ព័ត៌មានសេដ្ឋកិច្ច ក្នុងនិងក្រៅប្រទេស

home latest
កម្ពុជា និងវៀតណាម ប្តេជ្ញាជំរុញទំហំពាណិជ្ជកម្មទ្វេភាគីឱ្យកើនដល់ $៧ពាន់លានក្នុងឆ្នាំនេះ

ភ្នំពេញ៖ កម្ពុជា និងប្រទេសវៀតណាមបានប្តេជ្ញាបង្កើនទំហំពាណិជ្ជកម្មទ្វេភាគីឱ្យកើនពី ៥ពាន់លានដុល្លារ ដល់ ៧ពាន់លានដុល្លារ ក្នុងឆ្នាំ២០២០ នេះ តាមរយៈកាលសម្រួលការដឹកជញ្ជូនទំនិញឆ្លងកាត់ព្រំដែន ក្នុងអំឡុងពេលមានវិធានការរឹតបន្តឹងការឆ្លងកាត់ព្រំដែនដោយសារជំងឺកូវីដ១៩។ ការប្តេជ្ញានេះធ្វើឡើងនៅក្នុងជំនួបសន្ទនាតាមទូរស័ព្ធរវាងសម្តេច​នាយករដ្ឋមន្ត្រី ហ៊ុន សែន ជាមួយលោក ង្វៀន ហ្វូជុង អគ្គលេខាធិការនៃគណបក្សកុម្មុយនីស្ត និងជាប្រធានរដ្ឋនៃសារធារណរដ្ឋសង្គមនិយមវៀតណាមកាលពីសប្តាហ៍មុន។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៤ ខែកក្កដា ឆ្នាំ២០២០


ការនាំចេញកសិផលរបស់ខេត្តរតនគិរីមានតម្លៃ $៣៧លាន កាលពីឆ្នាំ២០១៩

ភ្នំពេញ៖ លោក ថង សាវុន អភិបាលខេត្តរតនគិរីបានអះអាងថា កាលពីឆ្នាំ២០១៩ ការនាំចេញកសិផលពីខេត្តនេះទៅកាន់ទីផ្សារអន្តរជាតិសម្រេចបានប្រមាណ ៨៧ ៦០៤តោន ស្មើនឹងតម្លៃ ៣៧លានដុល្លារ។ ការនាំចេញនេះត្រូវបានធ្វើឡើងតាមរយៈក្រុមហ៊ុនវិនិយោគ​លើដីសម្បទានសេដ្ឋកិច្ចចំនួន ២៧ក្រុមហ៊ុន ដែលកំពុងប្រតិបត្តិការនៅក្នុងខេត្ត។ ក្រុមហ៊ុន​ទាំងនោះកំពុងវិនិយោគលើដំណាំកៅស៊ូ ស្វាយចន្ទី ចេកអំបូងលឿង ស្វាយ ស្រកានាគ ខ្នុរ ដូង ទុរេន មៀន និងក្រូចជាដើម។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៤ ខែកក្កដា ឆ្នាំ២០២០


កម្ពុជានាំចេញកៅស៊ូជិត ១០ម៉ឺនតោន កើន ១៧% ក្នុង ៥ខែ

ភ្នំពេញ៖ លោក ឃួង ផល្លា ប្រធានរដ្ឋបាល និងនីតិកម្មនៃអគ្គនាយកដ្ឋានកៅស៊ូនៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងកាលពីថ្ងៃអាទិត្យថា ការនាំចេញកៅស៊ូរបស់កម្ពុជាសម្រេចបាន ៩៧ ១៧៤តោន ក្នុងរយៈពេល ៥ខែដំបូងឆ្នាំ២០២០ កើនឡើង ១៧ភាគរយ បើធៀបនឹងរយៈពេលដូចគ្នាកាលពីឆ្នាំមុន។ តម្លៃកៅស៊ូនាំចេញក្នុងខែឧសភាបានកើនឡើងប្រមាន ៥ដុល្លារ ដែលមានតម្លៃ ១ ១៩៣ដុល្លារ ក្នុង១តោន ធៀបនឹងតម្លៃកាលពីខែមេសា ប៉ុន្តែតម្លៃនេះនៅទាបជាងតម្លៃមធ្យមភាគក្នុងរយៈពេល ៥ខែ ដែលមានតម្លៃ ១ ៣១៤ ដុល្លារ ក្នុង១តោន ដោយសារតម្លៃកៅស៊ូខ្ពស់ជាងកាលពីដើមឆ្នាំ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៦ ខែកក្កដា ឆ្នាំ២០២០


CDC អនុម័តគម្រោង ៣ តម្លៃជាង $១៤លាន

ភ្នំពេញ៖ យោងតាមក្រុមប្រឹក្សាអភិវឌ្ឍន៍កម្ពុជា គ្រាន់តែក្នុងសប្តាហ៍ទី១ ខែកក្កដា រដ្ឋាភិបាលបានអនុម័តគម្រោងថ្មីចំនួន ៣ មានទុនវិនិយោគរួម ១៤,៤លានដុល្លារ ដែលអាចបង្កើតការងារថ្មីបានជាង ៦២៥ កន្លែង។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៦ ខែកក្កដា ឆ្នាំ២០២០


ទឹកប្រាក់នាំចេញទំនិញទៅអាមេរិក កើនឡើងជិត ២៦ភាគរយ

ភ្នំពេញ៖ ទិន្នន័យពីការិយាល័យជំរឿនសហរដ្ឋអាមេរិកបានឱ្យដឹងថា ក្នុងរយៈពេល ៥ខែ ឆ្នាំ២០២០ ការធ្វើពាណិជ្ជកម្មរវាងកម្ពុជា និងអាមេរិកមានតម្លៃសរុប ២ ៤៨៨,៣លានដុល្លារកើនឡើង ១៨,៨២ភាគរយ ធៀបនឹងរយៈពេលដូចគ្នាឆ្នាំ២០១៩ ដែលមានតម្លៃ ២ ០៩៤លានដុល្លារ។ សម្រាប់រយៈពេលខាងលើការនាំចេញទំនិញពីកម្ពុជាទៅកាន់អាមេរិកមានតម្លៃ ២ ៣៦៣ លានដុល្លារ កើន ២៥,៩៤ភាគរយពីចំនួន ១ ៨៧៦,២លានដុល្លារ និងការនាំទំនិញពីអាមេរិកមកកម្ពុជាមានតម្លៃ ១២៥,៣លានដុល្លារ ធ្លាក់ចុះ ៤២,៤៧ភាគរយពីចំនួន ២១៧,៨លានដុល្លារ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី៨ ខែកក្កដា ឆ្នាំ២០២០


  • កម្រិតអតិផរណាមានត្រឹម ២,៥ភាគរយក្នុងឆមាសទី១
  • ការនាំចេញចេកអំបូងលឿងមានកំណើនខ្ពស់
  • ក្រុមហ៊ុនជិត ៥០ ទទួលជោគជ័យក្នុងការចុះបញ្ជីតាមថ្នាលបច្ចេកវិទ្យា
  • ចំណូលពន្ធដាររយៈពេល ៦ខែ មានតម្លៃជិត $១,៧ពាន់លាន
  • រោងចក្រអគ្គិសនីតម្លៃ $១,៣ពាន់លាន អាចសង់ក្នុងពេលឆាប់ៗ
  • កម្ពុជានាំចូលម៉ូតូ រថយន្ត និងគ្រឿងបន្លាស់ធ្លាក់ចុះក្នុងរយៈពេល ៥ខែ ឆ្នាំនេះ
  • ការនាំចេញអង្ករនៅក្នុងឆមាសទី១ មានកំណើនជាង ៤១%
  • វិស័យដឹកជញ្ជូនកម្ពុជា មិនទាន់មានសម្ទុះខ្លាំងដូចមុន
  • ការសិក្សាពីគម្រោងវិនិយោគវារីអគ្គិសនីនៅក្នុងខេត្តកោះកុងសម្រេចបាន ៨០%
  • កម្ពុជាគ្រោងនឹងបង្កើតមជ្ឈមណ្ឌលជាតិចុះបញ្ជីអ៊ីនធឹណិត (KHNIC)