ព័ត៌មានសេដ្ឋកិច្ច ក្នុងនិងក្រៅប្រទេស

home latest
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី៤ ខែកុម្ភៈ ឆ្នាំ ២០២០

ភ្នំពេញ៖ ពាណិជ្ជកម្មទ្វេភាគីរវាងកម្ពុជា និងកូរ៉េខាងត្បូងសម្រេចបានជាង ១ពាន់លានដុល្លារកាលពីឆ្នាំ២០១៩ កើនឡើងជាង ៣៦ភាគរយធៀបនឹង ៧៥៦លានដុល្លារកាលពីឆ្នាំ២០១៨។ ប្រទេសកម្ពុជាបាននាំចេញ ៣៣៥លានដុល្លារទៅកូរ៉េ ខណៈនាំចូលមកវិញ ៦៩៦លានដុល្លារក្នុងអំឡុងពេលនេះ។ នេះបើតាមការលើកឡើងរបស់សម្តេចនាយករដ្ឋមន្ត្រី ហ៊ុន សែន ក្នុងជំនួបជាមួយពលករកម្ពុជានៅកូរ៉េខាងត្បូងកាលពីថ្ងៃចន្ទ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី៥ ខែកុម្ភៈ ឆ្នាំ ២០២០


ទេសចរអន្តរជាតិមកកម្ពុជាកើនឡើង ៦,៦ភាគរយ

ភ្នំពេញ៖ នៅ​ឆ្នាំ​២០១៩ ភ្ញៀវទេសចរ​អន្តរជាតិ​សរុប​ដែលបាន​ធ្វើដំណើរ​មក​កម្ពុជា​មាន​ចំនួន ៦,៦១ ​លាន​នាក់​ កើនឡើង ៦,៦​ភាគរយ បើ​ធៀប​នឹង​ឆ្នាំ​២០១៨ ដែលមាន​ចំនួន ៦,២០ ​លាន​នាក់​។ នេះ​បើ​យោងតាម​ទិន្នន័យ​ពី​រដ្ឋមន្ត្រីក្រសួង​ទេសចរណ៍​កម្ពុជា​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី៤ ខែកុម្ភៈ ឆ្នាំ ២០២០


CDC បានអនុម័តគម្រោងវិនិយោគ $៣០លាននៅក្នុងខែមករា

ភ្នំពេញ៖ តួលេខ​ចេញផ្សាយ​ដោយក្រុមប្រឹក្សាអភិវឌ្ឍន៍កម្ពុជា (CDC) ក្នុង​អំឡុង​ខែមករា និង​ត្រូវបាន​គណនា​ដោយ​ភ្នំពេញប៉ុស្ដិ៍​បង្ហាញ​ថា មាន​គម្រោង​វិនិយោគ​លើ​វិស័យ​កាត់ដេរ និង​ផលិតផល​ធ្វើ​ដំណើរ ៧ ត្រូវ​បាន​អនុម័ត​ដែល​មាន​តម្លៃ ៣៣,៤​លាន​ដុល្លារ​។ របាយការណ៍​របស់​អគ្គនាយកដ្ឋាន​គយ និង​រដ្ឋាករ​បាន​ឲ្យ​ដឹង​កាលពី​ខែ​មុន​ថា កម្ពុជា​បាន​នាំចេញ​ផលិតផល​សម្លៀកបំពាក់ វាយនភណ្ឌ និង​ស្បែកជើង​មាន​តម្លៃ​ជាង​ ៧,៩៧​ពាន់​លាន​ដុល្លារ​ នៅ​រយៈពេល ៩​ខែ​ដំបូង​កាលពី​ឆ្នាំមុន​កើន​ ១៣,១៨​ភាគរយ ​ធៀប​នឹង ៧,០៤៤ពាន់​លាន​ដុល្លារ​ ក្នុង​រយៈពេល​ដូចគ្នា​ឆ្នាំ​២០១៨​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី៤ ខែកុម្ភៈ ឆ្នាំ ២០២០


ការនាំចេញរបស់កម្ពុជាទៅជប៉ុនកើនដល់ជាង ១,៧ពាន់លានដុល្លារ

ភ្នំពេញ៖ ការនាំចេញ​របស់​កម្ពុជា​ទៅកាន់​ទីផ្សារ​ប្រទេស​ជប៉ុន​ សម្រេច​បាន​ ១,៧ពាន់​លាន​ដុល្លារ​ កាលពី​ឆ្នាំ២០១៩ កើនឡើង ៧,៧ភាគរយ បើ​ធៀប​នឹង​ឆ្នាំ​២០១៨​។ ​កម្ពុជា​បាន​នាំចូល​ទំនិញ​ពី​ជប៉ុន​មាន​តម្លៃ​ជាង​ ៥៦៣លាន​ដុល្លារ​ កើនឡើង ៣៣,៤ ​ភាគរយ បើ​ធៀប​នឹង​ឆ្នាំ​ ២០១៨​។ នេះ​បើតាម​ទិន្នន័យ​ពី​អង្គការ​ពាណិជ្ជកម្ម​ក្រៅប្រទេស​របស់​ជប៉ុន Jetro​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៣ ខែកុម្ភៈ ឆ្នាំ ២០២០


ក្រសួងជំរុញឱ្យយកផលិតផលគុណភាពល្អៗចុះបញ្ជី GI

ភ្នំពេញ៖ ក្រសួង​ពាណិជ្ជកម្ម​លើកទឹកចិត្ត​ឲ្យ​អង្គការ​អភិវឌ្ឍន៍​នានា​ស្វែងរក​ផលិតផល​សក្តានុពល​នៅតាម​តំបន់​នីមួយៗ​ដើម្បី​យកមក​ចុះបញ្ជី​ម៉ាក​សម្គាល់​ភូមិសាស្ត្រ(GI) ​ឲ្យ​បាន​​កាន់តែ​ច្រើន​ក្នុង​គោលបំណង​ដើម្បី​លើកស្ទួយ​កិត្តិនាម​នូវ​ផលិតផល​ទាំងនោះ និង​ជំរុញ​ការនាំចេញ​។ មកដល់​ពេលនេះ​មាន​ផលិតផល​សម្គាល់​ភូមិសាស្ត្រ (GI) ចំនួន ៣ នៅ​កម្ពុជា​ត្រូវបាន​ក្រសួង​ពាណិជ្ជកម្ម​សម្រេច​ចុះបញ្ជី​សម្គាល់​ភូមិសាស្ត្រ ដែល​រួមមាន ម្រេចកំពត ស្ករត្នោត​កំពង់ស្ពឺ និង​ក្រូចថ្លុង​កោះទ្រង់​ (​ខេត្តក្រចេះ​) ចំណែក​ក្រុមហ៊ុន​បរទេស​ដែល​បាន​យក​ផលិតផល​របស់​ខ្លួន​មក​ចុះបញ្ជី​នៅ​កម្ពុជា រួមមាន ស្រា​សំប៉ាញ «Champagne» របស់​បារាំង និង​ម៉ាក​កាហ្វេ DoiTung Coffee មកពី​ប្រទេសថៃ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២៨ ខែមករា ឆ្នាំ ២០២០


  • ការនាំចេញកៅស៊ូរបស់កម្ពុជាកើនឡើង ៣០ភាគរយ
  • ពាណិជ្ជកម្មទ្វេភាគីកម្ពុជា ថៃ កើនដល់ជាង ៩ពាន់លានដុល្លារ
  • ការនាំចេញទំនិញពីតំបន់សេដ្ឋកិច្ចពិសេស មានកំណើនជាង ២៧ភាគរយ
  • កម្ពុជាបញ្ចុះថ្លៃអគ្គិសនី ដើម្បីរក្សាភាពប្រកួតប្រជែង
  • ទំហំពាណិជ្ជកម្មកម្ពុជា-អាមេរិកកើនជិត ៤០%
  • KRC នឹងបង្កើតមជ្ឈមណ្ឌលតាំងបង្ហាញផលិតផលកសិកម្មនៅមណ្ឌលគិរី
  • ការប្រមូលចំណូលពន្ធដារឆ្នាំ២០១៩ កើនលើសផែនការ ២៣%
  • អ្នកដំណើរតាមផ្លូវអាកាសរបស់កម្ពុជាកើនឡើងជាង ១០%
  • កម្ពុជាត្រូវការស្វាយ ៣០០តោន ១ថ្ងៃដើម្បីកែច្នៃ
  • មន្ត្រី៖ គម្រោងកែលម្អផ្លូវជាតិលេខ៣ សម្រេចបានជិត ៥០ភាគរយ