ព័ត៌មានសេដ្ឋកិច្ច ក្នុងនិងក្រៅប្រទេស

home latest
កម្ពុជា-បារាំងរំពឹងពីកំណើនទេសចរទៅវិញទៅមក

ភ្នំពេញ៖ កម្ពុជា និងបារាំងរំពឹងថា កំណើនភ្ញៀវទេសចររវាងប្រទេសទាំងពីរនឹងកើនឡើងកាន់តែច្រើន បន្ទាប់ពីគណៈប្រតិភូរបស់ទីភ្នាក់ងារអភិវឌ្ឍន៍ទេសចរណ៍បារាំង (Atout France) បានធ្វើដំណើរទស្សនកិច្ចលើកដំបូងនៅកម្ពុជាក្នុងរយៈពេលពីរថ្ងៃពីថ្ងៃទី១១ ដល់ថ្ងៃទី១២ មិថុនា។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី១៣ ខែមិថុនា ឆ្នាំ ២០១៩


EMIRATES ដំណើរការជើងហោះហើរភ្នំពេញ-ឌូបៃ តាមបាងកកវិញ

ភ្នំពេញ៖ ក្រុមហ៊ុនអាកាសចរណ៍ Emirates Airlines បានបង្វែរជើងហោះហើរប្រចាំថ្ងៃរបស់ខ្លួន ភ្នំពេញ-ឌូបៃ​ តាមរយៈទីក្រុងបាងកកជំនួសឱ្យធ្វើការឈប់សំចតនៅទីក្រុង​យុំាងហ្គោន ប្រទេសមីយ៉ាន់ម៉ាវិញ ដោយសារតែកំណើនតម្រូវការការធ្វើដំណើរពីកម្ពុជាទៅទីក្រុងបាងកក។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី១២ ខែមិថុនា ឆ្នាំ ២០១៩


EDC និងក្រុមហ៊ុនចិនចុះកិច្ចព្រមព្រៀងសង់រោងចក្រអគ្គីសនី

ភ្នំពេញ៖ អគ្គីសនីកម្ពុជាកាលពីថ្ងៃម្សិលមិញបានចុះកិច្ចព្រមព្រៀងជាមួយក្រុមហ៊ុនចិនចំនួនពីរគឺ CGGC-Un Power Co.,Ltd និង China National Heavy machinery Cooperation ដើម្បីសាងសង់រោងចក្រអគ្គីសនីដែលមានថាមពល​៤០០មេហ្គាវ៉ាត់ ដែលដំណើរការដោយប្រេងខ្មៅ​(HFO) និងឧស្ម័ន (LNG) ក្នុងតម្លៃ ៣៨០លានដុល្លារ។ រោងចក្រនេះនឹងត្រូវសាងសង់ឡើងក្នុងឃុំកោះរះ ស្រុកល្វាឯម ខេត្តកណ្តាល ដែលនឹងប្រើប្រាស់ពេល១០ខែ។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី១២ ខែមិថុនា ឆ្នាំ ២០១៩


ប្រាក់ចំណេញរបស់ធនាគារ ABA កើនឡើង៥៥%

ភ្នំពេញ៖ របាយការណ៍ប្រចាំឆ្នាំបានចេញផ្សាយកាលពីម្សិលមិញថា ធនាគារ ABA បានរាយការណ៍ប្រាក់ចំណេញសុទ្ធ ៧១,៨លានដុល្លារកាលពីឆ្នាំមុន​ កើនឡើង៥៥% ធៀបនឹង ៤៦,២លានដុល្លារកាលពីឆ្នាំ២០១៧។ របាយការណ៍ក៏បានបង្ហាញថា ផលបត្រប្រាក់បញ្ញើ បានកើនឡើងដល់ ២,២ ពាន់លានដុល្លារ ធៀបនឹង១,៣ ពាន់លានដុល្លារ​ កាលពីឆ្នាំ២០១៧ ខណៈផលបត្រកម្ចី បានកើនឡើងដល់ ១,៨ពាន់លានដុល្លារ កើនឡើង៤៩% ធៀបនឹងរយៈពេលដូចគ្នាកាលពីឆ្នាំមុន។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃអង្គារ ទី១១ ខែមិថុនា ឆ្នាំ ២០១៩


ក្រសួងព្រមានភ្នាក់ងារទេសចរណ៍ដែលផ្តល់ចំណាត់ថ្នាក់សណ្ឋាគារ

ភ្នំពេញ៖ សេចក្តីប្រកាសរបស់ក្រសួងទេសចរណ៍កាលពីសប្តាហ៍មុនបានឱ្យដឹងថា ក្នុងរយៈ​ពេលប៉ុន្មានថ្ងៃនេះក្រសួងសង្កេតឃើញថា មានព័ត៌មានមួយចំនួនបានផ្សព្វផ្សាយពាក់ព័ន្ធនឹងការដាក់ចំណាត់ថ្នាក់សណ្ឋាគារដែលវាយតម្លៃដោយក្រសួងទេសចរណ៍។ គេហទំព័រ​ ទាំងនោះរួមមាន TripAdvisor, Agoda, Booking.com, និង Expedia ជាដើម។ ក្រសួងទេសចរណ៍បានបញ្ជាក់ថា រាល់ការវាយតម្លៃផ្តល់ចំណាត់ថ្នាក់សណ្ឋាគារ ចាំបាច់ត្រូវផ្តល់ដោយក្រសួងទេសចរណ៍ សម្រាប់សណ្ឋាគារមានលក្ខណៈសម្បត្តិគ្រប់គ្រាន់តាមការកំណត់​នៃចំណាត់ថ្នាក់ផ្កាយណាមួយ។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃចន្ទ ទី១០ ខែមិថុនា ឆ្នាំ ២០១៩


  • ចំណូលពីការលក់សំបុត្រចូលអង្គរធ្លាក់ចុះ៨%
  • ផ្សារទំនើបថ្មីៗកំពុងប្រល័យផ្សារទំនើបចាស់ៗ និងផ្សារប្រពៃណី
  • ៤ខែដើមឆ្នាំទំនិញឆ្លងកាត់កំពង់ផែស្វយ័តក្រុងព្រះសីហនុកើនឡើងជាង២១%
  • ការនាំចេញសម្បុកត្រចៀកកាំទៅចិននឹងកើតឡើងឆាប់ៗ
  • របត់នៃការវិនិយោគថ្មីស្វែងយល់អំពីទីផ្សារអចលនទ្រព្យទីក្រុងភ្នំពេញ តាមរយៈកម្មវត្ថុនៃ ការវិនិយោគ
  • ការប្រកួតប្រជែងលើសេវាកម្មផ្ទេរប្រាក់ធ្វើអោយកម្រៃជើងសារកាន់តែទាប
  • រយៈពេល៤ខែទុនវិនិយោគវិស័យសំណង់កើនជាង ២,៨០០លានដុល្លារ ក្នុងនោះទុនវិនិយោគដោយចិននៅតែឈានមុខគេ
  • ទំហំវិនិយោគរបស់ម៉ាឡេស៊ីនៅកម្ពុជាមានប្រមាណជាង២,៧ពាន់លានដុល្លារក្នុងរយៈពេលជាង ២៤ឆ្នាំ និងប្តេជ្ញាយកចំណាត់វិនិយោគថ្នាក់កំពូល
  • កម្ពុជាត្រូវត្រៀមខ្លួនឱ្យកាន់តែប្រសើរដើម្បីទាក់ទាញទេសចរចិន
  • នាំចូលជ្រូកពីថៃកើនខណៈការផ្គត់ផ្គង់ពីវៀតណាមថយ