ព័ត៌មានសេដ្ឋកិច្ច ក្នុងនិងក្រៅប្រទេស

home latest
ឆ្នាំ២០១៨ គយ និងរដ្ឋាកររកចំណូលបាន ២,៥ពាន់លានដុល្លារ កើនជាង ៣០%

ភ្នំពេញ៖ អគ្គនាយកដ្ឋានគយ និងរដ្ឋាករ ដែលជាស្ថាប័នមានតួនាទីសំខាន់ក្នុងការត្រួតពិនិត្យ ប្រមូលពន្ធអាករ និងកម្រៃគ្រប់ប្រភេទលើទំនិញនាំចេញ និងនាំចូល ព្រមទាំងសម្រួលកិច្ចការពាណិជ្ជកម្ម និងបង្រ្កាបបទល្មើសគយ កាលពីឆ្នាំ២០១៨ កន្លងទៅនេះប្រមូលចំណូលបានជាង ១០ទ្រីលានរៀល ស្មើនឹងប្រមាណ ២ ៥០០លានដុល្លារអាមេរិក កើនឡើងជាង ៣២% បើធៀបនឹងឆ្នាំ២០១៧។ នេះបើតាមរបាយការណ៍បូកសរុបការងារគយ និងរដ្ឋាករ។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃព្រហស្បតិ៍ ទី២៨ ខែកុម្ភៈ ឆ្នាំ ២០១៩


ដើមឆ្នាំ២០១៩ កម្ពុជាបាននាំចេញបន្លែស្រស់ជាង ៣០តោន ទៅទីផ្សារអឺរ៉ុប

ភ្នំពេញ៖ ខែមករា ឆ្នាំ២០១៩ កម្ពុជាបាននាំចេញបន្លែស្រស់ចំនួន ៣៣តោន ទៅទីផ្សារសហភាពអឺរ៉ុប។ ការនាំចេញទាំងនេះគឺស្របតាមគោលការណ៍របស់ក្រសួង ដែលជំរុញកំណើនផលិតកម្មកសិកម្មក្នុងស្រុក និងនាំចេញ ដោយលើកកម្ពស់សក្តានុពលក្នុងការប្រកួតប្រជែង។

ប្រភពៈ ព័ត៌មានរបស់គេហទំព័រថ្មីៗ ចេញផ្សាយថ្ងៃអង្គារ ទី២៦ ខែកុម្ភៈ ឆ្នាំ ២០១៩


កម្ពុជានឹងរៀបចំពិព័រណ៍ម្ហូបអាហារ និងភេសជ្ជៈនៅចុងឆ្នាំនេះ

ភ្នំពេញ៖ សហព័ន្ធទេសចរណ៍កម្ពុជា រួមជាមួយសមាគមចុងភៅកម្ពុជាគ្រោងរៀបចំព្រឹត្តិការណ៍ពិព័រណ៍ម្ហូបអាហារ និងភេសជ្ជៈលំដាប់ថ្នាក់អន្តរជាតិ ក៏ដូចជាការបង្ហាញដល់ភ្ញៀវទេសចរ ខណៈវិស័យមួយនេះកំពុងមានភាពទាក់ទាញខ្លាំង។ ព្រឹត្តិការណ៍អន្តរជាតិ Angkor Food + Hotel 2019 នេះនឹងត្រូវធ្វើឡើងនៅថ្ងៃទី១០ ដល់ថ្ងៃទី១២ ខែតុលា ឆ្នាំ២០១៩ នៅសណ្ឋាគារសុខាសៀមរាប ដែលរំពឹងថានឹងមានអ្នកចូលរួមទស្សនាប្រមាណ​ ៤ពាន់នាក់ និងអ្នកតំណាងមកពីសណ្ឋាគារ ភោជនីយដ្ឋាន អ្នកផ្គត់ផ្គង់ និងផ្តល់សេវាកម្មម្ហូបអាហារ អ្នកតំណាងមកពីហាងកាហ្វេ ក្លិបរាត្រី ហាងចែកចាយ និងលក់រាយនូវម្ហូ​បអាហារផងដែរ។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃចន្ទ ទី២៥ ខែកុម្ភៈ ឆ្នាំ ២០១៩


LOLC ទទួលបានការយល់ព្រមពី NBC លើសំណើបោះលក់មូលបត្របំណុល

ភ្នំពេញ៖ គ្រឹះស្ថានមីក្រូហិរញ្ញវត្ថុ LOLC (Cambodia) Plc នឹងក្លាយជាស្ថាប័នទី២ ដែលបោះផ្សាយលក់សញ្ញាប័ណ្ណ ឬមូលបត្របំណុល នៅកម្ពុជាបន្ទាប់ពីបានទទួលការយល់ព្រម​ពីធនាគារជាតិនៃកម្ពុជា (NBC) កាលពីថ្ងៃសុក្រមុន។ ក្រុមហ៊ុនគ្រោងនឹងប្រមូលដើមទុនពីការបោះផ្សាយសញ្ញាប័ណ្ណចំនួន ៨០ពាន់លានរៀល (២០លានដុល្លារ) តាមរយៈ​ការលក់សញ្ញាប័ណ្ណរបស់ខ្លួនលើកដំបូងនៅលើផ្សារមូលបត្រកម្ពុជា។ មូលបត្របំណុលនេះ​នឹងមានរយៈពេល ៣ឆ្នាំ ហើយអត្រាការប្រាក់ពីសញ្ញាប័ណ្ណនេះនឹងសម្រេចបន្ទាប់ពីដំណាក់​កាលបរិវិសកម្ម។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២៦ ខែកុម្ភៈ ឆ្នាំ ២០១៩


ជប៉ុននឹងទទួលពលករកម្ពុជាទៅធ្វើការចាប់ពីខែមេសាតទៅ

ភ្នំពេញ៖ ក្រោយជំនួបពិភាក្សាការងារជាមួយលោក HORINOUCHI HIDEHISA ឯកអគ្គរាជទូតជប៉ុនប្រចាំនៅកម្ពុជា ពាក់ព័ន្ធនឹងកិច្ចព្រមព្រៀងសហប្រតិបត្តិការរវាងកម្ពុជា-ជប៉ុនស្តីពី «ពលករជំនាញ» កាលពីថ្ងៃទី១៨ ខែកុម្ភៈ ឆ្នាំ២០១៩ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានប្រាប់ក្រុមអ្នកសារព័ត៌មានថា ការចុះកិច្ចព្រមព្រៀងលើប្រព័ន្ធថ្មីរបស់ជប៉ុននេះ គឺដើម្បីទទួលពលករកម្ពុជាឱ្យទៅធ្វើការនៅ​ជប៉ុនជាលក្ខណៈពលករពេញសិទ្ធិ មិនមែនជាកម្មសិក្សាការីដូចមុនទៀតទេ។ ប្រព័ន្ធថ្មីនេះត្រូវអនុវត្ត ចាប់ពីខែមេសា ឆ្នាំ២០១៩ តទៅ ហើយការបញ្ជូនពលករដែលមានជំនាញខ្ពស់​ទៅធ្វើការនៅក្នុងប្រទេសជប៉ុន តាមកំណែទម្រង់ច្បាប់ថ្មីរបស់ជប៉ុន។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃសុក្រ ទី២២ ខែកុម្ភៈ ឆ្នាំ ២០១៩


  • ក្រុមហ៊ុនក្នុងស្រុកបោះទុន ២០លានដុល្លារវិនិយោគលើវិស័យទឹកស្អាត
  • ក្រសួងរើសយកខេត្ត៣ សម្រាប់រៀបចំពិព័រណ៍ផលិតផលក្នុងស្រុក
  • សប្តាហ៍ទី៣នេះ CDC អនុម័តគម្រោងវិនិយោគតម្លៃជាង ៦០០លានដុល្លារ
  • គម្រោងសូឡាខេត្តកំពង់ឆ្នាំងត្រូវបានដាក់ឱ្យដេញថ្លៃ
  • CDC អនុម័តគម្រោងទេសចរណ៍ $៥០០លាន
  • ក្រុមហ៊ុនអារ៉ាប់បង្ហាញចំណាប់អារម្មណ៍វិនិយោគនៅកម្ពុជា
  • ក្រុមហ៊ុនវៀតណាមគ្រោងបង្កើតរោងចក្រកែច្នៃខ្សែភ្លើងក្នុងខេត្តសំខាន់មួយនៅកម្ពុជា
  • ចំណូលពីការលក់សំបុត្រចូលទស្សនាតំបន់អង្គរក្នុងខែមករា ថយចុះ
  • ទេសចរកម្ពុជាចេញទៅក្រៅប្រទេសបន្តកើនឡើងនៅឆ្នាំ២០១៨
  • ខែដំបូងឆ្នាំនេះកម្ពុជានាំចេញអង្ករបានជិត ៦ម៉ឺនតោន ធ្លាក់ចុះ ៥% ទោះបីជាប់ពន្ធ អង្ករកម្ពុជាជាង ២ម៉ឺនតោន ត្រូវបាននាំចេញទៅអឺរ៉ុប