃអង្គារ បង្ហាញថា ក្នុងចំណោម​ការងារជាង ៨លានការងារនៅកម្ពុជា មាន ៣៧% ជាការងារមានប្រាក់ឈ្នួល ដែលភាគច្រើនផ្តល់ប្រាក់ចំណូលខ្ពស់ និងការពារអត្ថប្រយោជន៍បន្ថែមដល់កម្មករ។ ប៉ុន្តែទោះជាយ៉ាងនេះក្តី ៦៣% ទៀតនៅតែជាការងារបែបប្រពៃណីនៅឡើយ ដែលមិនទាន់បានធ្វើសមាហរណកម្មចូលទៅក្នុងសេដ្ឋកិច្ចទំនើប។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២០ ខែវិច្ឆិកា ឆ្នាំ ២០១៩


ចំណូលបានពីការប្រមូលពន្ធដាររយៈពេល១០ខែ កើនឡើង២៨ភាគរយ

ភ្នំពេញ៖ សេចក្តីប្រកាសព័ត៌មាន បានឱ្យដឹងថា ក្នុងរយៈពេល ១០ខែ ឆ្នាំ២០១៩ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបាន មានចំនួន ២ ៤០៤លានដុល្លារ កើន​ឡើងចំនួន ៥៣០,៥លានដុល្លារ ឬស្មើនឹង ២៨,៣១ភាគរយ បើធៀបនឹងរយៈពេលដូចគ្នាក្នុងឆ្នាំ២០១៨។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២០ ខែវិច្ឆិកា ឆ្នាំ ២០១៩


តំណក់ប្រេងនឹងទទួលបាននៅពាក់កណ្តាលឆ្នាំក្រោយ

ភ្នំពេញ៖ ប្រមុខរដ្ឋាភិបាលបានប្រកាសជាថ្មីថា កម្ពុជានឹងទាញបានតំណក់ប្រេងលើកដំបូងពីគម្រោងអភិវឌ្ឍន៍អណ្តូងប្រេងអប្សរាត្រឹមពាក់កណ្តាលឆ្នាំ២០២០ បន្ទាប់ពីក្រុមហ៊ុនរុករកប្រេង KrisEnergy បានសម្រេចកិច្ចព្រមព្រៀងសម្រាប់ការផ្គត់ផ្គង់សម្ភារសាងសង់ក្បាលអណ្តូង ដើម្បីទាញយកប្រេងនៅប្លុក A។ ក្រុមហ៊ុន KrisEnergy កាលពីថ្ងៃពុធ បានឱ្យដឹងថា អណ្តូងប្រេងអប្សរានៅប្លុក A ជាអាងទឹកភូមិសាស្ត្រនៅក្នុងផ្ទៃទឹកសមុទ្រកម្ពុជានៃឈូងសមុទ្រថៃ ដែលគ្រោងនឹងទាញយកប្រេងនៅឆមាសទី១ ឆ្នាំ២០២០ ដោយរំពឹងថា នឹងអាចបូមប្រេងបាន ៧ ៥០០បារ៉ែលក្នង ១ថ្ងៃ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១៩ ខែវិច្ឆិកា ឆ្នាំ ២០១៩


កម្ចី និងប្រាក់បញ្ញើនៅគ្រឹះស្ថានមីក្រូហិរញ្ញវត្ថុកើនខ្លាំង

ភ្នំពេញ៖ ប្រាក់កម្ចី និងប្រាក់បញ្ញើនៅគ្រឹះស្ថានមីក្រូហិរញ្ញវត្ថុរបស់កម្ពុជា បានកើនឡើងខ្លាំងគិតត្រឹមចុងខែកញ្ញាឆ្នាំនេះ។ របាយការណ៍ចុងក្រោយបង្ហាញថា កម្ចីដែលផ្តល់ដោយគ្រឹះស្ថានមីក្រូហិរញ្ញវត្ថុដោយមិនរាប់បញ្ចូលខ្នាតតូចពីធនាគារអេស៊ីលីដា និងធនាគារស្ថាបនា បានកើនឡើងប្រហែល ២៨% គិតត្រឹមបំណាច់ខែកញ្ញា ដល់៦,៩ ពាន់លានដុល្លារ ធៀបនឹងចំនួន៥,៤ ពាន់លានដុល្លារកាលពីបំណាច់ខែធ្នូ ឆ្នាំមុន។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១៩ ខែវិច្ឆិកា ឆ្នាំ ២០១៩


  • កម្ពុជារំពឹងមានជើងហោះហើរត្រង់កាន់តែច្រើនពីចិន
  • កម្ពុជារំពឹងថាការនាំចេញទៅចិននឹងបន្តកើនឡើង
  • ការនាំចេញស្បែកជើង និងទំនិញធ្វើដំណើរកើនដល់ជាង$៤ពាន់លាន
  • AIRBUS ចាប់អារម្មណ៍ទីផ្សារអាកាសចរណ៍កម្ពុជា
  • កម្ពុជាធ្វើជាម្ចាស់ផ្ទះកិច្ចប្រជុំធនាគារអាស៊ាននៅខែនេះ
  • តំបន់ទេសចរណ៍ ២៦កន្លែង ត្រូវបានក្រសួងចាត់ទុកជារមណីយដ្ឋានគំរូ
  • ក្រុមហ៊ុន SMART បានរួមចំណែកជិត$៤០០លានដល់សេដ្ឋកិច្ចកម្ពុជា
  • ក្រសួងទេសចរណ៍ដាក់ឱ្យដំណើរការគេហទំព័រទេសចរណ៍ដើម្បីទាក់ទាញភ្ញៀវ
  • តម្លៃស្រូវក្រអូបបង្ហាញពីស្ថិរភាព
  • ក្រុមហ៊ុនអាល្លឺម៉ង់ចាប់អារម្មណ៍ការវិនិយោគលើថាមពលកកើតឡើងវិញ