ព័ត៌មានសេដ្ឋកិច្ច ក្នុងនិងក្រៅប្រទេស

home latest
ការនាំចេញផលិតផលឧស្សាហកម្មមានតម្លៃដល់ជាង $៣,១៣ពាន់លាន

ភ្នំពេញ៖ ទិន្នន័យដែលចេញផ្សាយដោយអគ្គនាយកដ្ឋានគយ និងរដ្ឋាករបានបង្ហាញថា ប្រទេសកម្ពុជានាំចេញសម្លៀកបំពាក់មានតម្លៃជាង ២,៣២ពាន់លានដុល្លារ នៅក្នុងអំឡុងរយៈពេល ៤ខែឆ្នាំនេះ ធ្លាក់ចុះ ៣,៤០ភាគរយ បើធៀបនឹងរយៈពេលដូចគ្នាកាលពីឆ្នាំមុន ខណៈគ្រាន់តែការនាំចេញស្បែកជើងមានតម្លៃជាង ៤១២លានដុល្លារ កើនឡើង ១៨,០៦ភាគរយ និងទំនិញធ្វើដំណើរមានតម្លៃជាង ៣៨៨លានដុល្លារ កើនឡើង ២២,០៦ភាគរយ ក្នុងអំឡុងពេលនេះ។ លោក វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជា (GMAC) បានឱ្យដឹងថា ការកើនឡើងនេះត្រូវជំរុញដោយការបញ្ជាទិញរបស់អ្នកទិញមុនពេលរីករាលដាលកូវីដ១៩។ ទោះជាយ៉ាងណាវានឹងធ្លាក់ចុះក្នុងរយៈពេលជាច្រើនខែខាងមុខនេះ ដោយសារតែការព្យួរការបញ្ជាទិញរបស់អ្នកទិញសំខាន់ៗនៅអាមេរិក និងអឺរ៉ុបសម្រាប់ផលិតផលមួយចំនួន ដោយសារការរីករាលដាលជំងឺកូវីដ១៩ នៅទូទាំងពិភពលោក។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១២ ខែឧសភា ឆ្នាំ២០២០


ចំនួនកុងតឺន័រឆ្លងកាត់កំពង់ផែក្រុងព្រះសីហនុ មានកំណើនជិត ៥%

ភ្នំពេញ៖ ទិន្នន័យដែលទទួលបានពីលោក លូ គឹមឈន់ ប្រធានអគ្គនាយកកំពង់ផែស្វយ័តក្រុងព្រះសីហនុកាលពីថ្ងៃចន្ទបង្ហាញថា គិតចាប់ពីដើមឆ្នាំ២០២០ រហូតដល់ថ្ងៃទី១០ ខែឧសភា កំពង់ផែស្វយ័តព្រះសីហនុ ទទួលទូកុងតឺន័រឆ្លងកាត់សរុប ២១៨ ០៥០ (TEUs) កើន ៤,៩២ភាគរយ បើធៀបនឹងរយៈពេលដូចគ្នាឆ្នាំ២០១៩ ដែលមាន ២០៧ ៨១៨ (TEUs)។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១២ ខែឧសភា ឆ្នាំ២០២០


ការនាំចូលជី និងថ្នាំកសិកម្មកើនជាង ៩ភាគរយ

ភ្នំពេញ៖ យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ កម្ពុជាបាននាំចូលជី និងថ្នាំកសិកម្មក្នុងបរិមាណជាង ១,២លានតោន កាលពីឆ្នាំ២០១៩ កើនជាង ៩ភាគរយ បើធៀបទៅនឹងឆ្នាំ២០១៨ ដែលមានចំនួនជាង ១,១លានតោន។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី៦ ខែឧសភា ឆ្នាំ២០២០


វិស័យទេសចរណ៍រងឥទ្ធិពលខ្លាំងពីវីរុសកូវីដ១៩

ភ្នំពេញ៖ ទិន្នន័យពីក្រសួងទេសចរណ៍ដែលភ្នំពេញប៉ុស្តិ៍ទើបទទួលបានបង្ហាញថា នៅក្នុងរយៈពេល ៣ខែដំបូង ឆ្នាំ២០២០ កម្ពុជាទទួលបានភ្ញៀវទេសចរសរុប ១ ១៥៥ ២២៦នាក់ ធ្លាក់ចុះ ៣៨,៥ភាគរយ ធៀបនឹងរយៈពេលដូចគ្នាឆ្នាំ២០១៩ ដែលមានចំនួន ១ ៨៧៧ ៨៥៣នាក់។ ក្នុងនោះភ្ញៀវធ្វើដំណើរតាមផ្លូវអាកាសមានចំនួន ៦៦៣ ៦៤១នាក់ ធ្លាក់ចុះ ៤៨,៩ភាគរយ ចំណែកភ្ញៀវធ្វើដំណើរតាមផ្លូវគោក និងទឹកមានចំនួន ៤៩១ ៥៨៥នាក់ ធ្លាក់ចុះ ១៥,១ភាគរយ។ លោក តុប សុភ័ក អ្នកនាំពាក្យក្រសួងទេសចរណ៍បានឱ្យដឹងថា មូលហេតុតែមួយគត់ ដែលធ្វើឱ្យភ្ញៀវទេសចរបរទេសមកទស្សនាកម្ពុជាធ្លាក់ចុះគឺដោយ​សារ​ការរីករាលដាលនៃជំងឺកូវីដ១៩ ព្រោះការផ្ទុះឡើងនៃជំងឺនេះបានធ្វើឱ្យមនុស្សមានការភ័យខ្លាច ហើយអាជ្ញាធររបស់ប្រទេសនីមួយៗក៏បានរឹតបន្តឹងការធ្វើដំណើរដើម្បីបង្ការការឆ្លងរាលដាលជំងឺកូវី១៩។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី៦ ខែឧសភា ឆ្នាំ២០២០


ការនាំចេញផលដំឡូងមីមានកំណើនតិចតួចនៅក្នុងត្រីមាសទី១

ភ្នំពេញ៖​ របាយការណ៍ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេល ៣ខែដំបូង ឆ្នាំ២០២០ ការនាំចេញដំឡូងមីពីកម្ពុជាសម្រេចបាន ១ ១១៥ ៣៦៥ តោន កើនឡើងជិត ២ភាគរយ បើធៀបនឹងរយៈពេលដូចគ្នាកាលពីឆ្នាំមុនដែលមានចំនួន ១ ០៩៧ ៨០៣តោន។ ផលដំឡូងមីដែលនាំចេញរួមាមាន ចំណិតដំឡូងមី ដំឡូងមីស្រស់ ម្សៅដំឡូងមី និងកាកសំណល់ដំឡូងមី ហើយត្រូវបាននាំទៅទីផ្សារប្រទេសថៃ វៀតណាម ឥណ្ឌា ចិន និងបែលហ្ស៊ិក។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី៣០ ខែមេសា ឆ្នាំ២០២០


  • ការនាំចេញទឹកមាត់ត្រចៀកកាំជាផ្លូវការទៅប្រទេសចិនអាចពន្យារដល់ឆ្នាំក្រោយ
  • ទំហំពាណិជ្ជកម្មកម្ពុជា-វៀតណាម កើនជាង ១៥ ភាគរយក្នុងត្រីមាសទី១
  • ការនាំចេញអង្ករ ៤ខែឆ្នាំនេះ បានជាង ៣០ម៉ឺនតោន ស្មើនឹង $២១០លាន
  • កម្ពុជានឹងបង្កើតថ្នាលទូរស្សន៍ឌីជីថលជាតិឆាប់ៗនេះ
  • កម្ពុជាទទួលបានរោងចក្របើកថ្មី ៧៧ ខណៈរងការគំរាមកំហែងពីជំងឺឆ្លងកូវីដ ១៩
  • គម្រោងវិនិយោគមានទឹកប្រាក់ជិត ៦០០លានដុល្លារ ត្រូវបានអនុម័ត
  • ការផលិតអំបិលឆ្នាំនេះនឹងសម្រេចតាមផែនការគ្រោងទុក
  • កម្ពុជារកចំណូលបាន $២១ លាន ពីវិស័យរ៉ែក្នុងឆ្នាំ២០១៩
  • HYUNDAI ទទួលបានសិទ្ធិសាងសង់អ៊ីអន ៣ នៅកម្ពុជា
  • ចំណូលរបស់ PPAP កើនឡើង ៣០% ក្នុងត្រីមាសទី១