ព័ត៌មានសេដ្ឋកិច្ច ក្នុងនិងក្រៅប្រទេស

home latest
អាកាសចរណ៍ AIR ASIA ពង្រីកប្រតិបត្តិការនៅបណ្តាប្រទេស CLMV

ភ្នំពេញ៖ Air Asia ដែលជាក្រុមហ៊ុនអាកាសចរណ៍តម្លៃទាបរបស់ប្រទេសម៉ាឡេស៊ីបានប្រកាស​ផ្លូវហោះហើរថ្មីនៃជើងហោះហើរត្រង់របស់ខ្លួន ភូកេត-ភ្នំពេញ ដែលជាផ្នែកនៃការបង្កើតបណ្តាញទូទាំងអាស៊ី និងទីផ្សារនៃក្រុមប្រទេស CLMV។ ផ្លូវហោះហើរថ្មីនេះនឹង​ដំ​ណើរការ ៤ដងក្នុងមួយសប្តាហ៍ ដែលចាប់ផ្តើមនៅថ្ងៃទី១​ ខែមិថុនា ឆ្នាំ២០១៩ ខាងមុខនេះ​។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៣ ខែមេសា ឆ្នាំ ២០១៩


តម្លៃដី និងអចលនទ្រព្យនៅទីប្រជុំជនក្រុងតាខ្មៅកើនឡើងប្រមាណ៣០-៥០ ភាគរយ ខណៈប្លង់គោលក្រុងតាខ្មៅបានបញ្ចប់

កណ្តាល៖ ខណៈភាពរីកចម្រើន និងការអភិវឌ្ឍលើផ្នែកហេដ្ឋារចនាសម្ព័ន្ធក្នុងក្រុងតាខ្មៅ​កំពុងបន្តដំណើរជាជំហានៗស្របទៅនឹងគម្រោងស្ថិតក្នុងប្លង់គោលរបស់ក្រសួង និងសាលាខេត្តនោះ តម្លៃដី និងអចនទ្រព្យនៃខេត្តកណ្តាលជាពិសេសក្នុងក្រុងតាខ្មៅ ហាក់ស្ទុះឡើងខ្លាំង។ ក្នុងនោះ អ្នកជំនាញខាងអចលនទ្រព្យអះអាងថា គិតជាមធ្យមតម្លៃដី និងអចលនទ្រព្យទីប្រជុំជនក្រុងតាខ្មៅបានកើនឡើងប្រមាណ៣០-5០ ភាគរយ ខណៈដែលនៅតំបន់ជាយក្រុងតាមបណ្តោយផ្លូវជាតិលេខ២១ បានកើនឡើងចន្លោះប្រមាណពី២០-៣០ ភាគរយ ហើយដីនៅជាប់ផ្លូវក្រវ៉ាត់ក្រុងគឺបានកើនឡើងស្ទើរតែ១០០ ភាគរយ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃសៅរ៍-អាទិត្យ ទី៣០-៣១ ខែមីនា ឆ្នាំ ២០១៩


វិនិយោគគិនចិនចាប់អារម្មណ៍វិស័យទេសចរណ៍ និងឧស្សាហកម្មខេត្តព្រះសីហនុ គ្រោងបង្កើតការហោះហើរត្រង់បន្ថែមទៀត

ភ្នំពេញ៖ ទំនាក់ទំនងកម្ពុជានាពេលនេះបានឈានដល់ចំណុចកំពូលជាមួយនឹងកំណើននៃអ្នកវិនិយោគ និងទេសចរណ៍ចិនមកកម្ពុជា ជាក់ស្តែងឆ្នាំ ២០១៨ កន្លងទៅ ភ្ញៀវ​ទេសចរណ៍ចិនឈរលំដាប់ទី១​ក្នុងចំណោមភ្ញៀវទេសចរណ៍ ៦លាននាក់​ដែលមកទស្សនាកម្ពុជា។ ដោយការកើននៃវិនិយោគ និងទេសចរណ៍ចិន រដ្ឋបាលខេត្តព្រះសីហនុនឹងបន្តខិតខំសហការជាមួយ ហៃណាន លើការបង្កើតការហោះហើរត្រង់ពីព្រលានយន្តហោះ ហៃខូ ឬ ពី សាន់យ៉ា មកកាន់ព្រលានយន្តហោះអន្តរជាតិខេត្តព្រះសីហនុ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី០១ ខែមេសា ឆ្នាំ ២០១៩


រោងចក្រផលិតទឹកស្អាតតម្លៃប្រមាណ៣០លានដុល្លារ ដាក់សម្ពោធនៅព្រឹកនេះ ខណៈការសិក្សាផែនការអភិវឌ្ឍន៍បណ្តាញលូប្រមូលទឹកកខ្វល់ក្រុសៀមរាបត្រូវបានបញ្ចប់

ភ្នំពេញ៖ រោងចក្រផលិតទឹកស្អាតនៅខេត្តកំពត់ត្រូវបានសាងសង់កាលពីអំឡុងឆ្នាំ២០១៨ កន្លងមកជាជំនួយឥតសំណងទំហំ ៣,២៨៤ លានយ៉េនរបស់រដ្ឋាភិបាលជប៉ុន ដែលមានតម្លៃប្រហែល ២៧លានដុល្លារ ដើម្បីផលិតទឹកស្អាតនៅខេត្តកំពត និងការបណ្តុះបណ្តាល​ធនធានមនុស្ស ជាពិសេសដើម្បីកាត់បន្ថយបញ្ហានៃកង្វះទឹកស្អាតសម្រាប់ប្រើប្រាស់ក្នុងខេត្តមាត់សមុទ្រមួយនេះ ត្រូវបានសម្ពោធដាក់ឱ្យប្រើប្រាស់ជាផ្លូវការកាលពីព្រឹកថ្ងៃទី០២​ ខែមេសា ឆ្នាំ ២០១៩។ យ៉ាងណាមិញ នៅសាលាខេត្តសៀមរាបក៏បានរៀបចំប្រជុំពិភាក្សា និងពិគ្រោះយោបល់លើកចុងក្រោយលើ «ផែនការអភិវឌ្ឍន៍បណ្តាញលូប្រមូលទឹកកខ្វក់»ក្នុងក្រុងសៀមរាប ខេត្តសៀមរាប។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃអង្គារ ទី០២ ខែមេសា ឆ្នាំ ២០១៩


ការប្រើប្រាស់សេវាស្ថាបត្យកម្មមានការកើនឡើង

ភ្នំពេញ៖ ទន្ទឹមគ្នានឹងការរីកចម្រើនដ៏ឆាប់រហ័សនៃវិស័យសំណង់នៅកម្ពុជា កំណើននៃការប្រើប្រាស់សេវាកម្មរបស់អ្នកជំនាញស្ថាបត្យកម្មក៏បានកើនឡើងគួរឱ្យកត់សម្គាល់ផងដែរនាពេលបច្ចុប្បន្ននេះ។ បើតាមអ្នកជំនាញក្នុងវិស័យនេះបានលើកឡើងថា ជំនាញស្ថាបត្យកម្មនៅពេលនេះមានទីផ្សារធំទូលលាយបើធៀបទៅនឹងរយៈពេលប្រមាណ១០ឆ្នាំមុន ដែលនៅពេលនោះប្រជាជនខ្មែរមានទំលាប់ធ្វើការរចនាប្លង់ដោយខ្លួនឯង ដែលមានរចនាប័ទ្មប្រហាក់ប្រហែលគ្នា​ ខុសពីពេលនេះដែលមានចម្រុះជាច្រើន ហើយប្លង់ដែលរចនាដោយអ្នកជំនាញនឹងធ្វើឱ្យការប្រើប្រាស់លម្អនៅអគារ/ផ្ទះមានប្រសិទ្ធភាពខ្ពស់ និងជួយកាត់បន្ថយថវិកាសម្រាប់ការចំណាយលើការសាងសង់ផងដែរ។

ប្រភពៈ ព័ត៌មានរបស់កាសែតភ្នំពេញ ប៉ុសិ៍្ត ចេញផ្សាយថ្ងៃចន្ទ ទី០១ ខែមេសា ឆ្នាំ ២០១៩


  • ពន្ធដារពិន័យយានយន្តមិនបង់ពន្ធផ្លូវបានជាង$១លាន
  • CDC អនុម័តគម្រោងវិនិយោគ៣ដែលមានតម្លៃសរុបជាង $២៣លាន
  • សេដ្ឋកិច្ចឌីជីថលជាកត្តាជំរុញថ្មីមួយសម្រាប់កម្ពុជា
  • ប្រទេសចិនឯកភាពជួយរៀបចំផែនការអភិវឌ្ឍប្រព័ន្ធរថភ្លើងទំនើបនៅកម្ពុជា ដើម្បីកាត់បន្ថយការកកស្ទះចរាចរណ៍
  • កម្ពុជាគ្រោងនឹងសាងសងផ្លូវល្បឿនលឿនយ៉ាងតិច ៧ ដើម្បីពង្រឹងវិស័យភស្តុភា និងដឹជញ្ជូន
  • ប្រាក់ចំណូលក្នុងវិស័យធានារ៉ាប់រងមានកំណើនជិត៣០%
  • ស្រ្តីវ័យក្មេងកម្ពុជាទទួលពានរង្វាន់ជាសហគ្រិនសង្គម ក្នុងតំបន់
  • ផ្លូវល្បឿនលឿនភ្នំពេញ-ព្រះសីហនុ នឹងជួយដល់ការធ្វើដំណើរសល់ត្រឹម ២ ម៉ោង ខណៈតម្លៃប្រើប្រាស់ហាក់ស្រពិចស្រពិលនៅឡើយ
  • ពន្ធដារតម្រូវឱ្យអ្នកជាប់ពន្ធត្រូវបង្ហាញវិក្កយបត្របង់ពន្ធជាប្រាក់រៀល
  • វិស័យអចលនទ្រព្យនឹងមានសម្ទុះកាន់តែខ្លាំងឡើងនៅខេត្តកំពង់ឆ្នាំង