ព័ត៌មានសេដ្ឋកិច្ច ក្នុងនិងក្រៅប្រទេស

home latest
UN៖ អត្រាអ្នកគ្មានការងារជុំវិញពិភពលោកបានធ្លាក់ចុះ

ក្រុងហ្ស៊ឺណែវ៖ អង្គការការងារអន្តរជាតិ (ILO) បាននិយាយថា អត្រាអ្នកគ្មានការងារជុំវិញពិភពលោកកាលពីឆ្នាំមុនបានធ្លាក់ចុះពី ៥,១% មកស្មើ ៥% ដែលជាការធ្លាក់ចុះដំបូងតាំងពីវិបត្តិហិរញ្ញវត្ថុឆ្នាំ២០០៨។ អត្រាអ្នកគ្មានការងារនឹងរក្សានៅដដែលក្នុងឆ្នាំនេះ និងឆ្នាំ២០២០ ប៉ុន្តែចំនួនប្រជាជនគ្មានការងារអាចនឹងកើនឡើងប្រមាណ ២លាននាក់ មកស្មើ ១៧៤លាននាក់នៅឆ្នាំក្រោយព្រោះពលករសរុបកើនឡើង។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃសុក្រ ទី១៥ ខែកុម្ភៈ ឆ្នាំ ២០១៩


រដ្ឋាភិបាលកូរ៉េបារម្ភពីការនាំចេញដែលកំពុងធ្លាក់ចុះ

ក្រុងសេអ៊ូល៖ ក្រសួងសេដ្ឋកិច្ច និងហិរញ្ញវត្ថុរបស់កូរ៉េខាងត្បូងបានឱ្យដឹងក្នុងរបាយការណ៍ស្តីពីការវាយតម្លៃសេដ្ឋកិច្ចប្រចាំខែរបស់ខ្លួន (សៀវភៅបៃតង) កាលពីចុងសប្តាហ៍មុនថា ទាំងការវិនិយោគ និងការនាំចេញបានបង្ហាញពីការប្រែប្រួល ដោយបង្កើនក្តីបារម្ភអំពីការនាំចេញ ដែលមានទំហំប្រហែលពាក់កណ្តាលនៃសេដ្ឋកិច្ចដែលពឹងផ្អែកលើការនាំចេញរបស់ប្រទេសនេះ។ ការនាំចេញកូរ៉េខាងត្បូងបានធ្លាក់ចុះ ៥,៨% នៅខែមករា ធៀបនឹងរយៈពេលដូចគ្នាកាលពីឆ្នាំមុន បន្ទាប់ពីបានធ្លាក់ចុះ ១,៣% ក្នុងខែធ្នូ ជាចម្បងដោយសារតម្រូវការឧបករណ៍ពាក់កណ្តាលចម្លងថយចុះ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១៨ ខែកុម្ភៈ ឆ្នាំ ២០១៩


ក្រុមហ៊ុនជប៉ុន HOYA បោះទុន ៣០០លានដុល្លារ កសាងរោងចក្រនៅឡាវ ដើម្បីផលិត HARD DISK កុំព្យូទ័រ

ក្រុងវៀងច័ន្ទ៖ ក្រុមហ៊ុនជំនាញខាងផលិតផលអុបទិករបស់ជប៉ុន Hoya Corporation កំពុងបណ្តាក់ទុនវិនិយោគជាង ៣០០លានដុល្លារទៅលើការសាងសង់រោងចក្រផលិតកម្មថ្មីមួយនៅក្នុងប្រទេសឡាវ ដើម្បីផលិតដុំស្តុកទិន្នន័យរបស់កុំព្យូទ័រ (Hard Disk Drive)។ កាលពីថ្ងៃសុក្រសប្តាហ៍មុនក្រុមហ៊ុនបានរៀបចំពិធីបើកការដ្ឋានសាងសង់ជាផ្លូវការសម្រាប់រោងចក្រខាងលើ ដែលមានទីតាំងស្ថិតក្នុងតំបន់អភិវឌ្ឍន៍សៃសេដ្ឋា (Saysettha Development Zone ឬ​ SDZ) នៅរដ្ឋធានីរៀងច័ន្ទ។ ដំណើរការផលិតកម្មនៅក្នុងរោងចក្រខាងលើត្រូវគេរំពឹងថានឹងអាចចាប់ផ្តើមបាននៅអំឡុងដើមឆ្នាំ២០២០ ហើយរោងចក្រនេះនឹងជួយបង្កើត​ឱកាសការងារជាង ៤០០០​ កន្លែងនៅទីនេះ។

ប្រភពៈ ព័ត៌មានរបស់គេហទំព័រ Fresh News ចេញផ្សាយថ្ងៃអង្គារ ទី១២ ខែកុម្ភៈ ឆ្នាំ ២០១៩


ទិន្នន័យសំខាន់ៗរបស់ប្រទេសផលិតប្រេង នីហ្សេរីយ៉ា

នៅឆ្នាំ២០១៧ នីហ្សេរីយ៉ាមានផលិតផលក្នុងស្រុកសរុប ៣៧៥,៨ពាន់លានដុល្លារ ខណៈប្រជាជនមាន ១៩១លាននាក់។ ប្រាក់ចំណូលក្នុងមនុស្សម្នាក់មាន ១ ៩៦៩ដុល្លារ ។ ប្រាក់ចំណូលពីការនាំចេញប្រេង និងឧស្ម័នស្មើនឹង ៨៧ភាគរយនៃប្រាក់ចំណូលសរុបពីខាងក្រៅ ខណៈដែលផលិតកម្មប្រេងមាន ១,៥៤លានបារ៉ែលក្នុងមួយថ្ងៃ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៨ ខែកុម្ភៈ ឆ្នាំ ២០១៩


ឱនភាពពាណិជ្ជកម្មសហរដ្ឋអាមេរិកថយចុះនៅខែវិច្ឆិកា

ក្រុងវ៉ាស៊ីនតោន៖ ក្រសួងពាណិជ្ជកម្មអាមេរិកបានឱ្យដឹងក្នុងទិន្នន័យដែលចេញផ្សាយថា ឱនភាពកាលពីវិច្ឆិកា បានធ្លាក់ចុះមកត្រឹម ៤៩,៣ពាន់លានដុល្លារ ពីចំនួន ៥៥,៧ពាន់លានដុល្លារកាលពីខែតុលា។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៨ ខែកុម្ភៈ ឆ្នាំ ២០១៩


  • សេដ្ឋកិច្ចរបស់ឥណ្ឌូនេស៊ីកើនឡើងតែក្នុងកម្រិតមួយទាប
  • ការធ្វើពាណិជ្ជកម្មអនឡាញថៃលូតលាស់ខ្លាំងជាងគេនៅអាស៊ាន
  • អូស្ត្រាលីទម្លាក់ការព្យាករកំណើន
  • កំណើនការងារនៅអាមេរិកកើនខ្ពស់ ទោះមានបិទរដ្ឋាភិបាល
  • ពាណិជ្ជកម្មទំនិញរវាងប្រទេសចិន និងអាមេរិក
  • ថៃទទួលបានភ្ញៀវទេសចរជាង ៣៨លាននាក់
  • វៀតណាម-ថៃ នឹងជំរុញពាណិជ្ជកម្មដល់ $២០ពាន់លាន
  • បង់ក្លាដែសរំពឹងនាំចេញផលិតផលវាយនភណ្ឌ $១០០ ពាន់លាន
  • ធនាគារកណ្តាលកូរ៉េទម្លាក់ការព្យាករកំណើនសេដ្ឋកិច្ច
  • តម្រូវការពលករក្នុងប្រទេសថៃកំពុងមានការផ្លាស់ប្តូរ