ព័ត៌មានសេដ្ឋកិច្ច ក្នុងនិងក្រៅប្រទេស

home latest
តម្លៃប្រេងធ្លាក់ចុះ ព្រោះតែកង្វល់ផ្នែកពាណិជ្ជកម្ម

ញូយ៉ក ៖ យោងតាមភ្នាក់ងារសារព័ត៌មាន Reuters បានឱ្យដឹងកាលពីថ្ងៃទី៣ ខែមិថុនា កន្លងមកថា តម្លៃប្រេងបានឆ្លាក់ចុះកាលពីថ្ងៃចន្ទព្រោះតែជម្លោះពាណិជ្ជកម្មរវាងសហរដ្ឋអាមេរិក ជាមួយម៉ិកស៊ិក និងប្រទេសចិន ដែលកាន់តែជំរុញកង្វល់ទាក់ទិននឹងការឆ្លាក់ចុះនៃតម្រូវការប្រេងឆៅទូទាំងពិភពលោក។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃព្រហស្បតិ៍ ទី០៦ ខែមិថុនា ឆ្នាំ ២០១៩


វៀតណាមចំណេញច្រើនជាងគេពីជម្លោះពាណិជ្ជកម្ម

ក្រុងសិង្ហបុរី ៖ វៀតណាមគឺជាអ្នកឈ្មះធំជាងគេបំផុតពីសង្រ្គាមពាណិជ្ជកម្មរវាងអាមេរិក និងចិន រហូតមកដល់ពេលនេះដោយសារតែក្រុមហ៊ុននាំចូលស្វែងរកការបង្វែរទិសទៅបញ្ជាទិញ​របស់ពួកគេដើម្បីចៀសវាងផុតពីពន្ធនាំចូលកាន់តែខ្ពស់។ ក្នុងនោះ វៀតណាមដែលមានព្រំដែនជាប់ជាមួយប្រទេសចិនទទួលបានកំណើនបញ្ជាទិញពីការបង្វែរទិសដៅពាណិជ្ជកម្មលើទំនិញជាប់ពន្ធនាំចូលនេះស្មើនឹង ៧,៩% នៃផលិតផលក្នុងស្រុកសរុបគិតត្រឹមត្រីមាសដំបូង​ឆ្នាំ២០១៩។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី០៦ ខែមិថុនា ឆ្នាំ ២០១៩


IMF ជំរុញឱ្យបានរាំងពន្លឿនការធ្វើកំណែទម្រង់

ក្រុងប៉ារីស ៖ មូលនិធិរូបិយវត្ថុអន្តរជាតិ (IMF) កាលពីថ្ងៃចន្ទបានព្រមានប្រទេសបារាំងថាបំណុលសាធារណៈរបស់ប្រទេសនេះមានកម្រិត «ខ្ពស់ខ្លាំងពេកពីភាពកក់ក្តៅ» ដោយអំពាវ​នាវឱ្យប្រទេសត្រូវដោះស្រាយបញ្ហានេះតាមរយៈការបង្កើនល្បឿនការកែទម្រង់ចំណាយ។ ក្នុងរបាយការណ៍មួយដែលលើកឡើងពីការរកឃើញបឋមនៃបេសកម្មឆ្នាំ២០១៩ របស់ខ្លួន​ មូលនិធិ IMF បានឱ្យដឹងថា កំណែទម្រង់ពន្ធនិងកំណែទម្រង់ទីផ្សារការងារបានជួយរក្សា​សេដ្ឋកិច្ចឱ្យមានភាពរស់រវើក ទោះបីជាមានការថមថយកំណើនក៏ដោយ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៥ ខែមិថុនា ឆ្នាំ ២០១៩


ក្តីបារម្ភពីសង្រ្គាមពាណិជ្ជកម្មធ្វើឱ្យផ្សារហ៊ុនអាស៊ីធ្លាក់ចុះ

ក្រុងហុងកុង ៖ តម្លៃផ្សារហ៊ុនអាស៊ីបានធ្លាក់ចុះយ៉ាងខ្លាំងកាលពីថ្ងៃអង្គារ ដោយសារភាពតានតឹងផ្នែកពាណិជ្ជកម្មពិភពលោកដែលបានបន្តដាក់សម្ពាធលើទីផ្សារមួយនេះ។ ក្តីបារម្ភពីការធ្លាក់ចុះសេដ្ឋកិច្ចបានកើនឡើងខ្លាំងក្នុងរយៈពេលប៉ន្មានថ្ងៃថ្មីៗនេះ ខណៈលោកប្រធានាធិបតីអាមេរិក ដូណាល់ ត្រាំ បានគំរាមកំហែងប្រទេសម៉ិកស៊ិកជាមួយនឹងការដាក់ពន្ធនាំចូល ដែលនេះជាការបន្ថែមក្តីបារម្ភទៅលើសង្រ្គាមពាណិជ្ជកម្មរវាងអាមេរិក​ និងចិន ដែលមិនទាន់មានសញ្ញាដំណោះស្រាយទាល់តែសោះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៥ ខែមិថុនា ឆ្នាំ ២០១៩


ប្រេស៊ីលផ្អាកនាំចេញសាច់គោទៅប្រទេសចិន

ក្រុងរីយ៉ូដឺហ្សាណេរ៉ូ ៖ រដ្ឋាភិបាលរបស់ប្រទេសប្រេស៊ីលបានឱ្យដឹងកាលពីថ្ងៃចន្ទថា ខ្លួនបានផ្អាកការនំាចេញសាច់គោទៅកាន់ប្រទេសចិនបន្ទាប់ពីករណីជំងឺគោឆ្កួត ត្រូវបានរកឃើញ​នៅក្នុងរដ្ឋ Mato Grosso ដែលជាមជ្ឈមណ្ឌលកសិកម្មរបស់ប្រទេសនេះ។ សូមបញ្ជាក់ថា ប្រេស៊ីល​គឺជាប្រទេសនាំចេញសាច់គោ និងបក្សីធំជាងគេរបស់ពីភពលោក។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី០៥ ខែមិថុនា ឆ្នាំ ២០១៩


  • ថៃ-មីយ៉ាន់ម៉ាចុះកិច្ចព្រមព្រៀងបើកបរឆ្លងព្រំដែន
  • ទីផ្សារអចលនទ្រព្យនៅហូជីមិញនឹងងើបឡើងវិញក្នុងឆ្នាំនេះ
  • ថៃកាត់បន្ថយគោលដៅនំាចេញពី៨% មកស្មើនឹង៣%
  • សង្រ្គាមពាណិជ្ជកម្មប៉ះពាល់ក្រុមហ៊ុនអាកាសចរណ៍
  • វៀតណាមមានសក្តានុពលខ្លាំងក្នុងទីផ្សាររមណីយដ្ឋាន
  • ALIBABA សម្លឹងចុះបញ្ជីនៅផ្សារហ៊ុនហុងកុង
  • TOYOTA នឹងសាងសង់រោងចក្រនៅមីយ៉ាន់ម៉ា
  • ការវិនិយោគលើអចលនទ្រព្យសម្រាប់ធ្វើអាជីវកម្មសិង្ហបុរីកើនឡើង ៧២%
  • វៀតណាមស្ថិតក្នុងចំណោមគោលដៅកំពូលទាំង៣របស់អាស៊ាន សម្រាប់ ការវិនិយោគទុនឯកជន
  • និន្នាការវិនិយោគរួមគ្នាលើគម្រោងខុនដូនៅថៃកើនឡើង