ព័ត៌មានសេដ្ឋកិច្ច ក្នុងនិងក្រៅប្រទេស

home latest
ថៃពិចារណាដាក់កម្រិតកម្ចីទិញរថយន្ត

ក្រុងបាងកក៖ ធនាគារកណ្តាលថៃបានចាប់ផ្តើមការត្រួតពិនិត្យកម្ចីទិញរថយន្តបន្ទាប់ពីមានការរកឃើញថា យុទ្ធនាការទីផ្សារមួយចំនួនបានបង្ហាញលក្ខខណ្ឌកម្ចីបែបធូររលុងសម្រាប់ការអនុម័តកម្ចីរទិញថយន្ត ជាពិសេសការផ្តល់ការលើកទឹកចិត្តនៅពេលទទួលកម្ចីបន្ថែម និងផ្តល់ការលើកទឹកចិត្តជាសាច់ប្រាក់។ កម្ចីទិញរថយន្តបានកើនឡើង ១២,៦% កាលពីឆ្នាំ២០១៨ ធៀបនឹងឆ្នាំ២០១៧ ដែលមានការកើនឡើង​៨,៤% ប៉ុណ្ណោះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៣ ខែមេសា ឆ្នាំ ២០១៩


ក្រុមហ៊ុនអាកាសចរណ៍ចិនរាយការណ៍លទ្ធផលហិរញ្ញវត្ថុចម្រុះ

ក្រុងប៉េកំាង៖ ក្រុមហ៊ុនអាកាសចរណ៍ជាច្រើនរបស់ប្រទេសចិន បានបង្ហាញលទ្ធផលហិរញ្ញវត្ថុផ្សេងៗសម្រាប់ឆ្នាំ២០១៨ ប៉ុន្តែបានប្រមានអំពីឧបសគ្គកាន់តែខ្លាំងនៅឆ្នាំខាងមុខនេះ ដែលអាចបន្តរារាំងដល់ប្រាក់ចំណេញ។ ក្នុងនោះ ក្រុមហ៊ុនអាកាសចរណ៍ទាំងនោះបានឱ្យដឹងនៅក្នុងរបាយការណ៍ប្រាក់ចំណេញមួយដែលផ្ញើទៅផ្សារហ៊ុនហុងកុងកាលពីល្ងាចថ្ងៃសុក្រ ដែលបង្ហាញនៃការធ្លាក់ចុះប្រាក់ចំណេញភាគច្រើនដោយសារតែការចំណាយលើប្រតិបត្តិការកើនឡើង និងការបង្កើនតម្លៃប្រេងយន្តហោះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី០១ ខែមេសា ឆ្នាំ ២០១៩


ALIBABA បង្កើតការងារជាង៤០លានកន្លែងនៅឆ្នាំ២០១៨

ក្រុងហ្សិនចិន៖ នៅក្នុងឆ្នាំ២០១៨ ក្រុមហ៊ុនពាណិជ្ជកម្មអេឡិចត្រូវនិច Alibaba របស់ប្រទេសចិនបានបង្កើតការងារ ៤០,៨២ លានកន្លែង។ ក្នុងនោះ គេហទំព័រពាណិជ្ជកម្ម  អេឡិចត្រូវនិចរបស់ក្រុមហ៊ុននេះរួមទាំងគេហទំព័រ Tao-bao បានផ្តល់ការងារចំនួនប្រហែល ១៥,៥៨ លានកន្លែងសម្រាប់អ្នកលក់រាយអនឡាញកាលពីឆ្នាំមុន ហើយក៏បានជួយបង្កើតការងារ ២៥,២៤ លានកន្លែងសម្រាប់វិស័យផលិតកម្ម និងវិស័យរបស់សេវាកម្មលក់រាយអនឡាញផងដែរ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី២៨ ខែមីនា ឆ្នាំ ២០១៩


ស្រីលង្កាចាប់ផ្តើមសង់រោងចក្រចម្រាញ់ប្រេងតម្លៃជិត $៤ពាន់លាន

ហំាបានតូតា៖ ប្រទេសស្រីលង្កាកាលពីថ្ងៃអាទិត្យបានចាប់ផ្តើមសាងសង់រោងចក្រចម្រាញ់ប្រេងតម្លៃជិត $៤ពាន់លានដុល្លារ ដែលខ្លួនសង្ឈឹមថានឹងធ្វើឱ្យវិនិយោគិនបរទេសមានចំណាប់អារម្មណ៍មកវិនិយោគនៅប្រទេសខ្លួនឡើងវិញក្នុងវិស័យដឹកជញ្ជូន។ គម្រោងនេះ​ គឺជាការវិនិយោគបរទេសដ៏ធំបំផុតក្នុងប្រវត្តសាស្រ្តរបស់ស្រីលង្កា និងផ្តល់មូលនិធីរួមគ្នាដោយប្រទេសអូម៉ង់ និងក្រុមហ៊ុន Silver Park International ដែលចុះបញ្ជីក្នុងប្រទេសសង្ហបុរី និងជាក្រុមហ៊ុនដែលគ្រប់គ្រងដោយគ្រួសារអ្នកជំនួញជនជាតិឥណ្ឌា។ រោងចក្រចម្រាញប្រេងនេះគ្រោងនឹងបញ្ចប់ និងដំណើរការនៅឆ្នាំ២០២៣។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២៧ ខែមីនា ឆ្នាំ ២០១៩


បារាំងនិងចិនអំពាវនាវឱ្យបង្កើនកិច្ចសហប្រតិបត្តិការអ៊ឺរ៉ុប-ចិន

ក្រុងប៉ារីស៖ លោកប្រធានាធិបតីចិន លោក ស៊ី ជីនភីង និងប្រធានាធិបតីបារំាង លោក អេម៉ានុយអែល ម៉ាក្រុងកាលពីថ្ងៃចន្ទ បានអំពាវនាវឱ្យមានការបង្កើនកិច្ចសហប្រតិបត្តិការរវាងសហភាពអ៊ឺរ៉ុប និងប្រទេសចិន ដើម្បីជំរុញការវិនិយោគដ៏ច្រើនរបស់ទីក្រុងប៉េកំាងនៅទ្វីបអ៊ឺរ៉ុប។ សេចក្តីថ្លៃងការនេះបានធ្វើឡើងបន្ទាប់ពីមានការចុះហត្ថលេខាជាច្រើនស្តីពី​ថាម​ពលនុយក្លេអ៊ែរ​ ការផ្លាស់ប្តូវប្បធម៌ ថាមពលស្អាត និងកិច្ចសន្យាដ៏ធំមួយនៃការទិញយន្តហោះ ពីក្រុមហ៊ុនផលិតយន្តហោះអ៊ឺរ៉ុប Airbus។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី២៧ ខែមីនា ឆ្នាំ ២០១៩


  • វៀតណាមសង្ឃឹមថា កូរ៉េនឹងវិនិយោគកាន់តែច្រើន
  • អ៊ីតាលី-ចិនចុះហត្ថលេខាគម្រោងផ្លូវសូត្រ
  • ចិនត្រូវបានចាត់ទុកថាជាប្រទេសមានចំណូលខ្ពស់
  • សង្រ្គាមពាណិជ្ជកម្មរបស់លោកត្រាំធ្វើឱ្យសេដ្ឋកិច្ចអាមេរិកខាងបង់ ៧.៨ ប៊ីលានដុល្លារ
  • ការស្នើសុំប៉ាតង់អន្តរជាតិជាង៥០% មកពីតំបន់អាស៊ី
  • កង្វះស្បៀងអាហារនៅកូរ៉េខាងជើង
  • សេដ្ឋកិច្ចរបស់ប្រទេសតួកគីបានចាប់ផ្តើមឈានចូលទៅក្នុងការធ្លាក់ចុះ
  • ការព្យាករពីកំណើនសេដ្ឋកិច្ចរបស់អង្គការ OECD
  • វៀតណាមមើលឃើញមានការវិនិយោគផ្ទាល់ពីបរទេសច្រើនឆ្នាំនេះ
  • ជញ្ជីងពាណិជ្ជកម្មសហរដ្ឋអាមេរិក