ព័ត៌មានសេដ្ឋកិច្ច ក្នុងនិងក្រៅប្រទេស

home latest
តម្លៃដីក្នុងខណ្ឌ៣ ហក់ឡើងខ្ពស់រយៈពេល ៦ខែ

ភ្នំពេញ៖ របាយការណ៍ដែលចេញផ្សាយដោយក្រុមហ៊ុន អចលនទ្រព្យ ឃី រៀលអ៊ីសស្តេតបង្ហាញថា​ តម្លៃដីក្នុងខណ្ឌចំនួន៣ នៅទីក្រុងភ្នំពេញបានហក់ឡើងខ្ពស់ក្នុងអំឡុងពេល៦ខែដំបូងឆ្នាំនេះ។ ខណ្ឌទាំង៣នោះមានដូចជា ខណ្ឌព្រែកព្នៅ ខណ្ឌដង្កោ និងខណ្ឌច្បារអំពៅ ដែលក្នុងនោះខណ្ឌព្រែកព្នៅកើលដល់ ៣០០ ទៅ ១ ៧០០ ដុល្លារក្នុង១ម៉ែត្រការ៉េ ចំណែកឯខណ្ឌដង្កោកើនដល់ ២ ០០០ ដុល្លារក្នុង១ម៉ែត្រការ៉េ ហើយសម្រាប់ខណ្ឌច្បារអំពៅវិញ គេមើលឃើញថា តម្លៃដីកើនឡើងជិត១៥% ក្នុងរយៈពេល៦ខែនៅឆ្នាំនេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី៨ ខែកក្កដា ឆ្នាំ ២០១៩


ការនំាចេញអង្ករកម្ពុជាកើន៣% ខណៈចំណែកទីផ្សារចិនវ៉ាទីផ្សារអឺរ៉ុប

ភ្នំពេញ៖ របាយការណ៍ពីលេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករបង្ហាញថា ការនាំចេញអង្ករកម្ពុជាទៅកាន់ទីផ្សារអន្តរជាតិក្នុងឆមាសទី១ឆ្នាំ​២០១៩ មានចំនួន២៨១ ៥៣៨តោន កើនឡើង៣,៧% ធៀបនឹងរយៈពេលដូចគ្នាកាលពីឆ្នាំ២០១៨ ក្នុងនោះ ចំណែកទីផ្សារចិនមានរហូតដល់ទៅជាង ៤០% នៃការនាំចេញ​សរុប ខណៈអឺរ៉ុបជាទីផ្សារឈានមុខគេនៃការនាំចេញអង្កររបស់កម្ពុជាបានធ្លាក់ចុះមកនៅជាង៣៣% ប៉ុណ្ណោះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី៨ ខែកក្កដា ឆ្នាំ ២០១៩


EDC: កម្ពុជានឹងផ្តោតលើការផលិតថាមពលសូឡា

ភ្នំពេញ៖ ថ្លែងក្នុងបទបង្ហាញស្តីពីចក្ខុវិស័យថាមពលឆ្នាំ២០២០របស់កម្ពុជា កាលពីថ្ងៃសុក្រ លោក កែវរតនៈ អគ្គនាយកអគ្គីសនីកម្ពុជាបានឱ្យដឹងថា កម្ពុជានឹងពង្រឹងគម្រោងវិនិយោគលើថាមពលសូឡាឱ្យបាន១២% ត្រឹមដំណាច់ឆ្នាំ២០២០ និង២០% ក្នុងរយៈពេល៣ឆ្នាំបន្ទាប់ទៀត។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី៨ ខែកក្កដា ឆ្នាំ ២០១៩


សកម្មភាពដឹកជញ្ជូនទំនិញចេញ-ចូលនៅច្រកទ្វារអន្តរជាតិបាវិតកើនឡើង

ភ្នំពេញ៖ បើតាមមន្រ្តីគយប្រចាំច្រកទ្វារអន្តរជាតិព្រំដែនកម្ពុជា-វៀតណាម (បាវិត) បានឱ្យដឹងថា ការងារដឹកជញ្ជូនទំនិញចេញ-ចូលរវាងកម្ពុជា និងប្រទេសវៀតណាម បច្ចុប្បន្នមានការកើនឡើងខ្លាំង និងមានសកម្មភាពមមាញឹកខ្លាំង បន្ទាប់ពីរដ្ឋាភិបាលបានសម្រេចមិនអោយមានការត្រួតពិនិត្យទៅលើកុងតឺន័រដឹកអឺវ៉ាន់រោងចក្រ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី៣ ខែកក្កដា ឆ្នាំ ២០១៩


វិស័យឯកជនបារម្ភពីផលប៉ះពាល់លើការដឹកជញ្ជូន

ភ្នំពេញ៖ ខណៈអាជ្ញាធរបានដាក់វិធានការរឹតបន្តឹងត្រួតពិនិត្យលក្ខណៈបច្ចេកទេសយានយន្តដឹកទំនិញចេញ-ចូលកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ​ អ្នកនៅក្នុងវិស័យដឹកជញ្ជូនបានឱ្យដឹងថា វិធានការនេះនឹងប៉ះពាល់ដល់ការដឹកជញ្ជូនទំនិញ​ពិសេសក្នុងវិស័យវាយនភណ្ឌ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី៤ ខែកក្កដា ឆ្នាំ ២០១៩


  • ហត្ថាកសិករបង្ហាញពីកំណើនប្រាក់ចំណេញជិត៥០%
  • វិនិយោគិនចិនកំពុងសម្លឹងមើលច្រកព្រំដែនថ្មដា?
  • កម្ពុជា-ម៉ាឡេស៊ីពង្រឹងកិច្ចសហប្រតិបត្តិការទៅលើវិស័យទេសចរណ៍
  • នាយករដ្ឋមន្រ្តីនឹងចូលរួមកិច្ចប្រជុំ WTO នៅសប្តាហ៍នេះ
  • សៀវភៅស្តីពីការបង្កើតអាជីវកម្មថ្មីនឹងត្រូវដាក់ឱ្យដំណើរការ
  • សណ្ឋាគារ៣៥ដាក់ពាក្យស្នើសុំស្លាកសញ្ញាស្តង់ដាបៃតងអាស៊ាន
  • រដ្ឋាភិបាលសិក្សាគម្រោងអភិវឌ្ឍន៍ក្រុងបូកគោ
  • កម្ពុជាបដិសេធការនាំជ្រូកពីវៀតណាម
  • កម្ពុជាជំរុញកិច្ចសហប្រតិបត្តិការពាណិជ្ជកម្មជាមួយនឹងកាតា
  • ក្រុមប្រឹក្សាអភិវឌ្ឍន៍កម្ពុជាអនុម័តគម្រោងជាង$១,៨ពាន់លានរយៈពេល៦ខែ