ព័ត៌មានសេដ្ឋកិច្ច ក្នុងនិងក្រៅប្រទេស

home latest
ទំហំពាណិជ្ជកម្មកម្ពុជា-វៀតណាម កើនជាង ១៥ ភាគរយក្នុងត្រីមាសទី១

ភ្នំពេញ៖ យោងតាមទិន្នន័យក្រសួងពាណិជ្ជកម្មកម្ពុជា ទំហំពាណិជ្ជកម្មរវាងកម្ពុជានិងវៀតណាមសម្រេចបានជាង ៧៣២លានដុល្លារក្នុងត្រីមាសទី១ ឆ្នាំនេះ កើនឡើង ១៥,២០ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ការនាំចេញរបស់កម្ពុជាសម្រេចបានជាង ៦២លានដុល្លារ ធ្លាក់ចុះ ០,២៨ភាគរយ បើធៀបនឹងរយៈពេលដូចគ្នាកាលពីឆ្នាំមុន ខណៈការនាំចូលរបស់កម្ពុជាមានចំនួនជាង ៦៦៩លានដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១ ខែឧសភា ឆ្នាំ២០២០


ការនាំចេញអង្ករ ៤ខែឆ្នាំនេះ បានជាង ៣០ម៉ឺនតោន ស្មើនឹង $២១០លាន

ភ្នំពេញ៖ របាយការណ៍សង្ខេបការនាំចេញអង្ករកម្ពុជាបង្ហាញថា ក្នុងរយៈពេល ៤ខែ ឆ្នាំ២០២០ ការនាំចេញអង្ករសម្រេចបាន ៣០០ ២៥២ តោន កើនឡើង ៤០,៤៦ភាគរយ ធៀបនឹងរយៈពេលដូចគ្នាកាលពីឆ្នាំ២០១៩ ដែលមាន ២១៣ ៧៦៣តោន។ នេះជាការនាំចេញដែលមានបរិមាណខ្ពស់បំផុតមិនធ្លាប់មានក្នុងរយៈពេល ១០ឆ្នាំចុងក្រោយ។ ចំណែកប្រាក់ដែលទទួលបានពីការនាំចេញក្នុ្ងងរយៈពេលនេះគឺ ២១០ លានដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៤ ខែឧសភា ឆ្នាំ២០២០


កម្ពុជានឹងបង្កើតថ្នាលទូរស្សន៍ឌីជីថលជាតិឆាប់ៗនេះ

ភ្នំពេញ៖ រដ្ឋាភិបាលកម្ពុជាគ្រោងនឹងវិនិយោគក្នុងការបង្កើតថ្នាលទូរទស្សន៍ឌីជីថលជាតិ ដើម្បីរំដោះប្រេកង់ប្រមាណជា ៧០០ Mhz ទៅឱ្យក្រសួងប្រៃសណីយ៍ និងទូរគមនាគមន៍ក្នុងការអភិវឌ្ឍបណ្តាញ 5G ប្រព័ន្ធសេវាអ៊ីនធឺណិតក្នុងការរួមចំណែកសម្រេចឱ្យបាននូវការប្រែក្លាយប្រទេសកម្ពុជាទៅជាសេដ្ឋកិច្ចឌីជីថលនៅក្នុងពេលដ៏ខ្លីខាងមុខ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៣ ខែមេសា ឆ្នាំ២០២០


កម្ពុជាទទួលបានរោងចក្របើកថ្មី ៧៧ ខណៈរងការគំរាមកំហែងពីជំងឺឆ្លងកូវីដ ១៩

ភ្នំពេញ៖ ថ្លែងក្នុងសន្និសីទសារព័ត៌មានស្តីពី «វឌ្ឍនភាព និងទិសដៅការងារបន្តរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍» ដែលរៀបចំនៅទីស្តីការគណៈរដ្ឋមន្ត្រីកាលពីថ្ងៃម្សិលមិញ ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹង បើទោះជាកម្ពុជាកំពុងប្រឈមនឹងបញ្ហានៃការរីករាលដាលជំងឺកូវីដ ១៩ ក៏ដោយ ប៉ុន្តែតាមរយៈគោលនយោបាយ បើកទូលាយដែលភាពទាក់ទាញបានធ្វើឱ្យចំនួនរោងចក្រដែលបើកដំណើរការក្នុងត្រីមាសទី១ ឆ្នាំ២០២០ មានចំនួន ៧៧ ក្នុងនោះ ៧៥ ជារោងចក្រថ្មី និង ២រោងចក្រទៀតជាការបើកដំណើរការឡើងវិញ ដោយរោងចក្រទាំងនេះអាចបង្កើតការងារថ្មីបាន ២៧ ៩០៩នាក់។ ជាមួយគ្នានេះក៏មានរោងចក្រចំនួន ៦ ដែលមានកម្មករធ្វើការសរុបចំនួន ៦ ០៥២នាក់​ បានប្រកាសបិទដំណើរការផងដែរ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៤ ខែមេសា ឆ្នាំ២០២០


គម្រោងវិនិយោគមានទឹកប្រាក់ជិត ៦០០លានដុល្លារ ត្រូវបានអនុម័ត

ភ្នំពេញ៖ គម្រោងចំនួន ២៦ ដែលមានតម្លៃសរុបជាង ៥៨៤,៣ លានដុល្លារ និងអាចបង្កើតការងារថ្មីចំនួន ១៧ ១៦៦កន្លែង ត្រូវបានក្រុមប្រឹក្សាអភិវឌ្ឍន៍កម្ពុជា (CDC) ផ្តល់ការអនុញ្ញាតក្នុងរយៈពេល ១៩ថ្ងៃដំបូងនៃខែមេសា។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២០ ខែមេសា ឆ្នាំ២០២០


  • ការផលិតអំបិលឆ្នាំនេះនឹងសម្រេចតាមផែនការគ្រោងទុក
  • កម្ពុជារកចំណូលបាន $២១ លាន ពីវិស័យរ៉ែក្នុងឆ្នាំ២០១៩
  • HYUNDAI ទទួលបានសិទ្ធិសាងសង់អ៊ីអន ៣ នៅកម្ពុជា
  • ចំណូលរបស់ PPAP កើនឡើង ៣០% ក្នុងត្រីមាសទី១
  • ការនាំចេញត្បូង និងគ្រឿងអលង្ការពីកម្ពុជាមានតម្លៃជាង $៤០០លាន
  • ការនាំចេញរបស់កម្ពុជាកើនជាង ២០% ក្នុង២ខែ ដើមឆ្នាំ
  • គម្រោងវិនិយោគចំនួន ១៥ តម្លៃជាង $២២៥ លាន ត្រូវ CDC អនុម័ត
  • ពាណិជ្ជកម្មកម្ពុជា-ជប៉ុនមានតម្លៃជាង $៣៦០ លាន
  • ពាណិជ្ជកម្មទ្វេភាគីកម្ពុជា-ថៃ នៅតែរក្សាបានភាពល្អប្រសើរ
  • កម្ពុជានាំចេញជាង $១ពាន់លាន ទៅកាន់ទីផ្សារអាមេរិក