ព័ត៌មានសេដ្ឋកិច្ច ក្នុងនិងក្រៅប្រទេស

home latest
កម្ពុជា-វៀតណាមពិភាក្សាគ្រាដើម្បីជំរុញពាណិជ្ជកម្ម

ព្រៃវែង៖ អាជ្ញាធរខេត្តព្រៃវែង និងអាជ្ញាធរខេត្ត Dong Thap របស់ប្រទេសវៀតណាមបានជួបពិភាក្សាគ្នាដើម្បីពង្រឹងកិច្ចសហប្រតិបត្តិការពាណិជ្ជកម្មតាមច្រកព្រំដែន។ ជំនួបនេះ​ធ្វើឡើងបន្ទាប់ពីច្រកអន្តរជាតិគោកថ្មីមួយត្រូវបានបើកដំណើរការកាលពីខែឧសភា ឆ្នាំនេះ ដើម្បីសម្រួលដល់ការនាំចេញចូល​ទំនិញរវាងប្រទេសទាំងពីរ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី១៤ ខែសីហា ឆ្នាំ ២០១៩


NIEN MADE ENTERPRISE មានផែនការពង្រីកបន្ថែមនៅកម្ពុជា

ភ្នំពេញ៖ រោងចក្រផលិតវាំងនន Nien Made Enterprise ដែលមានមូលដ្ឋាននៅ​ប្រទេសចិនបានប្រកាសពីគម្រោងមកពង្រីករោងចក្រនៅក្នុងប្រទេសកម្ពុជាដើម្បីគេចពីសង្រ្គាមពាណិជ្ជកម្មរវាងចិន និងអាមេរិក។ មន្រ្តីទំនាក់ទំនងសាធារណៈរបស់ក្រុមហ៊ុននេះ បាន​ប្រាប់កាសែត Taipei Times ថា ការពង្រីកចង្វាក់ផលិតកម្មរបស់ខ្លួននៅតំបន់អាស៊ីគឺ​ដើម្បីកាត់បន្ថយផលប៉ះពាល់ការបង់ពន្ធខ្ពស់ទៅអាមេរិក។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១៣ ខែសីហា ឆ្នាំ ២០១៩


ទំហំឥណទានប្រើប្រាស់កើនដល់ជាង$៧ពាន់លាន

ភ្នំពេញ៖ របាយការណ៍របស់ការិយាល័យឥណទានកម្ពុជា (CBC) ដែលបានចេញផ្សាយកាលពីសប្តាហ៍មុនបានឱ្យដឹងថា ទំហំកម្ចីសម្រាប់ប្រើប្រាស់ផ្ទាល់ខ្លួនសរុបនៅក្នុងប្រទេសកម្ពុជាបានបន្តកើនឡើងដល់៧,១៦ពាន់លានដុល្លារនៅចុងខែមិថុនាឆ្នាំនេះ កើនឡើង៦,៨% ធៀបនឹងត្រីមាសទី១។ របាយការណ៍ CBC បានឱ្យដឹងទៀតថា មានគណនីចំនួន ១,១៩លានត្រូវបានបើកសម្រាប់សុំកម្ចីប្រើប្រាស់លក្ខណៈបុគ្គលគិតត្រឹមចុងខែមិថុនា កើនឡើង៥% ធៀបនឹងត្រីមាសមុន ឬស្មើនឹង៣៧,៦៧%នៃគណនីបុគ្គលសរុបនៅលើ​ទីផ្សារនេះ។ភ្នំពេញ៖ របាយការណ៍របស់ការិយាល័យឥណទានកម្ពុជា (CBC) ដែលបានចេញផ្សាយកាលពីសប្តាហ៍មុនបានឱ្យដឹងថា ទំហំកម្ចីសម្រាប់ប្រើប្រាស់ផ្ទាល់ខ្លួនសរុបនៅក្នុងប្រទេសកម្ពុជាបានបន្តកើនឡើងដល់៧,១៦ពាន់លានដុល្លារនៅចុងខែមិថុនាឆ្នាំនេះ កើនឡើង៦,៨% ធៀបនឹងត្រីមាសទី១។ របាយការណ៍ CBC បានឱ្យដឹងទៀតថា មានគណនីចំនួន ១,១៩លានត្រូវបានបើកសម្រាប់សុំកម្ចីប្រើប្រាស់លក្ខណៈបុគ្គលគិតត្រឹមចុងខែមិថុនា កើនឡើង៥% ធៀបនឹងត្រីមាសមុន ឬស្មើនឹង៣៧,៦៧%នៃគណនីបុគ្គលសរុបនៅលើ​ទីផ្សារនេះ។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី១៣ ខែសីហា ឆ្នាំ ២០១៩


ដើម្បីសម្រេចបានការនាំចេញអង្ករឱ្យបាន១លានតោន កម្ពុជាត្រូវការពេលយ៉ាងហោចណាស់៣ឆ្នាំទៀតដែរ

ភ្នំពេញ៖ មន្រ្តីជាន់ខ្ពស់ក្រសួងពាណិជ្ជកម្មបានបង្ហាញការវាយតម្លៃក៏ដូចជាបង្ហាញក្តីរំពឹងថា កម្ពុជាអាចនាំចេញអង្ករបាន១លានតោនក្នុងមួយឆ្នាំ គឺកម្ពុជាត្រូវការពេលវេលាយ៉ាងហោចណាស់ពី២​ ទៅ៣ឆ្នាំទៀត​ ដើម្បីរៀបចំកត្តាមួយចំនួនដូចជា ការគ្រប់គ្រង ការប្រមូលទិញ និងកំណែទម្រង់ទាំងគោលនយោបាយ ទិសដៅ និងការអនុវត្តក្នុងការជំរុញ​ធ្វើ​ទំនើបកម្មកសិកម្ម និងលើកកម្ពស់អភិក្រម «រដ្ឋ-ឯកជន-ដៃគូអភិវឌ្ឍន៍-សហគមន៍»​ ដោយផ្តោតជាសំខាន់លើយន្តការពាណិជ្ជកម្មកសិកម្ម ការកែច្នៃផលិតផលកសិកម្ម ការបំពេញខ្សែច្រវាក់ផលិតកម្ម ការផលិតពូជសុទ្ធ និងការអនុវត្តផលិតកម្មកសិកម្មតាម​កិច្ច​សន្យា​​ ដើម្បីបង្កើនការប្រកួតប្រជែងដល់ប្រជាកសិករ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី១២ ខែសីហា ឆ្នាំ ២០១៩


រោងចក្រផលិតនំស្រួយទី២របស់លីលី ដំណើរការជាផ្លូវការ

ភ្នំពេញ៖ រោងចក្រផលិតនំស្រួយ LY LY Kameda Co.,Ltd តម្លៃជាង ១៦លានដុល្លារដែលជាការវិនិយោគរួមគ្នារវាងក្រុមហ៊ុនក្នុងស្រុក LY LY Food Industry Co., LTD. និងក្រុមហ៊ុនជប៉ុន Kameda Seika Co., Ltd បានបើកដំណើរការជាផ្លូវការកាលពីថ្ងៃសៅរ៍។ រោងចក្រនេះមានសមត្ថភាពផលិតនំស្រួយសម្រាប់នាំចេញទៅទីផ្សារអន្តរជាតិបានប្រ​មាណ​​​ជា​ង ៣ ០០០តោនក្នុងមួយឆ្នាំ និងប្រើប្រាស់កម្លាំងពលកម្មប្រមាណ​២៥០នាក់។

ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃចន្ទ ទី១២ ខែសីហា ឆ្នាំ ២០១៩


  • អាកាសធាតុ-ជំនន់ទឹកភ្លៀងអាចប៉ះពាល់ដល់ជើងហោះហើរទៅខេត្តព្រះសីហនុ
  • ការផ្ញើប្រាក់ពីកូរ៉េមកកម្ពុជាមានជាង២១លានដុល្លារ
  • វេទិកាធុរកិច្ច កម្ពុជា-ស្រីលង្កា បង្កើនទំនាក់ទំនងវិនិយោគពាណិជ្ជកម្ម
  • ខែកក្កដា CDC ចេញវិញ្ញាបនបត្រចុះបញ្ជីវិនិយោគជាង១០០លានដុល្លារ
  • វិស័យឯកជន៖ ការកាត់បន្ថយថ្ងៃឈប់សម្រាកនឹងជួយបង្កើនផលិតភាព
  • CDC ជំរុញការវិនិយោគនៅតាមព្រំដែនបន្ថែម
  • កម្ពុជាទទួលបានភ្ញៀវទេសចរជាង៣លាននាក់ក្នុងឆមាសទី១ឆ្នាំ២០១៩
  • ប្រាក់ចំណេញរបស់រដ្ឋាករទឹកត្រីមាសទី២ធ្លាក់ចុះ៥៣ភាគរយ
  • ម្រេច GI កំពុងប្រឈមបញ្ហាទីផ្សារ ខណៈការផលិតកើន
  • ការប្រើប្រាស់ហិរញ្ញវត្ថុប្រកបដោយចីរភាពត្រូវបានយកចិត្តទុកដាក់