ព័ត៌មានសេដ្ឋកិច្ច ក្នុងនិងក្រៅប្រទេស

home latest
កង្វះស្បៀងអាហារនៅកូរ៉េខាងជើង

យោងតាមរបាយការណ៍ថ្មីមួយរបស់អង្គការសហប្រជាជាតិ កូរ៉េខាងជើងបានកត់ត្រាទិន្នផលស្បៀងទាបបំផុតរបស់ខ្លួនក្នុងរយៈពេលជាង ១ទសវត្សរ៍នៅឆ្នាំ២០១៨។ ផលិតកម្ម​ដំណាំសរុបមានចំនួនតែ ៤,៩៥លានតោនប៉ុណ្ណោះនៅឆ្នាំមុនធៀបនឹង ៥,៤៥លានតោននៅឆ្នាំ២០១៧។ មនុស្ស ១០,៩លាននាក់ក្នុងប្រទេសនេះត្រូវការជំនួយមនុស្សធម៌។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១២ ខែមីនា ឆ្នាំ ២០១៩


សេដ្ឋកិច្ចរបស់ប្រទេសតួកគីបានចាប់ផ្តើមឈានចូលទៅក្នុងការធ្លាក់ចុះ

អង់ការ៉ា៖ វិទ្យាស្ថានស្ថិតិតួកគី (TUIK) បានឱ្យដឹងថា ទិន្នផលសេដ្ឋកិច្ចបានធ្លាក់ចុះ ២,៤% នៅត្រីមាសចុងក្រោយឆ្នាំ២០១៨ ធៀបនឹងត្រីមាសទី៣។ ការធ្លាក់ចុះនោះកើតឡើងបន្ទាប់ពីការធ្លាក់ចុះនៅត្រីមាសទី៣ ផងដែរ។ ការធ្លាក់ចុះរយៈពេលពីរត្រីមាសជាប់គ្នាធៀបនឹងត្រីមាសមុនត្រូវបានចាត់ទុកយ៉ាងទូលំទូលាយថា ជានិយមន័យនៃការធ្លាក់ចុះទៅក្នុងវិបត្តិ។ កំណើនជារួមទទួលបាន ២,៦% សម្រាប់ឆ្នាំ២០១៨ ប៉ុន្តែចំនួននោះ គឺនៅតែទាបខ្លាំងបើធៀបនឹងអត្រា ៧,៤% ដែលបានកត់ត្រាកាលពីឆ្នាំ២០១៧ ដែលជាអំឡុង​ពេលចលាចល បន្ទាប់ពីការធ្វើរដ្ឋប្រហារបរាជ័យកាលពីឆ្នាំ២០១៦ និងការវាយប្រហារភេរវកម្ម។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១២ ខែមីនា ឆ្នាំ ២០១៩


ការព្យាករពីកំណើនសេដ្ឋកិច្ចរបស់អង្គការ OECD

អង្គការ OECD បានព្យាករកំណើនសេដ្ឋកិច្ចរបស់ប្រទេសមួយចំនួនសម្រាប់ឆ្នាំ២០១៩ និង ២០២០ ដោយនៅឆ្នាំ២០២០ ឥណ្ឌាត្រូវបានព្យាករថានឹងកើនឡើង ៧,៣% ចិន ៦% ប្រេស៊ីល ២,៤% អាមេរិក ២,២% បារាំង ១,៣% អាល្លឺម៉ង់ ១,១% ចក្រភពអង់គ្លេស ០,៩% អ៊ីតាលី ០,៥% និងជប៉ុន ០,៧%។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៨ ខែមីនា ឆ្នាំ ២០១៩


វៀតណាមមើលឃើញមានការវិនិយោគផ្ទាល់ពីបរទេសច្រើនឆ្នាំនេះ

វៀតណាម៖ វៀតណាមអាចនឹងមើលឃើញមានការវិនិយោគផ្ទាល់ពីបរទេសច្រើនក្នុងឆ្នាំ២០១៩នេះ។ ទិន្នន័យដែលបានពីភ្នាក់ងារវិនិយោគបរទេសក្រោមក្រសួងផែនការ និងការ​វិនិយោគបានបង្ហាញមកថា វិនិយោគិនបរទេសបានវិនិយោគប្រមាណ ៨,៤៧ប៊ីលានដុល្លារក្នុងប្រទេសវៀតណាមក្នុងរយៈពេល ២ខែកន្លងមកនេះ ដែលច្រើនជាងរយៈពេលតែមួយកាលពីឆ្នាំមុន។ អ្វីដែលកត់សម្គាល់ ការវិនិយោគផ្នែកវិទ្យាសាស្ត្រ និងបច្ចេកវិទ្យាបានកើនឡើងយ៉ាងខ្លាំង ដែលធ្វើឱ្យវិស័យនេះក្លាយជាវិស័យដែលមានប្រជាប្រិយភាពជាងគេលេខបីក្នុងប្រទេសវៀតណាមទាក់ទិននឹងការវិនិយោគពីបរទេស។ និន្នាការនេះក៏កំពុងតែបន្តកើតមានឡើងក្នុងខែនេះដែរ ដោយ​មានខេត្ត និងក្រុងជាច្រើនប្រកាសពីការអនុញ្ញាតគម្រោងគុណភាពខ្ពស់ៗជាបន្តបន្ទាប់។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃចន្ទ ទី១១ ខែមីនា ឆ្នាំ ២០១៩


ជញ្ជីងពាណិជ្ជកម្មសហរដ្ឋអាមេរិក

នៅឆ្នាំ២០១៨ ឱនភាពពាណិជ្ជកម្មសរុបនៅទូទាំងពិភពលោករបស់អាមេរិកបានកើនឡើង ១០,៤% ដល់ ៨៩១,៣ពាន់លានដុល្លារ ដែលជាកម្រិតខ្ពស់បំផុតមិនធ្លាប់មាន។ ទោះជាយ៉ាងណាបើរាប់បញ្ចូលសេវាកម្ម ឱនភាពនេះបានធ្លាក់មកនៅត្រឹម ៦២១ពាន់លានដុល្លារ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី១១ ខែមីនា ឆ្នាំ ២០១៩


  • សេដ្ឋកិច្ចឥណ្ឌាថយចុះនៅចុងឆ្នាំមុន
  • អត្រាគ្មានការងារធ្វើនៅតំបន់ប្រើប្រាស់ប្រាក់អឺរ៉ូ
  • ទីផ្សារការងារវៀតណាមកើនដល់ ៥៦លាននាក់
  • ភ្ញៀវទេសចរទៅទស្សនាទីក្រុងឌូបៃកើនឡើងតិចតួចនៅឆ្នាំមុន
  • ចិននៅតែជាដៃគូពាណិជ្ជកម្មសំខាន់បំផុតរបស់អាល្លឺម៉ង់
  • ទិន្នន័យសំខាន់របស់ប្រទេសសេណេហ្កាល់
  • សេដ្ឋកិច្ចជប៉ុនស្ទុះងើបឡើងវិញនៅត្រីមាសចុងក្រោយក្នុងឆ្នាំមុន
  • UN៖ អត្រាអ្នកគ្មានការងារជុំវិញពិភពលោកបានធ្លាក់ចុះ
  • រដ្ឋាភិបាលកូរ៉េបារម្ភពីការនាំចេញដែលកំពុងធ្លាក់ចុះ
  • ក្រុមហ៊ុនជប៉ុន HOYA បោះទុន ៣០០លានដុល្លារ កសាងរោងចក្រនៅឡាវ ដើម្បីផលិត HARD DISK កុំព្យូទ័រ