ព័ត៌មានសេដ្ឋកិច្ច ក្នុងនិងក្រៅប្រទេស

home latest
ឱនភាពថវិការបស់ថៃនឹងកើនឡើងដល់ ៤៥០ពាន់លានបាតជាថ្មីទៀត

ក្រុងបាងកក៖ ថវិកាជាតិរបស់ថៃសម្រាប់ឆ្នាំសារពើពន្ធ២០២០ នឹងកើនដល់ ៣,២ពាន់ពាន់លានបាត កើនចំនួន ២០០ពាន់លានបាត បើធៀបនឹងសារពើពន្ធឆ្នាំ២០១៩ ដែលគិតត្រឹមថ្ងៃទី៣០ ខែកញ្ញា ដែលនាំឱ្យមានឱនភាព ៤៥០ ពាន់លានបាតស្មើនឹងចំនួនឆ្នាំសារពើពន្ធមុន។ កិច្ចប្រជុំរួមកាលពីថ្ងៃសៅរ៍របស់ធនាគារកណ្តាលថៃ ក្រុមប្រឹក្សាអភិវឌ្ឍន៍សេដ្ឋកិច្ច និងសង្គម ការិយាល័យគោលនយោបាយសារពើពន្ធ ដែលដឹកនាំដោយលោកនាយករដ្ឋមន្ត្រី ប្រាយុទ្ធចាន់-អូចា បាន​​អនុម័តផែនការថវិកាប្រចាំឆ្នាំសម្រាប់សារពើពន្ធ ២០២០។ ថវិកាឆ្នាំសារពើពន្ធ ២០២០ គឺផ្អែកលើកំណើនសេដ្ឋកិច្ចជាក់ស្តែងដែលបានព្យាករ ៤ភាគរយក្នុងឆ្នាំ២០២០ ដោយមិនរាប់បញ្ចូលអតិផរណាទេ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៧ ខែមករា ឆ្នាំ ២០១៩


សន្ទស្សន៍ផ្សារហ៊ុនធំៗនៅអាស៊ី

ផ្សារភាគហ៊ុនធំៗនៅអាស៊ីបានចាប់ផ្តើមមិនល្អក្នុងឆ្នាំថ្មីនេះ ដោយសន្ទស្សន៍ហ៊ុនពេលបិទទីផ្សារនៅថ្ងៃទី២ ខែមករា បានធ្លាក់ចុះ។ ការធ្លាក់ចុះថ្លៃរបស់ផ្សារហ៊ុននេះ បង្កឡើងដោយ​សារវិនិយោគិននៅតែមានភាពប្រុងប្រយ័ត្ន និងទំនុកចិត្តនៅទាប ដោយសារទិន្នន័យសេដ្ឋ-កិច្ចមិនល្អរបស់ចិន ជម្លោះពាណិជ្ជកម្មរវាងចិន និងអាមេរិក បញ្ហា Brexit ជាដើម។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៤ ខែមករា ឆ្នាំ ២០១៩


សេដ្ឋកិច្ចសិង្ហបុរីកើនទាបជាងការព្យាករ

ក្រុងសិង្ហបុរី៖ ក្រសួងពាណិជ្ជកម្ម និងឧស្សាហកម្មសិង្ហបុរី បានឱ្យដឹងនៅក្នុងសេចក្តីប្រកាសព័ត៌មានមួយថា សេដ្ឋកិច្ចដែលពឹងផ្អែកលើពាណិជ្ជកម្មមួយនេះបានកើនឡើង ១,៦ភាគរយ ក្នុងអំឡុងពេលខែតុលា ដល់ខែធ្នូ ធៀបនឹងរយៈពេល ៣ខែមុននេះ ដោយឈរលើមូលដ្ឋានកែតម្រូវប្រចាំឆ្នាំ និងតាមរដូវកាល។ កំណើននេះមានកម្រិតទាបជាងការរំពឹងទុក។ ទិន្នន័យបានបង្ហាញថា ដោយឈរលើមូលដ្ឋានប្រចាំឆ្នាំដែលកែតម្រូវតាមរដូវ​កាល វិស័យផលិតកម្មបានធ្លាក់ចុះ ៨,៧ភាគរយ ធៀបនឹងរយៈពេលដូចគ្នាកាលពីត្រីមាស​មុន ដែលស្ទុះងើបឡើងវិញពីកំណើន ៣,១ភាគរយនៅត្រីមាសទី៣។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី៣ ខែមករា ឆ្នាំ ២០១៩


ភ្ញៀវទេសចរទៅកាន់កូរ៉េខាងត្បូងកើនឡើង ២៣,៥% ក្នុងខែវិច្ឆិកា

ក្រុងសេអ៊ូល៖ ចំនួនភ្ញៀវទេសចរបរទេសទៅកាន់ប្រទេសកូរ៉េខាងត្បូងបានកើនឡើង ២៣,៥% កាលពីខែវិច្ឆិកា បើធៀបនឹងរយៈពេលដូចគ្នានៃឆ្នាំមុន។ យោងតាមអង្គការវិស័យទេសចរណ៍កូរ៉េ (KTO) បានឱ្យដឹងថា ជនបរទេសប្រមាណ ១,៣៥លាននាក់បានធ្វើដំណើរទៅកាន់កូរ៉េខាងត្បូងកាលពីខែមុន ឬច្រើនជាងឆ្នាំមុនដែលកើនឡើងបានដល់ទៅ ១,០៩លាននាក់។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃពុធ ទី២៦ ខែធ្នូ ឆ្នាំ ២០១៨


ប្រាក់ចំណេញក្នុងវិស័យឧស្សាហកម្មរបស់ចិនកើនឡើង ១១,៨%

ក្រុងប៉េកាំង៖ ការលូតលាស់ប្រាក់ចំណេញក្នុងឧស្សាហកម្មរបស់ចិនបានកើនឡើង កាលពី ១១ខែដំបូងនាឆ្នាំនេះ ព្រោះតែអត្រាចំណេញកើនឡើង ខណៈដែលការចំណាយធ្លាក់ចុះ។  ការិយាល័យស្ថិតិជាតិរបស់ប្រទេសចិនបានឱ្យដឹងកាលពីថ្ងៃព្រហស្បតិ៍ថា ប្រាក់​ចំណេញឧស្សាហកម្មរបស់សហគ្រាសចិនបានកើនឡើង ១១,៨% បើធៀបនឹងឆ្នាំមុន ទាបជាងក្នុងអំឡុងពីខែមករាដល់ខែតុលា ដែលកើនឡើងបាន ១៣,៦%។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃសុក្រ ទី២៨ ខែធ្នូ ឆ្នាំ ២០១៨


  • សេដ្ឋកិច្ចម៉ាឡេស៊ីនឹងលូតលាស់ចាប់ពីខែកុម្ភៈដល់ខែមេសា
  • ថៃអាចសម្រេចទិសដៅនាំចេញនៅឆ្នាំនេះ
  • សេដ្ឋកិច្ចឌីជីថល ចូលរួមចំណែកកាន់តែច្រើនដល់ ផ.ស.ស របស់ប្រទេសចិន
  • វិស័យលក់រាយនៅអង់គ្លេសកាត់បន្ថយការងារ ១៥០ពាន់នាក់ នៅឆ្នាំ២០១៨
  • កូរ៉េនឹងទទួលពលករបរទេស ៥៦ពាន់នាក់នៅឆ្នាំ២០១៩
  • ថៃដាក់គោលដៅភ្ញៀវទេសចរជាង ៤០លាននាក់នៅឆ្នាំ២០១៩
  • ឱនភាពពាណិជ្ជកម្មជប៉ុនកើនឡើងនៅខែវិច្ឆិកាកន្លងមក
  • សេដ្ឋកិច្ចកូរ៉េនឹងលូតលាស់បានចន្លោះពី ២,៦ ទៅ ២,៧% នៅឆ្នាំ២០១៩
  • សេដ្ឋកិច្ចពិភពលោកក្នុងឆ្នាំ២០១៩ ចាប់ផ្តើមអន់
  • បង់ក្លាដេស